ميرسي يا ريري
ويارب ال3 حلقات يكونو عجبوكي بجد
وبشكرك علي الكلام الي قولتيه وبجد لازم نستفاد منو اتمني افضل كده احط حاجات مفيده
ميرسي يا ريري
ويارب ال3 حلقات يكونو عجبوكي بجد وبشكرك علي الكلام الي قولتيه وبجد لازم نستفاد منو اتمني افضل كده احط حاجات مفيده |
هااااااااااااااايل يا غاده
جزاكى الله خيرا والله بجد مش لقيالك كلام يارب يفضل ف ميزان حسناتك ومستنينك ف الحلقات اللى جايه |
انا اسف بجد اني مشتركتش لاني لسة عارف دلوقتي
بجد كلامك جميل شكرا ياغادة وفعلا دا احسن وقت للكلام الجميل دا كل واحد شايف نفسة مقصر كل واحد نفسة يتوب وخايف وبيسال نفسة هل ربنا ممكن يغفرلي كل واحد عمل ذنوب كتير وعايز حد يدلة علي الطريق الصح دينا جميل وسهل جداا وربك غفور رحيم اهم حاجة انك تبعد الشياطين عنك...شياطين الإنس قبل شياطين الجن وبجد كلامك جميل جداااا ومحتاجينة كلنا والله محتاجين جاجة تفكرنا بجمال ديننا دايما محتاجين حاجة تثبتنا شكراا ياغادة مرة تانية |
الله على الحلقه
الحلقة دى جميله اوى اوى جزاكى الله كل الخير استمرى متابع |
الله عليكى ياغاده موضوع هايل بجد وفعلا احنا فى امس الحاجه للكلام ده خصوصا اننا على ابواب الشهر الكريم ونفحاته تطل علينا بصوا ياجماعه التوبه دى فعلا حاجه جميله واحساس رائع بس فى حاجه حبيت اضيفها لموضوعك الا وهى التوبه النصوح فى واحد مثلا بيسمع اغانى ونفسه يبطلها ويقول تبت اليك يارب وبعدين يرجع تانى تسألينى ليه؟ لانه ماتابش توبه نصوح مااستغفرش ربنا وحس بالذنب على الحاجه اللى بيعملها دى اساس التوبه النصوح هو احساس الشخص الراغب فى التوبه بالذنب وشعوره برغبه حقيقيه فى التوبه وفعلا زى ماانتى قلتى ربنا اسمه التواب من كرم الخالق عز وجل انه سبحانه بيتوب ويسامح بس محدش يقول انا اغلط براحتى واعمل اللى عاوزه وبعدين اتوب كده غلط ياترى انت عارف عمرك فاضل فيه اد ايه؟ ياترى انت باشاره منك هترشى ربنا اعوذ بالله واستغفره فى هذا اللفظ المولى عز وجل حاجه كبيره ياجماعه لو انتوا عارفين كده كويس اى حد بيعمل حاجه غلط هيتوب اهم حاجه مرحله مابعد التوبه انك تثبت على اللى انت فيه مترجعش تانى لذنب انت تبت عنه يبقى اول مرحله فى التوبه النيه ان تكون لديك النيه للتخلص من عاده او ذنب فى حياتك ثانيا الاكثار من الصلاه والاستغفار وماتنسوش ياجماعه احنا داخلين على شهر رمضان ياريت نكثر من الصلاه وخصوصا التهجد عارفين ياجماعه ان فى صلاه التهجد بيكون الانسان المؤمن فى اسعد لحظاته لانه فى خلوه مع الله عز وجل بيبقى قريب منه بيفتحله قلبه ويشكيله ياريت ياجماعه نفتكر ربنا دايما فى كل وقت مش لمانمر بأزمه نفتكر ربنا ونصلى وندعى ولماييجى الفرج ونفرح ننساه لو انت او انتى حسيتى بحلاوه الايمان مش هتبقى عاوزه حاجه اكتر من كده تانى اى حاجه صعبه فى حياتك هتهون لان ربنا معاك ومعاكى اسفه على الاطاله ياغاده بس بجد حلقه مميزه لغتك سلسه جدا ومعبره واحسن حاجه انك افدتى الجميع بدون ملل او تطويل ربنا يكرمك ويجعل هذا فى ميزان حسناتك بعد إذنك يا غادة
لما الاقي رد شامل ومميز لقمة من قمم المنتدى لازم احييها على الكلام الممتاز ده بارك الله فيكي وجعله في ميزان حسناتك |
ميرسي ليكو يا جماعه والله انتو بتكسفونيبكلمكم ده
انا بجد سعيده ان بعمل حاجه مفيده والله انتو الي مساعدني يارب باقي الحلقات تعجبكم ميرسي ليكم |
على فكرة انا مش قصدى انهم مش بيحبوا دينهم ان قصدى بعاد عن دينهم و انا الشباب بيسبوا الدين سورى فى
الفظ وانا اسف لو كنتى فهمتينى غلط |
لا يا جميل مفهمتكش غلط ولا حاجه وانت اكيد شوفت ردي عليك واني فهماك صح
وعارفه انك قصدك ان الشباب بعاد عن دنهم بس احنا بقي وجبنا تقربهم من دينهم |
بعد إذنك يا غادة لما الاقي رد شامل ومميز لقمة من قمم المنتدى لازم احييها على الكلام الممتاز ده بارك الله فيكي وجعله في ميزان حسناتك شكرا ليك يامحمد
ده من زوقك والله ده انت ردك اللى قمه فى الروعه وشمل لكل حاجه ربنايكرمك ويجعلك زخرا لنابهذا المنتدى |
شكرا ليك يامحمد ده من زوقك والله ده انت ردك اللى قمه فى الروعه وشمل لكل حاجه ربنايكرمك ويجعلك زخرا لنابهذا المنتدى شكرا يا ريري
مش عايز اكتب كلام يوصف ردودك وموضوعاتك ويكون اقل مما تستحقية يمكن مفيش غير انه ادعولك بحاجة يتمناها كل مسلم ربنا يجعلكم ممن يدخلون الجنة من غير حساب ويرزقك الفردوس الاعلى |
السلام عليكم
ازيكم اولا الحلقه الرابعه(اخرج نفسك من النار) [COLOR="DarkRed"] [/CO+عامل ايه؟ =تمام ..بصراحة انا بدأت اتغير بجد مش عارف عندى احساس بأنى لسه داخل الاسلام +ابشر اوعدك بالتغير وان شاء الله نحقق شعارنا وندخل الجنه سوا =ربنا يسهل+وخلى بالك (ان الله لا يغيرما بقوم حتى يغيروا ما بأنفسهم) يعنى مش انت اللى هتغير نفسك انت هتغير ما بنفسك والفرق كبيير يعنى علشان تشوف حال قومنا (امتنا ) احسن الاول تغير نفسك من جوه =كلامك صح=طب ممكن نبدأ 3..2..1 +السلام عليكم=وعليكم السلام +حلقتنا النهارده هدفها نوريك ازاى ممكن تعتق نفسك من النار بكل سهوله =سهولة ايه !! =مش وسعت منك شويه +ليه؟؟ =انت بتتكلم ازاى تطلع نفسك من النار مش من حديقة الحيوان ولامن متاهة دى النار +طب ممكن اتكلم و تسمع للاخر =اتفضل هقولك كذا طريقة وكل طريقة تقولى ايه رأيك فيها =ماشى اتفضل (الطريقة الاولى)+صلاة اربعين يوم فى جماعة بشرط تكون تكبيرة الاحرام بتتقال وانت فى الصف =بس دى صعبه شويه لان انا بصراحة كل فين وفين لما بصلى الفجر فى البيت اساسا +ما تخفش فى اكتر من حلقة هتتعمل عن الصلوات والفجر بالذات الطريقه التانيه +لو سيادتك حافظ القران بالكامل او بتحفظه او ناوى بصدق تحفظه بالكامل ابشر انت معتوق من النار =بقولك انا بدأت اقرب من ربنا وانت عارف انا كان حالى مع ربنا ازاى +برده حنعمل حلقه عن القران هتبقى جامده جدا (الطريقة التالته) +لو قعدت تحاسب نفسك وفاضت عينك من خشية الله بس لسه برضه قلبى ما بقاش طرى اوى علشان اطلع كل اللى فى قلبى لربنا +ربنا عارف كل شئ عنك من غير ما تقوله ولكن امتى هتعترف بذنوب (الطريقة الرابعة) +تصلى قبل وبعد صلاة الظهر 4ركعات =تصدق دى اسهلهم لحد لما ربنا يسهلها +و يا ريت تبدا بالتدريج وان شاء الله تلحق نفسك من النار وخلى بالك الحلق الجايه من اهم الحلقات =طب عن ايه؟؟ +هتعرف بكرة.. +يلا +السلام عليكم =وعليكم السلام ............... الى اللقاء فى الحلقة الخامسة من حمله (هنتغير بجد) LOR] |
حلقة جااااااااااامدة يا غادة
تسلم ايدك وفى انتظار باقى الحلقات |
حلقة جميلة اوى يا غادة
بجد انا استفدت ويارب تغيرى بجد |
حلقة جااااااااااامدة يا غادة
تسلم ايدك وفى انتظار باقى الحلقات وبعدين طول ما انتي بتكلميني علي الميل اكيد لازم الحلقه تبقي جامده مش انتي بترفعي من روحي المعنويه فهماني طبعا ههههههههههه |
اللهم اجرنا من النار
اللهم اجرنا من النار اللهم اجرنا من النار ايام قليلة ونستقبل شهر العتق من النار قال رسول الله -صلى الله عليه وسلم-: (إذا كان أول ليلة من شهر رمضان، صفدت الشياطين ومردة الجن وغلقت أبواب النار، فلم يفتح منها باب وفتحت أبواب الجنة، فلم يغلق منها باب، وينادي مناد: يا باغي الخير أقبل، ويا باغي الشر أقصر، ولله عتقاء من النار وذلك كل ليلة) صدق رسول الله صلى الله عليه وسلم قال رسول الله -صلى الله عليه وسلم-: «إن لله تعالى عند كل فطر عتقاء من النار وذلك كل ليلة». صدق نبينا الحبيب صلى الله عليه وسلم ايه اكتر من كده فرصة للعتق من النار اللهم بلغنا رمضان شكرا يا غادة وجعله في ميزان حسناتك ورزقك الله الفردوس الاعلى |
حلقة جميلة اوى يا غادة
بجد انا استفدت ويارب تغيرى بجد وبجد يارب نتغير انا مش بغير يا لولو انا بقول للي نفسو يتغير احنا معاك وهنساعدك وهنتغير معاك بس بجد بشكرك علي متابعتك ليه يا قمر |
اللهم اجرنا من النار اللهم اجرنا من النار اللهم اجرنا من النار ايام قليلة ونستقبل شهر العتق من النار قال رسول الله -صلى الله عليه وسلم-: (إذا كان أول ليلة من شهر رمضان، صفدت الشياطين ومردة الجن وغلقت أبواب النار، فلم يفتح منها باب وفتحت أبواب الجنة، فلم يغلق منها باب، وينادي مناد: يا باغي الخير أقبل، ويا باغي الشر أقصر، ولله عتقاء من النار وذلك كل ليلة) صدق رسول الله صلى الله عليه وسلم قال رسول الله -صلى الله عليه وسلم-: «إن لله تعالى عند كل فطر عتقاء من النار وذلك كل ليلة». صدق نبينا الحبيب صلى الله عليه وسلم ايه اكتر من كده فرصة للعتق من النار اللهم بلغنا رمضان شكرا يا غادة وجعله في ميزان حسناتك ورزقك الله الفردوس الاعلى بجد شكرا جدا علي الاحاديث الجميله ديه وبجد الاحاديث ديه مفيده جدا وبتتكلم علي موضوع الحلقه وهو ازاي نتوب عشان مندخلش النار شكرا جدا ليك وربنا يحفظك ودايما كده تفدنا كلنا بالاحاديث وردودك الجميله جدا بجد انت بتخلي الي بيستفاد من الحلقه يستفاد اكتر بردودك شكرا ليك |
بجد شكرا جدا علي الاحاديث الجميله ديه وبجد الاحاديث ديه مفيده جدا وبتتكلم علي موضوع الحلقه وهو ازاي نتوب عشان مندخلش النار شكرا جدا ليك وربنا يحفظك ودايما كده تفدنا كلنا بالاحاديث وردودك الجميله جدا بجد انت بتخلي الي بيستفاد من الحلقه يستفاد اكتر بردودك شكرا ليك العفو يا غادة
نرجع الفضل لاصحابه انتي صاحبة الموضوع وانتي بتختاري مواضيع الحلقات وكل اللي الواحد بيعمله يحط رد بسيط لا يساوي المجهود المبذول منك في إعداد الحلقة وإن شاء الله ربنا يكرمنا ونكون صحبه على ابواب الجنة تحياتي |
الحلقة جميلة جميلة جميلة كمان مرة بجد انا بجد استفدت منها جامد وجزاك الله عنا كل خير ويارب يكون في ميزان حسناتك....... امين اللهم ما اغفر لنا واعتق رقابنا من النار
|
الحلقة جميلة جميلة جميلة كمان مرة بجد انا بجد استفدت منها جامد وجزاك الله عنا كل خير ويارب يكون في ميزان حسناتك....... امين اللهم ما اغفر لنا واعتق رقابنا من النار ميرسي ليك جدا ويارب دايما تبقي جميله في عنيك ويارب دايما كلنا نستفاد منها ونعمل بالي احنا استفدناه جزاك الله كل خير |
الحلقه جاااااااااااااااامده مووووت
استمرى بقه وفى انتظار ابدعاتك |
ميرسي يا همسات
وحلو ابدعاتك دي بترفعي من روحي المعدنيه |
الله الله بجد الحلقة انهاردة حلوة اوى اوى اواى اوى اوى اوى اوى اوى يا غدغود و الله
ربنا يحميكى يا حببتى مستنين الحلقة الجاية باذن الله |
الله الله بجد الحلقة انهاردة حلوة اوى اوى اواى اوى اوى اوى اوى اوى يا غدغود و الله
ربنا يحميكى يا حببتى مستنين الحلقة الجاية باذن الله الله يخليكي يارب وبجد هتوحشيني اوي لما تسبيني |
كنت نفسى افهم الموضوع بس معرفتش ومعرفش دة قصور منى كقارئ او قصور منك ككاتبة وشكرا
|
كنت نفسى افهم الموضوع بس معرفتش ومعرفش دة قصور منى كقارئ او قصور منك ككاتبة وشكرا
اقول لحضرتك مفهمتش ليه اكيد حضرتك قريت الحلقه الرابعه ومقرتش باقي الحلقات بص يا استاذ عاطف ديه حمله اسمها هتغير بجد لتوعية الشباب وازاي نتوب مكونه من عدة حلقات لحد الان انا نزلت اربع حلقات فقط ياريت تقراهم وانت تفهم ومتتهمنيش بالتقصير وياريت تركز في الحلقه الاولي لانها بتوريك الحمله ماشيه ازاي ويارب الحمله تعجبك |
بسم الله الرحمن الرحيم
الحلقه الخامسه من حملة هنتغير بجد (يلا بسرعه عشان رمضان) +عامل ايه ؟=ياعم اسكت بقى انت ايه اللى اخرك عليا ده انا كان فاضلى كام خطوه واذوق الاسلام بجد +طب بالراحه ياسيدى انا آسف =عملت ايه بيها هتقربنى من جديد +لا ولكن افتح قلبك ده انا مجهز كام حلقه قبل رمضان علشان ندخل رمضان ونطلع ويكون غير فينا بجد علشان نبقى داخلين رمضان واحنا مستعدين بجد =بس برضه زعلان منك +طب ولو رجعت تانى احسن من الاول =أ..احسن من الاول ب..ب.بجد =انت بتتكلم بجد +طبعا افتح قلبك وسيبها على ربنا =نعم بالله +قول الاول انت عملت ايه فى الفترة اللى فاتت =يا عم متفكرنيش انت سبتنى بقيت شغال يوم طاعه وفرحه ويوم معاصى +طب اسألك سؤال =اتفضل +انت عاوز تتدخل الجنه =....!! =طبعا +لا بجد عاوز الجنه ؟ =طبعا +طب تقدر تقول لنفسك ازاى تبدأ فى طريق الجنه =الطريق صعب جدا ولكن حلو اوى +طب ولو قلت لك ان الطريق سهل جدا =يا عم اتكلم بواقعيه هو ايه اللى سهل طريق الجنه ..! سهل.. ازاى +اسمع.. =طيب ازاى +اصبر.. =ماشى ازاى بقى +يابنى اسكت شويه عاوز اتكلم بقى الناس عاوزه تسمع =... +ايوه كده +اسمع بقى تعرف يعنى ايه تبقى مسلم =....؟ +اقولك ان انت علشان تبقى مسلم لو معاك فلوس تبنى اسلامك على 5 عواميد ولو زى حالاتنا تبنى اسلامك على4عواميد =يعنى ايه ؟ +بنى الاسلام على خمس ولو معاك فلوس هتحج ولو معكش غير مفروض عليك الحج =آه..فهمت =يانهار ابيض ...! ده احنا نسينا اهم حاجه +ايه ..؟؟ =ده احنا لسه ما بدأناش الحلقه +يا صلاه النبى يلا مونتاج 3..2..1.. +السلام عليكم =وعليكم السلام +عامل ايه مع ربك =لحمد لله =ماشى على سطر وسطر ورمضان داخل وباقى كام يوم ولسه ما استعدتش والفترة قليله يومين بس يعنى مفيش امل خالص +طب هو رمضان خلص = لسه ما جاش اساسا +طيب انت قلت يا راجل انه لسه ماجاش يعنى فرصتك وما تقولش هستعد وهتوب فى رمضان وارجع بجد فى رمضان لانك ماتضمنش تكمل قرائة الموضوع ده اساسا ممكن فى اى لحظه تموت والمصيبه تبقى توفيت ولم تتب شكلك هيبقى وحش اوى وانت ليك رب وهو الله الكريم الجواد التواب +طب ممكن اسبتك بسؤال =اتفضل لو واحد مسيحى قالك عملت ايه لدينك وانت مسلم =.....! +سؤال من الاخر =عندك حق طب ولو ربك سألك وقالك اخترتك للاسلام عملت ايه ؟ =...! +طب انت لسه فى الدنيا اعمل حاجه =ياعم ارجع الاول لربنا وبعدين اعمل +طب ما تعمل الاتنين مع بعض =ازاى +يعنى اكتب اذكار وعلقها فى مسجد فى رمضان انت وصحابك اشترى كيلو تمر بدل الكنافه ووزع على العربيات لحظه الافطار وخد ثواب كبيييير وحاجات كتيير =طيب من الاخر ارجع لربنا ازاى فى اليومين دول +دافى الحلقه الجايه بس ندردش مع بعض اول حاجه +ماتتوبش مرة واحده =يا عم ماتجننيش يعنى ايه ؟ +يعنى لو بتعمل معصيه ما مثلا بتعلى صوتك على والدتك او والدك ماتبطلش زعيق وتاخد الحياه جد ولكن خلهم اصحابك هزر واضحك معاهم وخليك ذكى فى الطاعه وخلى بالك ان طول ما انت ماشى صح هتلاقى مطبات كتيره =ازاى +يعنى هتلاقى تريقه والشيطان يجى لك كام مرة =تصدق انا كده فهمت +احمد ربك =الحمد لله الحلقه الجايه امتى ..ماتتأخرش +لا ماتخافش ان اعطانا الله ا =انت عارف لو اتأخرت زى المرة اللى فاتت : +انا اقدر +السلام عليكم =وعليكم السلام |
حلقة جميلة يا غادة بس انتى عارفة لو اتاخرتى تانى
انا هعمل اكتر من اللى هيعمله فيكى الولد دة ههههه بس بجد كل حلقة بتبهرينا بيها عن اللى قبلها |
بجد فعلا حلقة جميلة جدا
تسلم ايدك ياغادة وبجد الاسلوب جميل جدا برضو وفي انتظار المزيد |
ماشي ميرسي لمرورك
رغم انك مقرتش الحلقات السابقه بس يلا مش مهم شكرا ليك وانتظر حلقات رمضان بجد حلوه |
مواضيع مشابهة: | ||||
› دعوه للتغير(هنتغير احنا الاول) | ||||
› هنتغير امتي بس ؟؟؟ |