ايه اكبر امنية نفسك تتحقق لك؟
اكيد هتقول اني ادخل الجنة
و اكون برفقة حبيبنا المصطفى
صلى الله عليه و سلم
جمييييل
طيب انت فاكر ان الجنة دي ببلاش كده!!
يعني لو مثلا نفسك تشتري عربية؟
و مش معاك ثمنها... هتعمل ايه؟
اكيد حتى لو ماكنش عندك وقت و مش قادر
هاتعمل لنفسك وقت و تحطها هدف قدام عنيك
و تسعى في الشغل بجد لحد متجمع ثمنها
صح، مش كده؟
طيب ليه كل ما نتكلم على التوبة
و التغيير، نقول اننا مش قادرين؟
عايزين بس مش قادرين!!
مش عارفين ان الجنة عروووس
مهرها قهر النفوس
الجنة ثمنها غآآآآلي اوي اوي
و حلاوتها في غلاوتها و العمل ليها
لان لو العربية اللي اتكلمنا عنها في الاول
باباك مثلا اللي جبهالك او اي حد تاني
و ماتعبتش فيها هتقدر ثمنها،
زي لو انك انت اللي اشتغلت و جبتها؟
اكيد هتبقى احلى لو جبتها انت بتعبك و شقاك
صح؟؟
هي الجنة كده
لازم نتعب و نعمل
و نغير نظامنا عشانها
و لو بجد زي ما قلت في الاول
انك نفسك في الجنة
و مرافقة حبيبنا صلى الله عليه و سلم
يبقى لازم تحطها هدف قدام عنيك
و تسعى ليها و تعمل بجد
و حط الجملة دي دايما قدام عنيك
عشان متقولش تاني انك متقدرش
[الجنة عروس***مهرها قهر النفوس].
هنتغير يعني هنتغير بعون الله