نجوم مصرية
منتديات نجوم مصرية منتدى الكمبيوتر والانترنت منتدى النقاش حول مشاكل الكمبيوتر والإنترنت



مشاكل وحلول شركة تى اى داتا

 

بسم الله الرحمن الرحيم"

انا عارف ومعظم عارفين ان الشركة الاولى فى مصر "تى اى داتا" مشاكلها لا تعد ولا تحصى"

وبما انى عانيت معهم كتير لحد ما بقى عندى خبرة انك احل كل المشاكل بدون مساعداتهم"






فأنا حبيت اشارك حلولى معاكم" فأى واحد عنده مشكلة فى النت عنده" وعاوز يشاركها معانا هنا" سأكون حاضر دائما"
واتمنى ان نصل الى حلول لكل مشاكل شركة "تى اى داتا" والحصول على اعلى جودة.

منتظر استفساركم"








المقال "مشاكل وحلول شركة تى اى داتا" نشر بواسطة: بتاريخ:
adona
والله حضرتك انا تعبت من الشركة دي انا مشترك علي سرعة 512 والمشكلة دايما بتبقي في التصفح او البنج دايما بطيء والبنج عالي وطبعا ده من اول ما اشتركت وكلمتهم كتير ودايما ردهم المهم سرعة التحميل واللي للاسف اغلب الوقت مظبوطة وقالولي احنا مش بندعم تظبيط البنج يعني ملناش فيه وكلمتهم علي الدعم الفني علي الفيس بوك علي صفحتهم وبعتلهم ايميل وبرده مفيش فايدة واحيانا يقولولي ان ده بسبب الشايرد باندوتس اللي بتكون في السنترال وان لما بيكون في ضغط علي الخدمة بيكون ده السبب وكمان انا مشكلتي ان خط التليفون عندي فايبر ومفيش غير تي اي داتا اللي بتشغل عليه يعني مش عارف اغير لشركة تانية يا تري عند حضرتك حل للمشكلة دي
x_zero
والله حضرتك انا تعبت من الشركة دي انا مشترك علي سرعة 512 والمشكلة دايما بتبقي في التصفح او البنج دايما بطيء والبنج عالي وطبعا ده من اول ما اشتركت وكلمتهم كتير ودايما ردهم المهم سرعة التحميل واللي للاسف اغلب الوقت مظبوطة وقالولي احنا مش بندعم تظبيط البنج يعني ملناش فيه وكلمتهم علي الدعم الفني علي الفيس بوك علي صفحتهم وبعتلهم ايميل وبرده مفيش فايدة واحيانا يقولولي ان ده بسبب الشايرد باندوتس اللي بتكون في السنترال وان لما بيكون في ضغط علي الخدمة بيكون ده السبب وكمان انا مشكلتي ان خط التليفون عندي فايبر ومفيش غير تي اي داتا اللي بتشغل عليه يعني مش عارف اغير لشركة تانية يا تري عند حضرتك حل للمشكلة دي
طيب اخى هل التصفح بطىء طول اليوم؟ ولا فى اوقات بيبقى شغال كويس وخصوصا من بعد الفجر كده الى وقت الظهر؟ لو بيشتغل كويس فى الفترة دى" يبقى تاكد ان السنترال اللى حاضرتك تابع ليه مش متحمل وهى دى المشكلة اللى انا عانيت منها كتير" وليس لها حل الا ان تقوم الشركة المغور لها بتحديث معداتها لدى السنترال اللى حضرتك تابع له"

لكن لو التصفح بطء فى كل الاوقات" وفى نفس الوقت الرواتر بيقراء السرعة مظبوطى : فدى قصة تانية.
adona
لا هو فعلا فيه اوقات بيبقي مظبوط فيها يعني واضح انها عشان بس طب نعمل ايه طيب وبعدين هو الباندويث شارينج ده قانوني ده كانهم عاملين لنا شبكة علي السنترال وبعدين ازاي احول لشركة تانية وانا خطي فايبر واكيد طبعا السنترال مش هيغيره لان تي اي داتا والمصرية للاتصالات شركة واحدة
x_zero
اخى الكريم" بالنسبة لاستفسارك تعمل ايه" الحل الامثل انك تجمع عدد من المشتركين فى نفس المنطقة وتتقدموا بشكوى لسؤ خدمة الانترنت فى المنطقه كلها" واكيد ان شاء الله هايحدثوا الاجهزة" ده بيعتمد على عدد الشكوى المقدم لهم" يعنى بمعنى اخر اوجع دماغهم"

بالنسبة لتغير الشركة" دى سهلة جدا" سواء كان خطك فايبر او اى شيء تانى" كل المطلوب انك تعرف اذا كان فى شركات نت اخرى توجد لدى السنترال اللى انت تابع له" يعنى فى لينك دى اس ال وفى اتصلات وفى فودا فون" بس للاسف تجد هذه الشركات موجوده ببعض المناطق وليست كلها" فلو شركات الانترنت الاخرى موجودة فى السنترال اللى انت تابع ليه" يبقى ما فيش ادى مشكله"

بس انا هنا اسألك انت سؤال" لو المشكله فعلا فى السنترال: ايه الفائدة انى اغير الشكرة؟؟ وانا هافضل على نفس السنترال ؟؟

الاحسن والافضل انك تتقدم بشكوى للشركة علشان يحلوا مشكلة السنترال والمعدات اللى بقالها قروون.
adona
طب انا هعرف ازاي ان في شركات تانية علي السنترال ولا لا وبعدين انا سالت قبل كده في اتصالاات ولينك قالولي مش هينفع علي خط فايبر لازم تحول نحاس الاول وبعدين انا قولت اغير الشركة يمكن يكون في سياسة مختلفة عندهم او مفيش ضغط علي شبكتهم مثلا وكمان في واحد عندي في المنطقة منزل سرعة 8 ميجا علي نفس شركتي واكيد ده اللي شافط السرعة.
x_zero
ادخل على موقع كل شركة" وبعدين اختار المنطقة اللى انت ساكن فيها" وهتلاقى البانات هناك" يعنى لو اتصلات او فودافون متاحه عندك. هتلاقى اسم المحافظة والسنترال اللى انت تابع له موجودين فى موقع الشركة..
بالنسبة لقصة اللى جليب 8 ميجا ده" دى بجد بتأثر جاااااااامد" وهى شركة تى اى داتا عملت عرض الابتومم ده علشان تقلل من المشاكل اللى ناتج عنده البطء وخفض كمية الشبكات.
%u0632%u0627%u0626%u0631
انا عندي بقي السرعة كويسة والبنج كويس, بس اما اعمل داونلود البنج بيعلي ل 3000 و اكتر, وانا شاكك ان دي حركة من الشركة عشان يخنقوا عليا

رجاء التواصل علي [email protected]
%u0632%u0627%u0626%u0631
السلام عليكم ورحمة الله وبركاته
عندى استفسار بخصوص اشتراك فى شركة تى اى داتا
انا عندى خط 2 ميجا مشترك فيه 10 افراد وكانت السرعه كويسه جدا حتى انى كنت اشاهد كل المباريات اون لاين وكل شئ كان اون لاين بدون اى مشاكل اما الان اصبحت وكانى مشترك فى خط 128 محصلش حتى 512 فين وممكن التحميل يكون عندى 200 كيلو او اكتر والفيديو ميشتغلش خالص لحد تقريبا الساعه 4 الفجر يبدأ يتظبط وطول النهار التحميل مش ثابت مره عالى ومره منخفض اما الفيديو فدائما لا يعمل الا بعد الساعه 4 لغاية الساعه 11 كده
ممكن تكون المشكله فى السنترال؟؟ بس هو كان مظبوط
ياريت تفيدنا فى هذا الموضوع
%u0632%u0627%u0626%u0631
انا مشترك في خدمة 1 ميجا للبيت عندي بس و بعاني في الفترة الاخيرة من مشكلة الصفح البطيء جداً كأني علي 256 كيلو لك اتحميل تمام و شغاال الحمد لله , بس لما اجي اشوف فيديو علي اليوتيوب مثلاً بياخد وقت طويل , بس أول ما الشاعة تيجي علي الفجر كدة النت يتظب تاني و التصفح بيكون سريع!!!!!
%u0633%u0627%u0645%u064A
علي فكره من كثرة بحثي عن موضوع النت ومشاكله بالأخص مع شركة تي اي داتا وجدت ان بنسبة 90% المشكله من الشركه نفسها وهي الي بتعمل الأعطال دي وتقريبا لأن معدتها وأجهزتها لم تعد تتحمل الي عليها لأن حصل معي نفس المشاكل دي ولما كنت اتصل بيهم يرجعولي السرعه علي ما انا متعاقد عليه وبهدها بيوم يروحو منزلنها تاني ااااااااااااو ان الشركه بتعمل كده عشان تنشط او تذيد من دخل شركة الأتصالات لعمل مكالامات ذائده فتعلي من ثمن الفاتوره لأن الي شفته عامل ذي واحد شايف طفل بيعمل حاجه غلط فيقله متعملش كده فيقوله حاضر وشويه يرجع يروح عامل نفس الغلطه تاني فيرجع ويقوله بلاش تعمل كده فيقله حاضر وهكذا دواليك فالموضوع عاوز شكوي للجهاز القومي لتنظيم الأتصلات وستجد موقعها علي نت وهذا اللينك الخاص بها http://www.ntra.gov.eg/arabic/main.asp وكل الي عنده المشكله دي يبعت حتي تتحرك سيعا لحل المشكله واقولكم حاجه غريبه ان الحراره في التليفون عندي مقطوعه والنت شغال بس طبعا لما اتصلت بالدعم الفني مقلتلهمش ان مافيش حراره عشان ميخدهاش حجه واشتغل النت برغم ان معنديش حراره
محمد على مصطفى
السلام عليكم انا عندى مشكلة كبيرة عندى خط 512 وكان شغال كويس من فترة طويلة دى الوقتى البنج بيقطع بطريقة غبية وبيفصل كل شوية خالص كلمت الشركة لم زهت ولن اوصل الى حل والروتر شغال كويس عاوز اوصل لحل للمشكلة دى
رد زائر
السلام عليكم ورحمة الله وبركاته:
لو سمحت أنا عايز أسأل حضرتك عن حاجه بجد تعبتني ومش لاقيلها حل وعايز أفهم الغلط فين:
أنا مشترك بسرعة 1 ميجا والمفروض ان سرعة نقل البيانات أو التحميل تكون عندي 256 ك.ب زي ماهو مكتوب ع الفاتورة بس الحقيقة ان سرعه التحميل عمرها ما زادت عن 128 ك.ب حتى ف اوقات بعد الفجر دا معناه إيه ؟
وكمان التصفح بيكون من فتره 5 مساءً لما 12 نص الليل زي الزفت وأخف الصفحات مش بقدر أفتحها ودا كل يوم . هل دا راجع للضغط ع السينترال ولا عيب ف السنترال ؟ ولو عيب ف السنترال نتوجه للشركه تشوف حل للموضوع دا ولا نسكت ولا نعمل إيه ؟ ياريت حضرتك تساعدني بجد لاني خلاص احترت
احا يا اتصالات
انا عندي السنترال فاضي مفهوش حد غير يطلع تليفون واحد بس ممشتركش في النت فانهي شركة وسرعة اشترك فيها
رد yousury
مشاكل النت عندى زفت
متعاقد على سرعة 1 ميجا اما النت متقطع وضعيف يعنى فين السرعة المتعاعد عليها ولم اتنازل عن حقى لان الشركة ما بتترك اى جزاء من حقها للعميل فلو وصل الامر للحلول لاعلى المستويات عاوز حقى لان بيع الوهم خطا فادح
واحد اتخنق
النت عندي بيفصل كل نص ساعه انا اتخنقت ولازم اشيل الكهربا واشغلها تاني حد يعرف الحل انهرده 13\12\2015
جهينى
انا عندى خط 1 ميجا بس لا جوجل بلاي ولا واتس اب بيشغلو عندى على اى فون اى فون او جهاز يتصل بالنت من شبكتى مش بيفتحو فيه
زائر زعلان
انا النت كان شغال صحيت تاني يوم لاقيت النت فاصل بس لمبات الرواتر كلها شغالة ارجو الرد بسرعة



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
10 وصفات وخلطات طبيعيه لجميع مشاكل وحلول الشعر - وصفات رااائعه لنعومه وتطويل وكثافه وتغذيه الشعر
وصفات وحلول طبيعية لجميع مشاكل الشعر- خلطات رائعه ومفعولها سريع لكل حاجه عن الشعر - وصفات رووووووعه
هناك جمعية سواعد شباب مصر تعمل على تكافل خدمات وحلول مشاكل المجتمع المصرى بالمشاركة
(مشاكل وحلول) لشيخنا العلامة المربى محمد حسين يعقوب
المراهقة : تغيرات..متطلبات.. مشاكل.. وحلول!


Powered by vBulletin Version 3.8.8
Copyright ©2000 - 2018, Jelsoft Enterprises Ltd
جميع الحقوق محفوظة © nmisr.com نجوم مصرية