مشية الكعب مش كده وخلاص يا بنات لأ دى فن وليه أصوله خاصة زمان لو لاحظنا كده فى الأفلام الأبيض والأسود البنات أول ما تكبر يبدأوا يعلموها لبس الكعب ويشيلوها على دماغها حاجات عشان تتوازن فى المشية....المهم المشية يا ستى الصح انك:-
- تبدأى الخطوة من المشط مش من الكعب يعنى أكنك ماشية على أطراف صوابعك( هيا صحيح رجلك هتوجعك شوية بس أحسن من انك تعملى صوت حسب الله وانتى ماشية..لأن المفروض ان الكعب وانتى ماشية بيه مايعملش صوت أصلن مش تبينى انك أول مرة تلبسيه والناس تتريق عليكى.
- لازم راسك يبقى مرفوع وظهرك مفرود ودى أهم حاجة .
- ثقتك بنفسك لازم تعلى أوى بس مش لدرجة انك تقعى فى الأخر.
- ركزى كويس ان الجزمة متعملش صوت خالص والنبى بلاش الفرح اللى بنعمله بالكعب ده.
- بالنسبة للناس المليانة يا ريت لما تجيب كعب تجيب الكعب الدبابة لأنه مش بيبيين التخن أوى عكس الكعب الرفيع ده لأن كمان مشكلته انه ممكن أوى يتكسر
وربنا يوفق الجميييع