السلام عليكم

اولا كل سنة وانتوا طيبين بمناسبة شهر رمضان الكريم

للاسف عنوان الموضوع من وحى الخيال ودرب من دروب المستحيل

لكن فى نفس الوقت لما تتابع ردود فعل المصريين على القرعة و نظام التصفيات تحس ان المصريين عاوزين كدة

وعندهم حالة تشاؤم كبيرة

بالرغم من ان المجموعة ونظام التصفيات اعتقد من وجهه نظرى الشخصية هو افضل واعدل نظام تصفيات شفتة من وقت ما تابعت كورة القدم

راى معظم المصريين اللى تابعتهم هنا فى المنتدى ان التصفيات نظامها وحش

بالرغم من ان نفس الاصوات كانت برضة بتشتكى من نظام التصفيات السابق

وبتقول انة بخلى الفرق اللى تمثل افريقيا فرق ضعيفة ومش هى الاقوى

نظام التصفيات الحالى بيخرج 10 فرق اللى هم المفروض اوائل المجموعات

صحيح قد يكون فيهم كام فريق تعبان

وهو دة فايدة المرحلة الاخيرة

ان كل فريق يقابل فريق ذهاب وعودة ويصفوا بعض ولو كان فريق حظة حلو فى المجموعات وهو فريق تعبان لا يشرف افريقيا

اكيد هيخرج فى الجولة النهائية

الا اذا فاز كمان فى الجولة النهائية واسف وقتها هيكون فريق اكيد محترم ويستحق

للاسف عدم ثقتنا فى منتخبنا و تراخى لاعبية فى التصفيات و تعاليهم وغرورهم خاصة فى اللعب امام الفرق الصغيرة فى افريقيا

جعلنا لا نرى الحقيقة

جعلنا لا نرى ان عدم ذهابنا الى كاس العالم سببة الاول والاخير هو فشلنا و اخطائنا

وليس كما يعتقد البعض الاتحاد الافريقيى بسبب وضعة لنظم سيئة

لان النظم التى يضعها الاتحاد الافريقي يضعها قبل بداية التصفيات وتسرى على الجميع وليس على المنتخب المصرى فقط

حتى نصل الى كاس العالم لا يجب ان نتظر منحة او تفضيل او خدمات من احد

يجب ان نتعامل مع اخطائنا باحترام ونعترف بها

يجب ان نتعامل مع كل فرق افريقيا الصغيرة قبل الكبيرة انها فرق محترمة تلعب كرة قدم حديثة

ونستعد لها و نقاتل امامها

لان العقلية السائدة داخل المشجع المصرى وبالتالى الاعب المصرى

انة يستطيع ان يفوز على اى فرق من تلك الفرق الافريقية الضعيفة فى اى وقت

وهذة الثقافة هى سبب كوارثنا الكروية على الاقل فى ال 6 سنوات الاخيرة

والله عندك حق وكل كلمة قلتها صح واحنا دايما اللى بنعمل كده فى روحنا واحنا اللى خرجنا روحنا من تصفيات كأس الامم باستهتارنا الزايد ده لو مجموعتنا كان فيها كوت ديفوار والكاميرون ونيجريا كنا صعدن اما سيراليون والنيجر وجنوب افريقيا فرق صعبة

كلام تمام جدا