اليوم وجدت على الفيس بوك احد الصفحات بأسم " ثورة الغضب الثانية 8 يوليو القادم " و التى يصل عدد معجبيها الى 53 الف معجب حتى لحظة كتابة هذا الموضوع الا ان الصفحة نشرت بيان توضح فيه كيف سيتم تأمين الميدان يوم 8 يوليو القادم حيث ان الصفحة تدعو للتظاهر و لكن الصفحة لم توضح ماطلبهم كل ما هو مكتوب " احنا لينا مطالب" و لكنهم نشرو بيان 9 و بيان 10 لتوضيح كيف سيتم تأمين الميدان يوم 8 يوليو القادم يذكر ان المجلس العسكرى اصدر مرسوم يعاقب كل من يتعدى على حرية العمل و ايضا كل يقوم باعمال شغب و قطع الطريق اثناء التظاهر
|
يالا معا لخراب البلد
|
مفيش حل تانى غيرة الثورة
احنا عملنا كام ثورة لحد دلوقتى ولسة الحال زى ماهو ممكن نخليهم ثورتين مع بعض المرة دى ونزود الجرعة لعل وعسى ممكن يجيب نتيجة المرة دى |
انا حاسس ان الحكومة بتتفرج معانا كانة فيلم وبعدين شكلهم مستنيين قبل الانتخابات ويقولوا احنا عملنا انجازات بس هى فين وسوال هو مش السودان خصصت مليون فدان لمصر عشان نزرعهم قمح هما راحوا فين ولا احنا رفضنا ولا اية ولا اتوزعوا على الوزرا ء زى زمان وبعدين فرص العمل والتدريب للشباب دا اللى كان بيشتغل قعد ومش لاقى شغل شكل الريس السابق عندة حق البلد من زمان بتتسرق وهتفضل تتسرق وشكرخاص بجد لوزير المالية اللى خلانا ندفع فلوس عشان نقدم للوظايف عن طريق البريد وبعدين بعد شوية ننسى وسلملى على الحرامية
|
مفيش حل تانى غيرة الثورة
احنا عملنا كام ثورة لحد دلوقتى ولسة الحال زى ماهو ممكن نخليهم ثورتين مع بعض المرة دى ونزود الجرعة لعل وعسى ممكن يجيب نتيجة المرة دى متهيالى والله هما ناس فاضيه مش وراهم حاجه غير الثورات ثورات كل شويه مش عارفه انا ليه يعنى طيب ماهو الثورة دى مش مكتوب اى مطالب هيروحوا يزورو الميدان ويقعدو شويه كده يعنى ويمشو |
الثوره الاولى كانت كفيله بالاصلاح لكن ربنا ينتقم من اللي اجهضها |
أين مطالبهم ؟؟؟؟؟ مش كاتبين ولا طلب وكل اللى ذكروه تحذيراااااات فقط
انا حا ارجع بلادنا افضل وبلا هم وقلق على الفاضى شكرا مشرفنا مستر هشام |
شويه العيال دول عايزين يعملو ا ايه اكتر من كده ياريت نحذف الخبر ده
|
انا دخلت على صفحتهم الوقتي ولقيت كاتبين مطالبهم
مطلبنا مش بس الدستور أولا..احنا مطالبنا اهيه..موضوع الدستور أولا من المطالب المهمة صحيح بس فين المحاكمات لبتوع الداخلية اللي قتلوا الشهداء اللي لسه بيمارسوا مهام عملهم؟؟فين حد أقصى للأجور؟؟فين عودة الأمن للشارع؟؟فين حل المحليات؟؟فين تطهير الحكومة من رموز لجنة السياسات و رموز الوطني؟؟فين و فين فين..نازلين 8 يوليو.. راجعين للميدان 8 يوليو.. وفي رايي اننا لسه بندور في نفس الحلقة المفرغة وان الهدف الاساسي الالتفاف على اختيار الشعب وهو موضوع الدستور بس طبعا لازم يتغلف في اطار من المطالب اللي كل الناس بتتفق عليها علشان يشجعونا على النزول |
ازاى يا جماعه مافيش مطالب
وهم مش هيقعدوا شويه وبس انا عن نفسى لما اروح هروح علشان عندى مطالب منها علاج المصابين انا محستش بالتغيير تطهير الاعلام ارجاع الاموال المنهوبه محاكمه كافه رموز الفساد محاكمه العائله الحاكمه بلا شفقه او رحمه عداله اجتماعيه واهمها دم الشهداء مش هيروح هدر وانا اطالب بعقوبه كل من تسبب بسفك دم الشهداء |