ظهر موقع اليوتيوب معلم فى حضانة بمحاقظة الغربية بمدينة كفر شكر يتعامل بوحشية مع التلاميذ ويقوم بضربهم وإهانتهم وشد شعورهم بدون سبب على مرأى ومسمع من يقوم بتصوير الفيديو الذى لم يكتفى بالتصوير فقط بل أوضح الفيديو ضحكاته أثناء عملية التصوير
وفى أول رد على هذة الجريمة قال مسؤال بوزارة التربية والتعليم أن الضرب فى المدارس ممنوع وأضاف أن محاسبة هذا المعلم تخضع لوزارة التضامن الإجتماعى وليس لوزراة التربية والتعليم
وللرد على الموضوع قال وكيل وزارة التضامن الإجتماعى بمحافظة الغربية السيد سلامة سعد أنه يتحمل المسؤلية تحملا كاملا كما أكد أن ما حدث يعتبر مهزلة وسوف نقوم بغلق الحضانة وتقديم بلاغ لوزارة الداخلية للتحقيق مع هذا المدرس
وفى تطور لموضوع ضرب المعلم التلاميذ بوحشية قرر النائب العام عبد المجيد محمود بالقبض على مجدى الشاعر المعلم الذى ظهر فى الفيديو يعامل تلاميذ فى مرحلة الحضانة بوحشية وقد تبين أنه موظف فى مركز شباب زفتى وهو صاحب الحضانة
وهناك أنباء عن سحب ترخيص هذة الحضانة

وهذا الفيديو يوضح طريقة تعامل المعلم (الوحشية) مع تلاميذ بالحضانة

كما تستطيع مشاهدة رد وكيل وزارة التربية والتعليم بالغربية (فتحى حراس)

أثار هذا الفيديو غضب كل من شاهده وهناك العديد من الحملات للمطالبة بالقبض على المعلم ومنعه عن ممارسة مهنة التعليم بشكل نهائى

بالذمة دة ينفع معلم ويربى اجيال دة بالكتير يربى مواشى وحيوانات بيعلم الاولاد الخوف والجبن ولا بيعلمهم الاحترام السن دة محتاج حنان ورفق امال ح يعمل اية مع اولاد الثانوية اكيد يضربهم بالكرباج
لو يحكمونى علية انزل فية ضرب لحد ما يحس بألم الاطفال الصغيرين

انا مش شايف تعزيب وبشاعه كما يذكر البعض لان والله العظيم ايام ما كنا في عمرهم في الابتدائي كانوا بتفننوا في اساليب الضرب والتعذيب . مره يضربك 30 ضربه على مقدمه الصوابع في الصباح وفي ايام الشتاء والبرد القارص لدجه الصوابع كانت تخر دم ومره يضربك 20 عصا على ظهر ايدك لدرجة تشعر بالعظم بيتكسر ومره يعلقوك في الفلكه و100 ضربه بكل ما يملك من قوه على قدميك وبعدها يقولك اجري حتى لا يحبس الدم في قدميك هههههههههههههههههههههههههههههههههههههههه
والله العظيم كان تعذيب ولا كأننا في امن الدوله لدرجه البعض ترك المدارس بسبب هذه المعامله من المعلمين المتخلفين والاغرب ان كان الناظر المسؤول عن المدرسه بالكامل عنده خرزانه وهي العصا الرفيع ويدعي انه يتم تنقيعها ثلاثة ايام في زيت الزيتون ههههههههههههههههه حتى تكون قاسيه وموجعه . يعني لا مفر ولا هناك مرجع تستطيع الجوء اليه . اللي شوفناه في الفيديو ده يعتبر دلع بصراحه .
لكن طبعا بصرف النظر عن قوة الضرب او نوع التعزيب المبداء نفسه خطاء وخطاء جدا وياريت الناس دي تتحاسب محاسبه تجعل منهم عبره لغيرهم وياريت يحاكمو الحيوان اللي كان بيصور بالموبايل ده لانه بيصور ويضحك الكلب اللي ما عندوش دم

ايه الافتره ده ده مش ينفع اصلا يشتغل زبال طالما هو بالغباء ده

دة راجل غبى دة لو نفع يشتغل زبال كويس اوي

انا تفسي اشوف الحيوان اللى صور الفيديو واشوف الحيوان اللى بيتشطر على الاطفال وحسبي الله وتعم الوكيل

حيووووووووووووووووووووووووان ده مستحيل يكون بنى ادم

هو اى وحش يطلب ترخيص حضانه تتفتح ليه كده مفيش رقابة ده حتى مش معاه مؤهل خاص بالتدريس

وحشية واقسم بالله بكيت على التعذيب اللى شفته فيه حيوانات كده

ده لازم يتحاكم عشان يكون عبرة لغيره

ربنا ينتقم منه حسبى الله ونعم الوكيل وجع قلبى ربنا المنتقم

يعنى الحمار اللى بيصور سايب الحمار التانى بيضرب وبردة شغال تصوير انت بتقول الفيديو دا فى حضانة فى الغربية ولا فى حضانة ابو غريب دا غباء فى غباء والله الناس دى معقدة نفسيا

بص يا جماعة انا مدرس و عندى فكره عن موضوع ضرب التلاميذ فى الفصول صراحة ضرب العيال ف الحضانة غلط ميه فى الميه و الراجل ده فعلا غلطان لان فيه طرق كتير جداا لعقاب الاطفال غير العقاب البدنى لكن لاسف ولله يا جماعة الى يشتغل فى التريبة و التعليم و لله هيعرف ان المدرس بيحارب لوحده المدرس بيبقى لازم يربى العيل و يعرفه الصح من الغلط و كمان لازم يعلمه الماده العلميه بتاعته و لله يا جماعة الى يقرا قوانين التريبة و التعليم ممكن يبكى من الجهل و التخلف الى فيها يعنى مثلا فيه قانون ان التلميذ فى ابتدائى مستحيل يسقط اكتر من سنتين و لو سقط سنتين بيطلع لسنه الى بعدها عادى خالص و كأنه ناجح و فى الاعدادية فيه قانون ان الطالب يقدر يمتحن اى عدد من المواد فى الملجق يعنى الطالب فى امتحان اخر السنه يسقط فى كل المواد و يمتحن فيها كلها تانى فى الملحق و الملاحق فى كل مدارس مصر عبارة عن قلة ادب لان كلها بتبقى فيها عش صراحة التريبة و التعليم عايزه تكون مشروع قومى

الغريب ان البنى أدم (مجازا) اللى بيضرب ده, بيصحح الكراريس و بيعلم بعلامة صح, طب بتضرب ليه يا ابن ...........؟؟؟؟

شكرا لمروركم جميعا
ولكل التعلقيات

بالفيديو القبض على المدرس الشرس

قضت محكمة الجنح بمركز زفتى بمحافظة الغربية المصرية، بإخلاء سبيل المدرس مجدي عطية الشاعر صاحب مقطع الفيديو المعروف بـ "المدرس الشرس"، والذى تم تداوله بكثافة خلال الايام الماضية على مواقع "يوتيوب" و"فيس بوك" و"تويتر"، ويظهر فيه المدرس المتهم وهو يقوم بضرب 25 طفلاً داخل إحدى الحضانات بعصا خشبية غليظة على مؤخرة الرأس واليدين والقدمين والركبتين .

كما قضت المحكمة بتغريمه 200 جنيه عن تهمة استعمال القسوة مع الاطفال حديثى السن، و200 جنيه عن التهمة الثانية وهى تعريض حياتهم للخطر، وغرمته 50 جنيه عن التهمة الثالثة وهي الإساءة إليهم باستعمال وسائل العنف معهم وضربهم، وقررت المحمكمة إيقاف جميع الغرامات لمدة ثلاث سنوات من تاريخ صدور الحكم .