ومش عارفة اقول لحد اللى جوايا قولت اجى اشكى همى هنا حتى لو محدش رد
المهم انى فضفضت وكتبت كل اللى جوايا
مش عرافة هى الد نيا هى اللى وحشة ولا انا اللى بقيت وحشة
انا كنت فاكرة انى الناس كلها بتحبنى بس دلوقتى حاسة ان الناس كلها بعدية عنى
حتى اقرب الناس ليا مش عارفة انا حاسة الاحساس دا ليه
بس بجد مهم اوصف مش هعرف اعبر على اللى جوايا انى مخنوقة من كل حاجة
الناس كلها بقت بعيدة عنى انا عيبى الوحيد انى بزعل بسرعة واتصافا بسرعة
بزعل من اقل حاجة لانى حساسة لدرجة مستحيلة لاسف انى مش لاقية حد
اكلم معاه ولا اشكيلة حتى صحابى مش اعرف اشكى لحد اوانا متعودة انى مش بشكى لحد
الناس كلها هى اللى بتشكيلى همها وانا اما بشكى لحد محدش بيسمعلى نفسى اعرف لية
انا بسمع للناس كلها ومحدش بيسمعلى
بوم اما جيت المنتدى مكنتش اعرف ناس كتير فية فجاة لقيت نفسة مشرفة والناس كلها بترحب بيا
وبمجهودى ونشاطى اللى بعملة كنت سعيدة اوى وبعد كدة صداقت ناس كتير وفعلا بحبهم
كنت فرحانة اكتر انى بصاحب الناس لانى مش مصحابة حد كتيير
اما غبت فترة عن المتنتدى بحد كنت حاسة انى بعيدة لانى بحس براحتى اوى هنا
بقول كل اللى جوايا من غير اى احراج
بس للاسف ملقتش الاستقبال اللى كنت عيزاة لقيت كل حاجة اتقلبت العكس
وبقت ضدى مش عارفة لية الدنيا عاملة معايا كدة
بجد ياجماعة انا تعبانة اوى اوى لانى مش عارفة اقول اية
حاسة الدنيا كلها سودا فى عينى مفيش حاجة تفرحنى او تبسطنى
والناس كلها بعيدة عنى
اما كنت بدخل قلوب حائرة واشوف مشاكل الناس بقول الناس اللى بيكتبو مشاكلهم دول
مش بيكسفوا يعلنوها كدة قدام الناس
بس دلوقتى اكتشفت ان دى احسن طريقة اما تكون مخنوق اوى وعايز تموت
وتفك عن نفسك بالكتابة
انا عارفة انكم مش فاهمين حاجة من كلامى لانه كلام متلخبط بس انا حبيت اكتب احساسى
لانى تعبانة اوى من الدنيا وم نالناس اللى فى الدنيا
مش عارفة احنا عايشين فيها لية بدام مفهاش راحة
اكييد الموت اريح من دا ككلة
كنت زمان بقول اطنش واكبر لكا حاجة المهم اعيش حياتى وافرح دلوقتى مش قادرة اعيش حياتى
ولا افرح من كتر الكدب اللى فى الدنيا واهم حاجة عدم تقديرك كانسان تستحق التقدير
انا اسفة انى طولت عليكم بس كنت عايزة اشيل حزن جوايا بالكتابة.