اصدرت الجماعة الاسلامية قرار لكل اعضائها بعدم الظهور مع اى مذيعة متبرجه فى لقاءات تلفزيونية واستند القرار بان الجماعة تطالب بالحجاب فكيف يجلس الاعضاء مع متبرجة وعلى الهواء وامام الشعب اكد ذلك طارق الزمر فى لقاء تلفزيونى تعقيبا على رفض بعض اعضاء الجماعة الظهور مع الاعلامية منى الشاذلى فى برنامها العاشرة مساء على قناة دريم ولكن المذيعة سألت طارق كيف هذا وعبود الزمر قى قدم لقاء معها من قبل عندما خرج من طرة فرد الزمر لقد كان هذا اللقاء قبل اتخاذ ذلك القرار وتعتبر الجماعة الاسلامية غير السلفيين والاخوان ولها منهجها

الجماعة الاسلامية غير السلفية غير الاخوان غير الليبراليين غير العلمانيين غير الحرامية والوحشين غير الاقباط غير مؤيد للمجلس ومعارض لة غير اية تانى حد يفكرنى اصل انا ملحقتش اسجلهم كلهم ؟


دا احنا عايزين مينا مش موحد القطرين بس لا مينا موحد جميع الاقطار بجميع المقاسات والاحجام

ههههههههههههههه
وبعد دة كلة بردة مش هنبقي واحد وهنفضل كدة
ثانكس

طبعا الدكتور طارق الزمر عنده حق والجلوس مع متبرجه محرم ورغم انني انسان غير ملتزم الا انني كنت استغرب كثيرا من المشايخ الذين يجلسون مع المزيعات المتبرجات وفي كامل زينتها وينظر اليها ويحاورها وجه لوجه . ولذلك المشايخ الفضلاء ومنهم الشيخ محمد حسان لم يجلس يوما امام اي مزيعه متبرجه او يجلس يوما على كرسي جلسته عليه قبله سافره او متبرجه حتى انني شاهدته احد المرات فقد اصطادته مذيعه بالصدفه في ايام الثورة في الشارع فقبل معها الحديث ولكن لم ينظر اليها طوال الوقت وعينه متجهه الي الجانب الاخر جزاه الله الف خير .
اما النقطه الغريبه يا شيخ طارق كيف جلس عبود الزمر اما المتبرجه قبل القرار هل هذا يعني ان قبل القرار كان محلل هذا وتم تحريمه بعد القرار ؟؟؟؟؟؟ الحلال بين والحرام بين يا طارق والرسول صلى الله عليه وسلم قد اكمل الدين باذن الله قبل 1400 عام

على اساس ان القرار ملزم اكتر من شرع الله ؟؟
ماهو قعد مع مذيعه قبل القرار


منار

هو ده اللى انا خايفه منه و اللى باقول فيه يا ازهر اصحى للى بيعموله الجماعات المتشدده دى لان ده خطر على مصر و امن دوله بجد
الشيطان يكمن فى التفاصيل و مستنى اى ميه عكره يدخل علينا منها و دول بيهيأؤا الجو لمصر ارهابيه مش اسلاميه ابدا لان مصر اسلاميه و منى الشاذلى مسلمه و محترمه رغم انوفهم جميعا الست عملت ايه؟ لا بتشتغل فى كباريه و لا عريانه بالعكس محترمه جدا
و قابل مذيعات متبرجات فى الجزيره و غيره لكن هو عايز دلوقتى يصعد العمليه و يبين انه الاخ متشدد

بدل ما يتكلمو عن نهضه مصر بيتكلمو فى خراب مصر باسم الاسلام بدل ما يتكلمو فى العلم بيتكلمو فى التشدد و بدل ما يتكلمو فى سماحه الاسلام بيتكلمو عن شرع (غير شرع الله) لكن شرع ارهاب
انا واثقه ان الناس دى حتنكشف قريبا ان شاء الله لان مصر مليانه بالعلماء و الدعاه و محروسه باهلها الطيبين القادرين على الرد عليهم و ربنا فوق الجميع قادر يرد عليهم و يرد كيدهم على نحورهم
يا رب احمى مصر و انصرها
و وحد صفوفنا على ما فيه الخير و السلم و السلام
تحيا مصر