الحمد لله
والصلاة والسلام على رسول الله وعلى آله وصحبه ومن ولآه:
وبعد:
هى الدنيا فاضل فيها قد إيه؟
ياترى هنعيش كام يوم ؟
يوم ، يومين ، ثلاثة ، شهر ، سنة ؟
طيب عملنا إيه فى اللى فات من عمرنا؟
طيب نويين نعمل ايه فى اللى جاى؟
اللى بيتعلم عايز يخلص
واللى خلص عايز يتزوج
واللى تزوج بيفكر فى الأولاد
واللى رزق بالأولاد بيفكر فى تربيتهم
واللى ربى عايز يأمن مستقبلهم
واللى أمن عايز يفرح بيهم
إييييييييييييييييييييييييييه دنيا
طيب وآخرتها
آخرتها قيامة موت وحسرة وندامة
ياترى يوم ما هموت هكون مستعد
هكون أمنت مستقبلى ( اللى بعد الموت)
هى الدنيا فاضل فيها قد إيه؟
ياترى هيكون غرقان فى الفتن والشهوات؟
هى الدنيا حلوة للدرجة دى خايفين نخسرها؟
اللهم لا تجعل الدنيا أكبر همنا ولا مبلغ علمنا ولا إلى النار مصيرنا
طيب هو ينفع لما يعمل معصية يكون ضامن لنفسه وقت إنه يتوب فيه
قبل الموت؟
ولا ممكن يموت بعد المعصية
ولا ممكن يموت وهو بيعصى
ولا ممكن يموت على أمله إنه يعصى
ولا ممكن يموت وهو بيفكر إنه يعصى
يااااااااااااااااااااااااااااااااااااااااااااااااه
طيب ممكن الواحد يستأذن من ملك الموت يقوله إدينى فرصة أروح
أنضف نفسى
طيب ياترى لو خدنا الفرصة دى هنعمل بيها إيه؟
ياترى أروح أصالح أمى وأبويا اللى مزعلهم الأول ؟
ولا اروح أرد حقوق الناس اللى أنا واخدها ؟
ولا أروح أصلى ركعتين؟
ولا أتوب من الذنب إياه اللى ربنا سترنى عليه ؟
ولا أروح أمسك المصحف اللى بعدت عنه؟
ولا......... ولا.......... ولا........ ولا........... ولا........
ياترى هنعمل إيه ؟
وياترى الفرصة اللى خدناها هتكفى ولا........ الوقت هيسبقنى
طيب أقولكم حاجة
متيجى نعرف إن دنيتنا كلها فرصة
من يوم ما نتولد ولادة الإلتزام إلى أن نلقى الله عز وجل
وإحنا شايفين إنها فرصة
يلا نلحق نغسل البلاوى المستورة علينا قبل ما نتفضح
نسأل الله عز وجل العفو والعافية
الحمد لله الذى رحمته وسعت كل شئ
اللهم اكتب لنا رحمتك
"ورحمتي وسعت (في الدنيا) كل شيء فسأكتبها (في الآخرة) للذين يتقون" ..
جزاكم الله خيرا