بسم الله الرحمن الرحيم

بعد توالي المسميات علي ايام الجمع منذ اندلاع ثورة 25 يناير, دعت العديد من صفحات الفيسبوك الي النزول للتظاهر يوم الجمعة الموافق 29 يوليو تحت اسم "جمعة مصر الاسلامية" و اسم "مليونية الارادة الشعبية, الشعب يريد مصر اسلامية" مناديين بأن تكون مصر دولة اسلامية تحكمها الشريعة الاسلامية والمبادئ الاسلامية.

وهذه بعض التصميمات والشعارات الموجودة علي الفيسبوك لدعم الحملة:







من المسميات التي اطلقها المتظاهرون علي ايام الجمعة علي مدار وقت الثورة وحتي الان:

جمعة الغضب

جمعة التصميم

جمعة الانذار الاخير

جمعة الحسم

جمعة رد الجميل (خاصة بمتظاهري مصطفي محمود)

جمعة الاصرار

وغيرها من ايام الجمعة

مصر اسلامية طول العمر واللى مش عاجبه يروح امريكا .

مصر هتفضل اسلامية واللى مش عاجبه يروح امريكا .

ماليش غير رد واحد ( جاتكوا القرف قرفتونا فى عيشتنا ) بس خلاص الواحد اعصابه اتحرقت من شوية العيال دى .. و مش ممكن ابدا ابدا هما دول اللى كانوا فى التحرير 25 و 28 يناير ابدا ابدا مش كده و الا ايه ؟؟؟؟؟؟
و خير الختام ذكر النبى عليه الصلاة و السلام ******

يا زيزو انا مش عارف انت زعلان لية من الاعتصام والمليونيات اللى كل اسبوع عشان المطالب تتحقق

هو انت عاجبك الخمس شهور اللى عدوا من غير اى تقدم فى اى قضية او تحسن فى اى وزارة ؟

عاجبك ان المجلس ما بيعملش اى حاجة غير بمليونية ومشاكل وقرف ؟

عاجبك اننا نقعد كمان كام شهر لحد ما المجلس يفلسع كل الحرامية اللى فى البلد وكل واحد يهرب ومنعرفش ناخد حقنا؟

انا عايز اعرف رأيك بصراحة من الموقف دا ولية انت كارة المليونيات والاعتصام لحد دلوقتى

ان شاء الله كل مسلم يغار على دينه هكون في الميدان لكي يسمع العالم كله أن مصر اسلامية

ماليش غير رد واحد ( جاتكوا القرف قرفتونا فى عيشتنا ) بس خلاص الواحد اعصابه اتحرقت من شوية العيال دى .. و مش ممكن ابدا ابدا هما دول اللى كانوا فى التحرير 25 و 28 يناير ابدا ابدا مش كده و الا ايه ؟؟؟؟؟؟
و خير الختام ذكر النبى عليه الصلاة و السلام ******

صدقني يا زيزو باشا المرة دي مش شوية عيال ده شعب مصر بكل فئاته واعماره وان شاء الله حتشوف صدق كلامي يوم الجمعة 29 يوليو موعد لقاء شعب مصر في ميدان التحرير

يااااااااااااااااااااااارب

اصلح أحوال مصر

ياااااااااااااااااارب تعدى الأيام الجاية على خير

شكرا كرم المجتهد ماشاء الله وربنا يوفقك يارب

اخى العزيز .. ريبيل . و الفاضل العزيز .. المرابط المصرى .. من عملى و خبرتى التى تزيد على الثلاثون عاما
فى مجال العمل المعلوماتى و الاستخباراتى و الشرطى و القانونى و غيرها .. اقولها بصراحة اننى لا اريد اختبار حلم المجلس العسكرى .. لا اريد زيادة الضغوط على القوات المسلحة . لان عملها الفعلى غير العمل القانونى و السياسى فشتان بين الطبيعتين .. لماذا لا ننتظر . لماذا لا نصبر و نعطى مهلة و نرى الامور .. كل ما يتعين وزير ؟؟ نقول لا . ما ينفعش .. نقعد نقول انه من النظام السابق .. واحد يقولك ده وزير كذا و كذا و مش عايزينه يعنى ايه ؟؟ من امتى الواحد اختار ابوه و امه ؟؟ من امتى الواحد اختار مصيره . الا فى حاله تقرير هذا المصير .. الوضع يختلف تماما .. الصبر مفتاح الفرج ؟؟ يعنى اللى صبرنا على نظام قرف و مفترى 30 سنه ما يصبرناش كام شهر تستقر فيها الامور و تتعدل فيها الموازين و على الاقل ندخل على الشهر الكريم بايمان مش باعتصامات و كلام فارغ ؟؟ اظن وجهه نظرى و صلت مش كده و الا ايه ؟؟؟؟؟
و خير الختام ذكر النبى عليه الصلاة و السلام *****

يا اخ زيزو يا حبيبنا كلنا انا عايز اسألك سؤال

اية سبب اللى بيحصل دا والهجوم عالمجلس العسكرى واللى مسببلة ضغوط ؟ جاوبنى عالنقطة دى

انت بتقول عملها الفعلى غير القانونى والسياسى يبقى افهم من كدا ان واحد مش اد المكان والمسئولية اللى هو فيها يبقى يستقيل ويخلية فى اللى هو شاطر فية وعلى رأى المثل ادى العيش لخبازة مع ان اللى بنطالب بية مش معضلة او احنا بنطالب بلبن العصفور دا احنا بنطالب بمحاكمات للفاسدين وتطهير جهاز الشرطة وخلافة من بقية الطلبات اللى غلبنا خمس شهور مطالبات بتحقيقها

لماذا لا ننتظر ؟ لاننا انتظرنا خمس شهور ومفيش اى حاجة من اللى بقولك علية حصلت ولا انت شايف غير كدا ووضحلى بردة والمجلس مبيعينش من الاساس وزراء كويسين وبيقعد يعاند فى الشعب ويسيب وزراء كانوا فى النظام البائد ولسة موجودين ودى اول مرة اشوفها فى بلد فيها ثورة ولسة فية وزرا كانوا تبع النظام لسة فى حكومة الثورة حتى لو كانوا كويسين فعيبهم انهم رضوا يشتغلوا مع شوية حرامية مش الحسنة بتخص والسيئة بتعم ولا انا غلطان

ما تقارنش بين الاب والام والوزراء والحكام عشان مفيش مقارنة بتاتا عشان الشعب هو من يحدد مصيرة وليس الحاكم

احنا نصبر عالبناء ونتايجة ادام لكن منصبرش على محاكمة فساد وعدم تطهير البلد من الفاسدين وخصوصا اذا كانوا معروفين واحد واحد

واخيرا كل سنة انت طيب وكل اعضاء المنتدى بخير

اخى الفاضل دائما / زهرة منتديات نجوم مصرية فى تعليقاته ( العزيز ريبيل الطنطاوى ) بص يا سيدى الفاضل القوات المسلحة لها طبيعة عمل غير اى وزارة سيادية اخرى او حتى سياسية داخلية او خارجية لذا من ضمن ما تدربوا عليه جيدا جدا الالتزام الشديد بضبط النفس و هذا ما اقصده تماما .. عدم اختبار الحلم و الهدوء للقوات المسلحة .. و اقولها بالمثل البلدى على بقية تعليقك فى الرضا او عدم الرضا عن المعينين بالوزارات المختلفة ( عايزين ده و مش عاوزين ده ) الكلام ده غير صحيح مطلقا ليه لان البلدى بيقول ( لو اتحدت الاذواق لبارت السلعة ) مش كده و الا ايه يا ريبيل يا طنطاوى يا عسل و مدد يا سيدى احمد البدوى مـــــــــــــــدد .. و نسيت حاجة مهمة يا اخويا ريبيل المثل القائل الحسنه تخص و السيئة تعم ده اكبر مثل سيحطم امال الثورة لانه مثل فاشل جدا لاناخذ احد بذنب الاخر مش كده و الا انا غلطان ..........................و خير الختام ذكر النبى عليه الصلاة و السلام *****

حبيبنا زيزو انت اكيد فهمت اللى انا عايز اقولة كويس وانا فهمت اللى عايز تقولة كويس واعتقد مفيش خلاف على كدا وكل واحد وصل للتانى النقطة اللى بيتكلم فيها

واحب اقولك انى احترمك جدا واقدرك ايضا وكل سنة انت طيب ورمضان كريم

وأيا كانت الاراء, فالاختلاف فيها لا يفسد ابدا للود قضية

شكرا علي ردودكم جميعا واسمحولي ان اضيف رأيي المتواضع:

الشعب المصري يميل للدين بطبعه, وهذا من قبل الاسلام والمسيحية حتي,

وهذا طبعا شئ جيد ولكن الخوف الوحيد يكمن في حالات استغلال هذا التدين الفطري للمصريين للحصول علي مكاسب خاصة لبعض الفئات مما يضر باسم الدين وباسم مصر,

ولكني اعتققد ان ليست سودوية كما يراها البعض لان نسبة الوعي تجاه الدين في مصر زادت واصبح الكثير من الناس يفرق بين من يخدم الدين ومن يخدم اهواءه

اما بالنسبة لموضوع المجلس العسكري فانا شايف انه عمل اللي عليه في الفترة اللي فاتت ولسه احنا محتاجينه لاننا ماينفعش نضحك علي نفسنا ونقول اننا نقدر ندير الدولة بنفسنا وايدينا كانت متقيدة من سنين وسنين, لازم ناخد وقت نقدر نعيد ترتيب الافكار والامكانيات والاستعدادات, والفترة دي لحد الانتخابات الجاية, عشان كده لسه محتاجين المجلس العسكري لفترة صغيرة اضافية

يا كرم باشا انت بتقول انك شايف الكجلس االعسكرى عمل اللى علية

انا عايز اعرف عمل اللى علية فى اية بالظبط ؟؟؟ هتقولى مثلا دار البلد فى الفترة اللى فاتت بدون حروب والكلام دا هقولك ما هو حسنى مسكها تلاتين سنة زى بعض الجهلة ما بيقولوا الكلمة دى من غير ما يدخل فى حروب

المجلس اساس اى مشكلة احنا فيها يا اخ كرم من الاساس من ان اول ما مسك السلطة بعد التنحى ساب الحرامية كلهم يهربوا برة البلد ساب الحرامية فى اماكنهم ومناصبهم لحد الان جوا البلد يسرقوا وينهبوا وساب البلد من غير امن اللى بيقول حامى حما الوطن وكلام بس بنسمعة ساب وزرا فى اماكنهم وعين محافظين من امن الدولة وخللى الناس تعمل اعتصامات واضرابات عليهم والقلق يحصل فى البلد

مفيش حسنة واحدة عملها ولو عملها ما تشفعلوش فى وسط البلاوى التانية دى فى ظل حكم بلد مش ماسك شركة وانة ماسك فترة مؤقتة عشان يحقق مطالب الثورة وعدم التهاون فيها واللى احنا شايفينة معملش ولا اى حاجة منها

بتقول اننا هنضحك على نفسنا ونقول اننا ندير الدولة بنفسنا هقولك زى ما كنا بنضحك على نفسنا ونقول ايام الثورة مين اللى هيمسك بعد مبارك ومبارك لو مشى امريكا هتدخل واسرائيل هتضرب والكلام اللى انت عارفة دا ومطلعش فية اى حاجة وثانيا احنا ما بنألفش من دماغنا عشان تقول مش عارفين وبنضحك على نفسنا اى ثورة قامت فى العالم كان فية مجلس رئاسى مدنى هو اللى بيمسك الفترة الانتقالية وكانت بتبقى ناجحة وكان بيمسك لفترة اطول من الشهرين اللى بيقول المجلس ملتزم ان الانتخابات فى معادها وكان المجلس المدنى بيمسك كام سنة مش كام شهر وكان بيثبت كفاءتة

بلاش نقول المجلس خط احمر واسمر لحد ما البلد غرقت وهتغرق بزيادة ومش هنشوف تقدم ابدا الا لما المجلس دا يغور فى داهية مع رئيسة وولى نعمتة عايزين نقتنع بكدا وننقل عاللى بعدها عشان دا الاساس

وفى النهاية انت ليك رأيك بس احب اعرف هو مبنى على اية ما دام انت فتحت السيرة بتعاة المجلس دا

اللى هيحصل يوم 29 مش لمصلحة البلد
لازم نعيش تحت ظل قانون مدنى اساسه الشريعه الاسلاميه (اللى هو مطبق حاليا) حفاظا على حق المواطنه لاننا مش عايششن لوحدنا فى البلد احنا بلد مسلمة مسيحية فى نفس الوقت



منار