صرح السيد حسن يونس وزير الكهرباء والطاقة المصرى انه سوف يقوم فى الايام القليلة القادمة بالسفر الى اثيوبيا ومعه وفد من وزارة الرى والموارد المائيى لبحث امداد خطوط التيار الكهربائى بين مصر والسودان واثيوبيا للأستفاده من الفائض فى الانتاج الكهربائى الذى سوف تنتجة اثيوبيا جراء اعلانها انشاء عده سدود لتوليد الطاقة الكهربائية من مياه نهر النيل
وقد اعلنت اثيوبيا فى الايام السابقة عن عزمها البدأ فى تنفيذ المشروع اكس وهو الذى سمى بعد ذلك سد الالفية واستخدامه فى حجب مياه النيل للزراعة ولتوليد الكهرباء

وقال حسن يونس ان مصر لا تمانع اقامة اثيوبيا سدود ما دام ذلك يتم بالاتفاق وان مصر والسودان سوف تقوم بشراء فائض الكهرباء لتنمية شبكة الكهرباء لديهما

يا نهار ازرق
احنا وصلنا لحد اننا نشترى الكهربا من اثيوبيا
دة الكلام دة حقيقى ولا بجد

كنت قد قرأت أن أثيوبيا لا تحتاج مياة النيل بسبب الأمطار المستمرة وكذلك لا تستطيع

حجبها لشدة الإنحدار لأرضها المرتفعة ، وكل ذلك بتدخل إسرائيلى ولو قمنا بالتعاون

مع أثيوبيا وكل دول حوض النيل بوصفهم أشقاء لنا وليسوا عبيد عندنا لجاء لنا أضعاف ما

يأتى من مياة النيل

أنا مش فاهمة احنا هنشتري الماء ولا الكهرباء هو ايه الهبل ده يا احنا وفقنا علي اقامة السد ولا ايه

طلب عاجل

ممكن أبنائى تفهمونى هل هذه الاجراءات لصالح مصر والا ظلم لمصر

وأكون شاكرة أفضالكم

والله حضرتك هو شكلها كدة بنشد معاهم فى الحنين
يعنى صداقة وجو رد قلبى دة
يعنى بنعمل بونت كدة علشان حوار الماية يعنى انا شايف انها فى مصلحتنا
يعنى بنحاول نرجع العلاقات تانى
بس انا بامانة مش متاكد اذا كان الحوار دة حقيقى ولا بجد

يعني ايه خلاص مصر والسودان وافقت على بناء السد وكمان هنشتري الكهرباء منهم . طيب ونشتري كهرباء ليه واحنا بنصدر كهرباء . وبنصدر كهرباء والفاتوره الشهريه شئ وشويات الله يحرقك يا مبارك

انا تهت فى البلد و احترت خلاص

بس ياريت تجييب نتيجة وتكون بدايه خضراء