اغنية مطلوب زعيم كايروكي cairokee band و امير عيد و كلمات الاغنية التي تم حجبها اكثر من مرة و التي تبدأبخطاب تخلي حسني مبارك عن رئاسة الجمهورية و الاغنية من البوم مطلوب زعيم البوم كاريوكي الجديد و فرقة كريوكي فرقة مصرية زادت شهرتها بعد اشترك المغني الرئيسي بها امير عيد في اغنية في كل شارع في بلادي صوت الحرية بينادي اثناة ثورة 25 ينايرو تلك الاغنية من احدث اغانيها و ذكرت حركة 6 ابريل ان تلك الاغنية تم حجبها اكثر من مرة
كلمات اغنية مطلوب زعيم كايروكي
مطلوب زعيم لشعب طول عمره عظيم
لشعب كان فاعل زمان لكنه هان
حتي انه ثار بايدين كبار و ايدين صغار
مفعول بيه بيقسموه و يفرقوه
و يقطعوا في عين اللي جابه و اللي جاب ابوه
علشان يموت او ينتهي
مطلوب زعيم
لشعب حكامه خانوه و توهوه و غيبوه
و اللي انتبه منه و فاق غموله عينه و كمومه
و سلموه في المعتقل لكلاب جعانة يقطعوه
لكنه رغم القهر قام زئر و زام
و في اسبوعين زلزل حصون الجلادين هد النظام
فوق رأس جنين الفاسدين
مطلوب زعيم يحمي الحقوق
يعدل ما بين الناس تمام زي الفاروق
و يكون حنين علي الفقير و علي الفاسد يفتري يهدم علي دماغه الشقوق
و يعلقوا علي المشنقة او يرفعه علي رأس خازوق
مطلوب زعيم ميقلش علي الخواف حكيم
و يكون كمان سمعه سليم يسمع لنبضة قلبنا
و يكون مكانه في وسطنا

ميعش ابداً في القصور و البعض منا للاسف سكانين قبور
يشرب و يأكل اكلنا و يعيش كواحد مننا
يسمع لنا و يشور و يأخذ رأينا
وقت الخطر نتلم حوليه كلنا
و نضحي وياه بعمرنا
مطلوب زعيم علي المسئولية يكون امين
و يكون جرئ و يكون شجاع مش امعة و حتة بتاع
يعرف يقول للظلم لأ
و يموت و لا يفرط في حق
مطلوب زعيم نقدر نحاسبه بالقانون او نعزله
لو للامانة يوم يخون
لا يشترط الشكل ايه
لا يشترط السن ايه
لا يشترط الملة ايه
شرطه الوحيد يكون بشر
بالاختصار مطلوب دكر

بوستر كايروكي


فيديو كليب اغنية مطلوب زعيم
http://www.facebook.com/video/video.php?v=237250099636094&comments

تسلام يا وحش على المعلومات و كلمات الاغنية