حدش من الزمالكاويه يقدر يخفى حزنه على اللى حصل فى اخر 4 مباريات فى الدورى و النقط اللى ضاعت من الزمالك .... بس جمهور الزمالك اثبت انه فعلا بيحب النادى جدا ..... بس انا فى نهايه المشوار ...عايز اوجه شكر للناس اللى ساهمت فى هذا المشوار الجميل للدورى ..........

* شيكابالا ... انت يا ابنى فعلا 90% من الفريق .... لاااا انت الفريق كله .... حرقت نفسك فى الملعب كل ماتش عشان الفريق بس للاسف ماكانش فى حد يسند معاك ... بالتوفيق ليك فى رحله الاحتراف ..حرام كل ماتش تنزل تاخد الكوره من نص الملعب لحد منطقه جزاء الفريق الخصم لوحدك ....... حرام اللعب الجميل ده يروح هدر من غير بطوله ..... احترف يا ابنى ..بلا حرق نفسك بلا والدتك تتشتم بلا فريق ما يساعدكش ......... هتبقى رمز من رموز الزمالك مهما طال العمر



* حسام حسن ... شكرا ليك على الفتره اللى عدت ...انت عملت فريق بجد عنده روح البطوله ....شباب صغير استفادوا من خبرتك .... انت خليت الفريق بينافس عل البطوله بعد ما كنا بنافس على الهبوط..... ما حدش ينكر اللى انت عملته و اللى بيشكك فيك يبقى نيته مش سليمه .... و يا ريت تكمل كمان موسم مع الزمالك لان اعتقد انك اخدت خبره فى اداره المباريات



* مجلس الاداره ... شكرا بجد على المجهود الجبار اللى انت عملتوه مع النادى ... بدون موارد .. بدون تدعيم .... عملتوا كل حاجه ممكنه عشان النادى يقدر يكمل فى المنافسه .... مشكوووووووووورين اخر حاجه



* محمود فتح الله .... انت مجدد بكام؟؟؟؟؟؟ ليييه ؟؟؟؟؟؟
* ابوكونيه ... كان نفسى تيجى الزمالك ....بس انت ما بقتش تشارك مع الانتاج الحربى لييه؟؟؟؟؟؟؟؟
* عوديه... ايه رايك بقى فى مستشفيات مصر؟؟؟؟؟؟ ..... شرحه و برحه و ترد الروح....
* عمرو زكى ... ما تقوليش انك هتقبض فلوسك عن الموسم كله... انت ما لعبتش 4 ماتشات على بعض طول الموسم
* عبدالواحد السيد... يا ريت نهايتك ما تبقاش ماتش القمه
* عبد الشافى..حظك انك ما لكش بديل فى الزمالك ..
* محمد ابراهيم ..عمر جابر ...حسن يوسف....... انتم مكسب المواسم القادمه
* عمرو الصفتى ...انت الوحيد اللى صعبان عليا .... بتشيل الليله لوحدك كل ماتش .... بس انا لسه فاكر لما فى دور ال64 فى افريقيا لما طلعت ترقص فى نص الملعب و الجماهير صقفتلك ....مش فاكرلك حاجه حلوه تانى
* احمد جعفر ... لو تبطل تورينا العار بعد كل جون تجيبه ..كان زمانك لعبت ماتش الطلائع بدل كونيه و كنا ممكن نكسب .... فى لاعيب فى العالم ياخد 4 انذارات قلع تيشيرت !!!!!!!!
* ياسر محمود .... حسبى الله و نعم الوكيل .... حسبى الله و نعم الوكيل .... حسبى الله و نعم الوكيل .... حسبى الله و نعم الوكيل .... حسبى الله و نعم الوكيل .... حسبى الله و نعم الوكيل .... حسبى الله و نعم الوكيل .... حسبى الله و نعم الوكيل .... حسبى الله و نعم الوكيل .... حسبى الله و نعم الوكيل .... حسبى الله و نعم الوكيل .... حسبى الله و نعم الوكيل .... حسبى الله و نعم الوكيل .... حسبى الله و نعم الوكيل

والله انا اهلاويه بس بقول ان الزمالك فى لاعيبه كتير حلوة عمرو زكى وفتح الله ومحمد ابراهيم كتير وشيكابالا اللى كان يعتبر شايل فريق الزمالك كلو
بس انا من راى اللى فريق الزمالك بيعتمد على المهارات الفرديه مش الجماعيه وهو ده السبب من وجهه نظرى
بس كل ده حسبى الله ونعم الوكيل فى ياسر محمود كفايه واحده بس