اقر الدكتور عصام شرف رئيس مجلس الوزراء حركة المحافظين الجدد و التى شملت 11 محافظا جديدا و تعيين ثلاثة نواب لمحافظتى القاهرة و الاسكندرية و نقل محافظ لمحافظة اخرى.

وتضمن القرار ما يلى :
- تعيين اللواء عادل لبيب محافظا لقنا
- تعيين اللواء طارق المهدى محافظاً للوادى الجديد
-تعيين السفير عزت محمد سعد محافظا للأقصر
-تعيين أحمد على أحمد محافظا للفيوم
-تعيين الكاتب الصحفي الدكتور عزازي علي عزازي محافظا للشرقية
-تعيين سيد البرعي محافظا لأسيوط
-تعيين المستشار ماهر مرسي محافظا لبني سويف
-تعيين اللواء صلاح الدين المعداوي محافظا للدقهلية
-تعيين الدكتور أسامة الفولي محافظا للاسكندرية
-تعيين المهندس محمد مختار المحلاوي محافظا للبحيرة
-تعيين اللواء سراج الدين الروبي محافظا للمنيا
-نقل المستشار محمد عبد القادر عبد الله من محافظة الشرقية ليكون محافظا للغربية

-تعيين اللواء محمود الميهي نائبا لمحافظ القاهرة
-تعيين اللواء بحري إيهاب فاروق نائبا لمحافظ الاسكندرية


وأكدت مصادر بمجلس الوزراء أن المحافظين الجدد سيؤدون اليمين الدستورية أمام المشير حسين طنطاوى رئيس المجلس الأعلى للقوات المسلحة يوم السبت.


ومن المقرر أن يجتمع المشير، بالمحافظين الجدد عقب أدائهم اليمين لمناقشة الخطط التى يتم تنفيذها بالمحافظات وتعمل على تحقيق مطالب الثورة، كما سيجتمع بهم المستشار محمد عطية، وزير التنمية المحلية، داخل مكتبه بالوزارة قبل ذهابهم إلى المحافظات لتسلم مهامهم الوظيفية.

اللهم وفف الجميع لما فيه خير البلاد والعباد

ان شاء الله تعيينهم خير لمصر

شكرا مشرفنا العام أبو حرب

هو مش عادل لبيب دا كان فى اسكندرية ولا انا غلطان وطلع منها بزفة والغباء كمان انهم يحطوة فى قنا اللى كان حاصل فيها قلق وغيرة

هو فية اية ؟ هو احنا لية بنعمل كدا هو خلاص منصب المحافظ دا بيبقى مدى الحياة مع اختلاف المحافظة ولا اية ولا البلد مفيهاش رجالة ولا بلاش اقول المجلس والحكومة هم اللى مش تمام ودا الاكيد

لا يا ربيل اللي انت ما تعرفهوش ان ممكن تكون محافظة قنا عامله فرح عشان عادل لبيب لان الراجل ده كان ماسك قنا قبل الاسكندريه وعمل في محافظه قنا عمايل مكانش حد يحلم بيها بالنسبه للنظام السابق انا روحت قنا وشوفتها فعلا قبل وبعد عادل لبيب . وعلشان كده بيحبوه جدا
بس انا ما عرفش هو انقلب حاله ليه في الاسكندريه .
لكن الغريب فعلا هو ان ما فيش رجاله في مصر يعني المحافظ او غيره هيفضل كده على طول وما فيش ناس جديده عايزه تشتغل وتملك نشاط اكثر من اللناس اللي مفروض تتقاعد حتى الناس تحس بتغيير شويه .

عادل لبيب محافظ بمعنى الكلمه فى قنا الكل بيعتمله اعتبار

يا عبدة باشا هو يعنى لبيب دا كان بيعمل حاجة من جيبة ولا احنا هنقول زى حسنى ما عمل مترو الانفاق دا على اساس انة كان شغال مع العمال فية

وهو ما دام عمل كدا فى قنا معملش كدا لية فى اسكندرية والناس لية مكنوش بيطيقوة ولا هو لية قرايب هناك عشان كدا خدم قنا ومخدمش اسكندرية

لية بقى شغل العناد دا كأن اللى خلق لبيب مخلقش غيرة

يا عبدة باشا هو يعنى لبيب دا كان بيعمل حاجة من جيبة ولا احنا هنقول زى حسنى ما عمل مترو الانفاق دا على اساس انة كان شغال مع العمال فية

وهو ما دام عمل كدا فى قنا معملش كدا لية فى اسكندرية والناس لية مكنوش بيطيقوة ولا هو لية قرايب هناك عشان كدا خدم قنا ومخدمش اسكندرية

لية بقى شغل العناد دا كأن اللى خلق لبيب مخلقش غيرة

يا ربيل ما انا متوقع انك هتقول كده وعلشان كده انا كتبت لك هذه الجمله
( عمل في محافظه قنا عمايل مكانش حد يحلم بيها بالنسبه للنظام السابق )
يعني انا عارف انه مش من جيبه بس مقارنه باللي كان بيحصل من النظام السابق الله لا ترجعه . خمسه مليون ميزانيه منها مليون للمحافظه
و اربعه مليون في جيب المحافظ ونصلح شارع ونقول صلحنا عشره وهكذا ده كان قصدي .
انما بالنسبه للاسكندريه انا زي ما قولت لك انا ما عرفش هو انقلب حاله ليه هناك يمكن عملو له عمل ههههههههههههههه

يارب يشتغلو للبلد وليس لمصالحهم الخاصة

يا جماعة مع احترامى الشديد للجميع لازم نتعاون مع عصام شرف الراجل حيموت نفسة عشان مصر مش معقول حيرضى 90مليون ويفصل لكل واحدطلباته انا شايف اننا خسرنا وزير مالية كفء سمير رضوان الراجل طق من الاستعجال والزن الكتير

جماهير سوهاج تسعد ببقاء الحمزاوى محافظاً لسوهاج ، فهو أول من قاد حملته ضد الفساد