>>>> لا يحزنك إنك فشلت مادمت تحاول الوقوف على قدميك من جديد <<<<

ا

لخيانه لو اتكلمت عنها فقلمى لن يتوقف عن الكتابه
عشان كده احب اختصر
الخيانه لو حبيبي خانى
اكيد فى احتمالين
الاحتمال الاول فى إعتقاد معظم الناس وده غلط انى خلاص الحياه وقفت
خلاص حياتى اتحطمت
مش متخيل أعيش من غيره
حياتى هتمشى ازاى
مش مصدق عنيا
الثقه راحت
مش هحب تانى

طيب الاحتمال التانى
وده اللى محدش بيفكر فيه

حبيبي خانى
كويس انى اكتشفت انه خاين
كويس انى مش انخدعت فيه اكتر من كده
انا مش ندمان عليه
يمكن ندمان على الوقت اللى قضيته معاه
بس بحمد ربنا انه نجانى منه
انشاء الله هنساه
هعيش حياتى واكمل

ربنا ادانا الدنيا دى يمكن صغيره اوى وبنعيشها
مش لازم نندم على كل لحظة اتجرحنا فيها
لازم ننسى ونعيش من تانى لازم نكمل

بس اهم شىء نحسبها بالعقل
ازاى نقدر نختار الشخص اللى نثق فيه
ازاى نقدر نختار حد نأمنه على حياتنا وقلبنا

كان نفسى اتكلم اكتر من كده بس عشان مش اطول عليكم

ايه معنى الخيانه؟
ليه لما حد بيخونا بنتجرح ونقول مش هنقدر نكمل؟
ليه معظم الناس بتيأس اوى؟ فى اول جرح او خيانه ليها؟
هتقدر نكمل بعد الموضوع ده لو اتجرحت؟
هتقدر تنسى وتعيش من تانى ؟

>>>>لا تنتظر حبيبا قد باعك وانتظرضوء جديدا يمكن ان يتسلل الي قلبك الحزين فيعيد لايامك البهجه ويعيد لقلبك نبضه الجميل . <<<<

ايه معنى الخيانه؟
الخيانة كلمة صعبة جدا تتقال دى احساس فظيع لو يوم حسيناه
الخيانة الجرح اللى صعب علينا اننا نداويه
الخيانة ليها الف شكل ولون
خيانة ثقة خيانة قلب خيانة بلد خيانة نفسنا احيانا
اننا نخونهم ازاى بقى اننا نجرحهم ونخدعهم وثقتهم اللى حطوها فينا نضيعها
ليه لما حد بيخونا بنتجرح ونقول مش هنقدر نكمل؟
دا طبع الخيانة لأنها لما بتظهر بتكسر كل حاجة فى طريقها وممكن
نعتبرها مرض خبيث لو اصيبت بيه صعب اوى تخف منه غير بمعجزة وبمساعدة حد تحبه
ليه معظم الناس بتيأس اوى؟ فى اول جرح او خيانه ليها؟
لأنهم زى ما قلت قبل كدا ما بيتوقعوش الجرح دا من انسان حبوه وما كانوش يتوقعوا انه يقدر فى يوم يخونهم ويخون ثقتهم وكمان عمرك ما هتسمع ان حد قال انا خاننى حد ما بحبهوش لا الخيانة ما بنحسش بيها غير من حد كنا بنحبه جدا فبنحس باليأس من ساعتها وبنقول فى نفسنا اذا كان اللى حبيته دا خاننى يبقى ارجع تانى احب ويخونى تانى انا خلاص كفاية عليا كدا ومفيش فايدة
هتقدر نكمل بعد الموضوع ده لو اتجرحت؟
بتختلف من شخص للتانى زى الثقة تمام لو عندك امل فى انك تكمل وتلاقى حد تثق فيه تانى وتحبه ممكن تكمل
لو فقدت الثقة بقى وخوفت وما كانش عندك امل هتعيش طول حياتك ميت بخيانة غيرك ليك
هتقدر تنسى وتعيش من تانى ؟
الخيانة حاجة صعب تتنسى
بس مين عارف جايز حبنا للشخص دا يخلينا نغفرله
خصوصا لو ثبتت حسن نيته وتوبته وندمه على اللى عمله

دايما تتحفنا بقضاياك الهامة والجادة تقبل ردى
وشكرا ليك

اشكرك على ردك يا عبير
وانتظرينا مع قضية جديده

فين باقى الردود

انا ممكن اختصر كل ده فى كلمتين
اللى بيخونى يبقى مش بيحبنى وانا مش ممكن ازعل على شخص مش بيحبنى حب بجد وبصدق
لكن ازعل على كل مشاعر على كلمه خرجت منى للشخص ده

الخيانة : حب ام رغبة في المغامرة
تبدأ الخيانة الزوجية في اللحظة التي يشعر المرء بالرغبة نحو شخص آخر غير شريكته أو شريكها. وهذا يعني نوعاً ما أن معظم الناس في الخيال غير أوفياء للشريك. وإذا حلم المرء بشخص آخر ففي ذلك إشارة الى أنه لم يعد يعتبر شريكه أو شريكته شخصاً مختلفاً بل أصبح اتحادهما تاماً.
وفي كل مرة يتصرف أحد الحبيبين مع الآخر وكأنه أو كأنها الوالدة يشعر بالحاجة الى الخيانة الزوجية في الخيال. وأفضل ما يمكن للمرء فعله من أجل الحفاظ على الآخر ليس في الاستجابة لجميع حاجاته بل بجعله يفتقده.
إذا أخذنا مثل امرأة متزوجة منذ 10 سنوات وسعيدة مع زوجها وأولادها وها هي تقع في حب رجل آخر. أولاً عليها ألا تفكر مسبقاً أن زواجها فاشل بل عليها التفكير في الرهانات لكي تتمكن من المقاومة بغية عدم فقدان كل ما بنته طوال هذه السنوات العشر.

أشكركم على المرور

يا جماعه خلاصة الحوار ده اللى يخون حبيبه بجد بجد يبقى ده عمره ما حبه لان اللى بيحب بجد ميعرفش كلمه اسمها الخيانه فاذا وجدعصر الحب انتهى زمن الخيانه وشكرررررررررررررررررا

يا جماعه خلاصة الحوار ده اللى يخون حبيبه بجد بجد يبقى ده عمره ما حبه لان اللى بيحب بجد ميعرفش كلمه اسمها الخيانه فاذا وجدعصر الحب انتهى زمن الخيانه وشكرررررررررررررررررا

ميرسى على مرورك يا نجم

عايز اعرف الحب الانسان بعد ميحب بينسا