بسم الله الرحمن الرحيم
اولا انا منى وجديده معاكم في المنتدى بس عندى مشكله هتجننى اولا انا عندى 17 سنه وكنت عرفت واحد من سنتين من النت وحبينا بعض اوى حب عباده زى ما بيقولو علما بانه عنده 18سنه وفي كليه طب بس بيحبنى اوى المشكله بقي انه من فتره حسيت انه اتغير معايا بدا ينتقدنى خصوصا انى عصبيه شويه
من اسبوع قعد يقولى انا مخنوق وكل ميكلمنى يعيط ويقولى سامحينى ومتزعليش منى ابدا بعد الحاح كتير منى قالى انا قلت لوحده على النت بحبك بس والله مش حسسها ومش عارف انا قلتها كده ازاى ولما فكرت اسيبه وقتها قالى هتستغنى عنى في عز شدتى فعملت بالاصول وفضلت اكلمه لحد محل مشاكله كلها وبعد كده قلتله مش هقدر اكمل معاك عشان انت جرحتنى جامد فتاسفلي كتير بس انا مقبلتس اسفه وخلصت الموضوع وقعدت مكلموش تلت الايام بس كنت هتجنن فيهم واتصل على موبيل اختى كتير عشان موبيلي اتسرق فانهارده رديت عليه فتاسفلي تانى وقالى انا عارف انى غلط بس الى بيحب بيسامح وعيط كتير اوى عشان ارجعله فقلتله لو اختى وافقت هبقي اكلمك فقالى اختك ملهاش دعوه قلتله لا هيا في الفتره الاخيره قالتلى انك مش طبيعي معايا او يعنى مش زى الاول وانا قلتلها لا ووفقت قصادها جامد ولما قلتلها دلوقتى قالتلى الى بيخون مره بيخون الف بس انا هجنن عشان ارجعله دول سنتين مش يوم ولا اتنين مش عارفه بجد اعمل بليز ساعدونى واعتبرونى صديقه او اخت ليكم وياريت اسمع ردودكم عشان بجد هتجنن