|
نشرت جريدة البشائر منذ وقت قليل فيديو تؤكد فية قتل رئيس مباحث المرج لشاب في مقتبل عمرة واضابة العديد من الاشخاص اثناء تفريق رئيس المباحث لبعض اعمال الشغب حيث كان يضرب النيران بطريقة عشوائية ذلك مثل ما قالة احد شهود العيان علي الواقعة وحمل الفيديو عنوان اول شهيد لقانون الطوارئ بعد الثورة حيث كانت الحادثة ليلة الامر باصدار العمل بقانون الطوارئ وفي الفيديو الاستماع الي شهود عيان من الوقاعة حيث يروي احدهم ان القتيل هو الشاب عبد الرحمن محمد محمود كان مروح بلده أسيوط وكان رايح الموقف علشان يركب مواصلة وفجأة لقي خناقة هوة وأصدقائه راحوا يشوفوا الخناقة ثم تم قتلة شاهد الفيديو
|
|
استخدام الرصاص الحى ده لازم يوقف ما ينفعش انا ضد الباعه المتجولين و نفسى مصر تنضف منهم بس مش بالطريقه دى
دول ناس عايزه تاكل عيش و زى ما قلت فى منهم بلطجيه و حراميه و بيهربوا بضاعه و تستاهل الحبس و فى منهم ناس فعلا غلابه و عايزه تاكل عيش و مش لاقيه بديل نلاقلهم بديل بدل ما نخنقهم اكتر لكن ما حددش يستاهل القتل فى الشارع كده حرام دول بنى ادمين يا عالم و مصريين زينا و لازم يتحقق فى الكلام ده و لازم اللى عمل كده ياخد جزاءه بالقانون العادل و تحيا مصر |
|
لا زلت مصراً على رأى سابق لى أبديته فى هذا المنتدى الجميل ....
قانون الطوارئ لا يمس الأمنين ... أعمال شغب .. عنف .... الخ ................... امال هو معمول ليه فى ظل الظروف العصيبة التى تمر بها مصرنا الحبيبة .... ولا ندرى ملابسات الموضوع .................... أقول لكم على واقعة حصلت أمامى من كام يوم فى ميدان رمسيس ................ شخص شاهدته يجرى تجاه ضابط شرطة ..... يقول له بالنص (ألحق يا با شا فى واحد معاه مسدس وراء مسجد الفتح وبيضرب به) ........ شاهدت الضابط وهو برتبة ملازم أول يتجه ناحية شارع الجمهورية وراء مسجد الفتح ........... وشد الأجزاء ولم يستطع أن يضرب وأمامه بلطجى أو مثير شغب بيده مسدس............. فما كان من المواطنين الموجودين فى المكان إلا وأمسكوا بالبلطجى .... وأوجعوه ضرباً .............. ثم سلموه إلى الجيش............................ ما رأيكم.......... قانون الطوارئ فى هذه الفترة الحرجة هو أمن مصر............. داخلياً ............. وما يأتيها خارجياً .................. ولا أعتقد أنه يمس الثوار الشرفاء ............ فمن فعله ثانية يعلم جيداً ............... أن قانون الطوارئ فى عهد النظام البائد لم يفلح فى قمع الثورة.................. |
|
أقول لكم على واقعة حصلت أمامى من كام يوم فى ميدان رمسيس ................ شخص شاهدته يجرى تجاه ضابط شرطة ..... يقول له بالنص (ألحق يا با شا فى واحد معاه مسدس وراء مسجد الفتح وبيضرب به) ........ شاهدت الضابط وهو برتبة ملازم أول يتجه ناحية شارع الجمهورية وراء مسجد الفتح ........... وشد الأجزاء ولم يستطع أن يضرب وأمامه بلطجى أو مثير شغب بيده مسدس............. فما كان من المواطنين الموجودين فى المكان إلا وأمسكوا بالبلطجى .... وأوجعوه ضرباً .............. ثم سلموه إلى الجيش............................ ما رأيكم..........
فكرتنى بفيلم سواق الاوتوبيس بتاع نور الشريف فى اخر الفيلم هو و كل اللى فى الاوتوبيس ضربوا الحرامى هو ده شعب مصر و الخنقه اللى احنا فيها لا يمكن الشعب حيسكت على حرامى او بلطجى و اللجان الشعبيه خير دليل من نفسهم حيحموا دارهم و اعراضهم و حيحمو الشرطه و يسطفوا معها مش عارفه بجد ليه قانون الطوارئ لكن هو على العموم لم يلغى لكى يفعل من جديد و لو كان كما قيل للبلطجيه و الخارجين عن القانون يبقى كلنا معاه و نشوف حيطبق فعلا على البلطجيه و الا حيحصل تجاوزات تانى و ترجع ريما لعادتها القديمه ان شاء الله خير و تحيا مصر |
|
"وكان رايح الموقف علشان يركب مواصلة وفجأة لقي خناقة هوة وأصدقائه راحوا يشوفوا الخناقة ثم تم قتلة"
ايه السيناريو الجميل انا مش بقول ان قانون الطوارئ كويس ولا بقول ان الشرطه تغيرت انما قول انه اول شهيد وهي معركة بلطجيه حرام |
|
اوام عملتو البلطجى شهيد
وطبعا هتحذفو ردى عملا بمبداء لو خلفتنى فى الراى تبقى عدوى يلا فى داهية هو واللى وزية |
|
دلوقتى جريدة البشاير دى ماذا تقصد بهذا الخبر
هى الجريدة دى تبع مين بالضبط الثورة قامت وبعد ها بفترة المجلس العسكرى لغى قانون الطوارىء مفيش احترام حصل لهذ الالغاء والبلطجة زادت عن حدها المجلس العسكرى عدل قانون الطوارىء لصالح الشعب بعدة بنود محددة بنقول يارب اهدى الأحوال بين الشرطة والشعب ولأن هذه البنود المعدلة وهى التصدى للبلطجة وحماية الشعب من تخصص الشرطة يعنى الشرطة هى التى ستحمى الشعب بهذه البنود ومفيش ناس حا تنزل لنا من المريخ لتنفيذها ايه لازمة هذه الجريدة تنشر هذا الخبر ؟؟؟؟؟؟؟؟؟؟؟؟؟؟؟؟ سأكتب بجوجال جريدة البشاير وحا اهزقهم بالجامد وعلشان عيب اوى يعملوا ضغينة بين الشرطة والشعب بهذه الأخبار البايتة وشكرا لك مشرفنا العام باراديس مان السمارت انا اوجه كلامى للجريدة ولن اتركها |
|
انا السماعه عندي تعبانه والصوت مش واضح بس سامع انه بيقول رئيس المباحث بيضرب نار في الناس عشوائي وامناء الشرطه والعساكر معاهم اسلحه اليه وبيضربو في الناس . طيب كل ده حصل ومات واحد بس ؟؟؟؟؟؟؟؟؟؟؟؟؟؟ الكلام ده اعتقد انه فشنك والله اعلم |
|
صحيح هو مش ذاكر تاريخ فى الفيديو و مش يمكن الكلام ده قديم
و الجريده بتطلعه دلوقت على انه جديد؟؟؟ لما نشوف اخرتها مع الاخبار اللى غير مدققه دى لو الجريده دى عملت الخبر ده بدول وثائق و ادله صحيحه يبقى يطبق عليها قانون الطوارء و تحيا مصر |
| مواضيع مشابهة: | ||||
| › بالفيديو عصام شرف : قانون الطوارئ لحماية الثورة واعاني شخصيا من ارتفاع الاسعار | ||||
| › أم شهيد الطوارئ تحتضن وائل غنيم | ||||
