....وافتكر انه كان فى برنامج لمصطفى الادور كان بيجى على القناه الثالثه اسمه(قصه مباراه) ..كان مستضيف خالد بيبو فى الوقت دا ...وفى نهايه الحلقه دى ..بيسئله بيبو هتلعب فين الموسم القادم؟ ..ولم يعطى بيبو اجابه واضحه الا ان فى فجر اليوم دا ..اذيع خبر انتقال اللاعب الى النادى الاهلى .وسط حزن جماهير النادى الاسماعيلى (موسم 2000 دا كان الاسماعيلى عندو ثلاثى هجومى رهيب ) (اوتاكا وبيبو وبركات)
2- محمد بركات : كان بيلعب فى الوقت دا فى الدورى القطرى ...وكان الموسم اللى قبله كان واخد افضل لاعب اجنبى فى الدورى السعودى وكان مكسر الدنيا ....وكان برضوا زى وليد سليمان كده كل موسم انو جاى الاهلى وتفشل الصفقه .....وفى يوم انفردت الجهوريه بخبر (محمد بركات رسميا فى الزمالك 3 سنوات) ...الا ان بركات فى نفس اليوم سارع فى نفى هذا الخبر فى مداخله مع احمد شوبير ....وفى اليوم التالى ....بركات فى الاهلى رسميا ..ولكن هذه المره كان المصدر محمد بركات نفسه فى مداخله تلفونيه مع شوبير برضو .....طبعا الصفقه دى خدت انتقدات واسعه جدا على اساس ان بركات كان مش فى مستواه فى الدورى القطرى وكان ناسى كوره تقريبا ..الى ان انتقل الى النادى الاهلى وكانت اول مباره له امام اسمنت السويس ....وشارك كأحتياطى واستطاع تسجيل هدف الاهلى الثالث فى المباره دى ...وفى الموسم دا بدء بركات يشارك كبك يمين ..ويعود لمستواه تدريجيا واستطاع ان يرد على كل منتقديه ..واصبح بركات ملك الحركات
3-اسلام الشاطر : انتقل اسلام الشاطر الى الزمالك رسميا بعقد لمده 3 سنوات ...وشارك فى اول مباره مع الزمالك امام نادى الاتحاد وقدم مباراه رائعه ..واستطاع ان يصنع هدفين فى تلك المباره ....وفى اليوم الثانى كل الصحف كانت بتتكلم عن تألق اسلام الشاطر مع نادى الزمالك ...ونفاجأ فى اليوم التالى ..اسلام الشاطر الى اتحاد جده السعودى اعاره 6 شهور ....فى الوقت دا بأمانه جريده الهدف قعدت تقول اسلام الشاطر اهلاويا فى يناير بعد انتهاء اعارته الى اتحاد جده ...قولت طب ازاى دا اللاعب رايح اعاره وراجع نادى الزمالك تانى ....وكانت المجله كل اسبوع تأكد الخبر الشاطر اهلاوى فى يناير ....الاان استطاع الداهيه عدلى القيعى فى الحصول على خدمات اللاعب بعد وجود ثغره قانونيه فى عقده تتيح له الاحتراف بعد سداد مليون و700الف ...وليس محدد احتراف داخلى او خارجى ..مجرد كلمه احتراف
.....وفى حديث بعد انتقال الشاطر الى الاهلى ..اكداسلام الشاطر فى الوقت دا انو كان نفسو يلعب فى الاهلى من زمان ..و أكد ..كان صعب جدا انى انتقل الى الاهلى من الاسماعيلى ...بسبب حصول الاهلى على خالد بيبو وهو كان لاعب فى الاسماعيلى فكان هناك احتقان كبير على نادى الاهلى فى الاسماعيليه..وكان صعب على مجلس الاسماعيلى بيعى الى النادى الاهلى
4- شريف عبد الفضيل : مصر كلها عارفه ان شريف مضى للزمالك ....وكان يوم خميس ..وكان مدحت شلبى عندو البرنامج الاسبوعى بتاع حصاد الاسبوع ...لدرجه ان حلقه كامله 5 ساعات تقريبا كانوا بيتكلموا على الصفقه دى وانتقال اللاعب للزمالك ...لدرجه ان معظم مسئولى الزمالك عملوا مداخلات عديده اكدوا فيها ان اللاعب زملكاوى خلاص ...وان اخوة نبيل عبد الفضيل متواجد فى الزمالك منذ الساعه 6 مساءا وخرج الساعه 12 وبيقول لمسئولى الزمالك ..مبروك عليكوا شريف عبد الفضيل ...هروح اجيب اللاعب عشان يخلص كل الاجراءت معاكوا ..وخرج نبيل عبد الفضيل ولم يعد!!!!! ....وفى فجر الجمعه انتشرت اخبار بتقول ان شريف وقع للاهلى 3 سنوات ...لدرجه ان قناه مودرن سبورت فى الوقت دا كان شغال ماتش قديم من الدورى كان بين انبى وحرس الحدود ...ونفاجأ بخبر بشريط كبير بعرض الشاشه..شريف عبد الفضيل يوقع للاهلى 3 سنوات .......وعرفنا بعد كده ان مسئولى الاهلى استضافوا شريف عبد الفضيل بأتفاق مع اخوة نبيل عبد الفضيل ونصر ابو الحسن ...وقام محمد عبد الوهاب العضو السابق بنادى الاهلى بفتح مكتبه فجر تلك اليوم لانهاء تلك الصفقه طبعا برئاسه الداهيه عدلى القيعى .....وفى صباح الجمعه ذهب شريف عبد الفضيل الى النادى الاهلى وسط استقبال حافل من اعضاء نادى الاهلى ...وفى اليوم دا كان هناك انتخابات النادى الاهلى ...قام الاعضاء برفع شريف عبد الفضيل على الاعناق متوجهين به الى خيم الانتخابات ....فرفض حسن حمدى و محمود الخطيب فى تلك الوقت دخول عبد الفضيل الى مكان الانتخابات (طبعا كانت صفقه مدويه فى تلك الوقت ..لو اى حد تانى غير مجلس اداره النادى الاهلى ..كانوا خدو اللاعب وضمنوا الانتخابات 1000000000% فى تلك الوقت) المهم رفض الخطيب وحسن حمدى دخول اللاعب مكان الانتخابات وطالبوة بالتوجه الى الاستاذ عدلى القيعى لانهاء جميع الاوراق الخاصه بانتقال اللاعب
دول اهم كواليس الصفقات البوليسه بقياده المهندس عدلى القيعى ...اعذرونى لو فى تفاصيل وقعت منى عن تلك الصفقات
الغريبه ان معظم انتقالات لاعبى الاسماعيلى الى الاهلى بتم بطريقه بوليسيه هههههههههههههههههههههههههههههههه
بالتوفيق لنادى الاهلى ...وانتظروا صفقات مدويه فى الفتره القادمه وان شاء الله اولهم وليد سليمان واحمد دويدار