طبعا مش قصدى ان مافيش حد فى مصر شريف؟؟ بالتأكيد موجودين ..ومكروهين ومنبوذين وطالع عينهم
انا اقصد مافيش حد هايسيبك فى حالك.. لازم يشدوك للقذاره ولازم يجبروك اما تدفع رشوه او تحاول تدافع
عن حقك اما بالعافيه لو قادر او باتباع اساليب لاترضاها بل ربما تفعلها للمره الاولى ..
ده فى حاله كمان انك تقدر تعملها..؟؟ .ايوه ده كلام فى الكوره يا حضرات ..وحتى لما حضرتك تنسى تربط
الحزام او حتى كنت رابط الحزام ..وجالك اللى بيقولك ممكن رخصك؟؟.طبق البريزه جوه الرخصه ..هتلاقى حزامك تمام
وتلاقى نفسك مشيت ولحقت ميعادك .وبدل ماتستنى على شباك الرخصه والا البطاقه والا الجوازات والا اى مكان
ادفع بالتى هى احسن..طبعا ما اقصدش الايه الكريمه..انا قصدى معنى تانى .. كان مكتوب فى داخل ميكروباس
ولما سالت السواق ..انت كاتب دى ليه .قاللى ياباشا الواحد زهق من المناهده مع الزباين وكل شويه نعمل مشكله
اكيد المعنى وصلكم ...واكيد عرفتم احنا وصلنا لفين ..مع الاسف..
الجحيم ..هو الاخرون ...دائما ..بمعنى ..لو انت راجل شريف .لازم تعانى ولازم حقوقك تضيع ولازم تبقى
حيطه مايله وفوق كده ..منبوذ ومعقد ومكلكلع ..ولو انتى بنت محترمه او عندك مبادئ فى الجامعه . والا فى الشغل
.هاتبقى منبوذه ..ودمك ثقيل ويلطش ومش هتلاقى شله ولا زميله تقبلك وانتى بالمرض ده؟؟
مازلت اصر ان كل كلامى ده كوره ....ازاى ..اقولك
مجلسنا الموقر بيضم مين ؟؟
المحترمين اولات الناس المحترمه حازم .واحمد جلال .واللواء سراج.وهانى العتال ورؤف جاسر..
ناهيك طبعا عن الاستاذ ممدوح عباس ...وطبعا الغزال ابن ناس ومحترم ..لكن وضعه يختلف..لانه فى الاساس
ابن بلد ..يعنى من امبابه ومن شبرا والوايليه والسيده وقلعه الكبش.ومش من الزمالك والمهندسين زى الباقى.
يعنى لعب فى الشارع وفى خرابه وفى حوش مدرسه واتخانق مع على علوكه.وجرى ورى عكوشه .بالسافوريا
وفوق ده كله ضابط شرطه لكن للاسف ..طيب .ونيته صافيه .. ودى حاجه نادره فى امثاله
وعلشان كده ..الزمالك شرب القفا بتاع عبد الفضيل..
وعلشان كده على قد المراره والغيظ من شلوت شريف عبد الفضيل ..لينا..مهما حاولنا نقول غير كده ..
دى للاسف حقيقه.. شلوت منطقى .. لمباراه مابين اشراف واقذار.. وده فارق كبير مابين مجلس الزمالك والكنيست الاحمر..وده برضه قصور فى مجلس الزمالك ..
ماينفعش ابقى طيب ومحترم مع تلك السفالات ..وماينفعش ابقى شريف والعب مع حراميه..وماينفعش ابقى مؤدب
مع ابن دايخه..دى قوانين الحقيقه والواقع ..وعلى من يعترض ..او لايستطيع .ان يذهب الى المدينه الفاضله
هنا .فى مصر ياساده ..يطبق قانون الحواه ..قانون ام ترتر .. قانون الغاب ...قانون ابجنى تجدنى..
عاوز تعيش هنا ..لابد وان تجيد اللعب مع الاقذار.واسألوا المر ..فهو خير من يجيد تلك الالعاب .
اسألوه .كيف فاز على كتبه محكمه المجلس الاعلى ..وهم زوفه مستشارين ..19/صفر..
واسألوا مجلسنا .كيف لم يحتاط ولم يتعظ من موقعه هانى سعيد.
واسألوا لجنه المسابقات عن سوابقها وحاضرها .بل
ومستقبل قراراتها التى تكيل بمكيالين ..اسالوا كيف لهذا النخاس ابن النخاس يحول الصفقات من هنا لهناك رغم ايقافه
واسالوا كيف يمكن للاعب ان يجرؤ على هذا .دون ان تكون وراءه ايدى قويه وتعلم انها فوق كل القوانين وفوق
كل الافواه التى ستتكلم وفوق اى مساءلات ..ايدى قويه ..تتيح لمعترف بجريمه رشوه السفر للخارج واللعب بحريه
وتتيح لمزور ان يلعب ولايحاكم وهو المزور ليتهرب من خدمه الوطن ..اضحك كلما انطق كلمه وطن..
ايدى قويه تصرف اموال مؤسسه حكوميه كما تشاء بلا حسيب او رقيب .يقودها لص والكل يعرف ذلك ..ولا احد
يتحرك ولا احد يجرؤ ان يقول كلمه لاتعجب صاحب الوكاله ..التى تتحكم فى اعلانات القنوات وبالتالى فى تمويلها
وبالتالى فى توجهاتها وقس على ذلك الجميع ..حتى بعض الزمالكاويه ..
كلنا هذا الفاسد او المفسود..وكلنا هذا الطاغى او المكبوت .وكلنا ضحيه وجلاد فى نفس الوقت
انا مش زعلان على هذا القذر .لانه ذهب الى حيث مكانه ورب ضاره نافعه..
انا حزين وهانفجر من الغيظ من المؤامره التى حاكتها ..لجنه شارون .(حمدى والقيعى والخطيب) ومجلس الاسماعيلى
ليخرجوا سيناريو ماحدث .ليذهب شريف للاهلى دون ان تثور جماهير الاسماعيلى..ويكون السذج المحترمين
مجلس الاداره الزمالكاوى هو المتسبب وهو فى الحقيقه ناس طيبين قوى قوى
واحنا كمان كجماهير ناس طيبين جدا ..ياريت تراجعوا كم الاخبار عن الصفقه ..وتتذكروا ردود افعالكم عن تطورات
الاحداث وانتم اكيد هاتعرفوا .قد ايه احنا ناس طيبه ..
هل لى ان اسالكم قليلا من الشراسه على حقوقكم ..هل اطمع من مجلس الاداره عدم التفريط فى حق النادى
وملاحقه اللاعب الى اخر مدى ..حتى لو ادى الامر الى رفع الشكوى الى الاتحاد الدولى ..واعتقد
ان هذا ممكنا ..وان الامور قد تصل الى ايقاف الاهلى .كما كان متاحا اكثر من هذا فى مشكله شريف اشرف
والتى ضحك علينا المسؤلين تحت شعار مصر ومصلحه مصر وام مصر واللى خلفوها.
واكيد مصر حياتها مش مرتبطه بضربنا على قفانا..
مطلوب من مجلس الاداره اثبات قوته والتمسك بحقوق النادى والثار من كل من يتلاعب به ..
ومطلوب من الجماهير .ايضا ان تطالب المجلس بهذا وتناصره وتساعده ايضا ..
مطلوب فضح مجلس اداره الاسماعيلى المتاّمر على اراده جماهير الاسماعيليه ..بعد ان تم ترضيتهم من لجنه
الكنيست الاحمر.حتى يتم الاتفاق على سيناريو قذر ..يليق بهم وبمن تاّمروا معهم ومطلوب منك ايها الزمالكاوى ..ان تعترف انه لاحق لضعيف ..ولا كرامه لمحترم بين السفله ..بالله عليكم كيف تطالبون حكما بان يكون عادلا وهو يحكم مباراه طرفها الاهلى وهو بهذا الجبروت .ونحن الذين نطالبه لانستطيع ان ناتى بحقوقنا؟؟.. كيف تطلبون من لجنه مسابقات ان تفعل مانعجز نحن ان نفعله ونقف فى وجه طواغيت العصر وقراصنه الجبلايه؟؟؟ ..كيف نطالب من غيرنا ان ياتى بحقنا الذىنعجز عن استرداده؟؟ ماحك جلدك غير ظفرك .ولانلومن الاانفسنا
اللهم انى قد بلغت..اللهم فاشهد