الموضوع دة هكتبه بكلامنا العام مش هزوقه و ممكن الكلام مش مترتب لانه لا منقول و لا غيره
بكرة ان شاء الله اول جمعة فى ابريل و دة جمعة اليتيم
ممكن نكون فى زحمة الاحداث الى احنا فيها نسينا او انشغلنا
و طبعا الرسول صلى الله عليه و سلم وصانا
على اليتيم فى حديثه الكريم
(( انا وكافل اليتيم فى الجنة هكذا واشار بالسبابة والوسطى ))
عشان كدة لازم كلنا لو فى حد يتيم جنبنا نحاول نسعده و نساعده مش بس يوم الجمعه
لا على طول خلينا جنبه نحسسه ان لو فقد ابوه او امه فهو لم يفقد العالم كله و ان فى ناس بتحبه
و واقفه
المساعده مش بس بالفلوس ممكن تذاكر له تقعد معه تنصحه تسال عامل ايه فى الدنيا عامل ايه فى الدراسه دة لو كلمه طيبه صدقة زى ما قال رسولنا الكريم
(( من مسح رأس يتيم لم يمسحه إلا لله كان له بكل شعرة مرت عليها يده حسنات ))
صدقت يا حبيبي يا رسول الله
معلش بقى لو كلامى مش مترتب هو طلع منى كدة
يالا كل واحد فينا يشوف هيعمل ايه و مايترددش على الخير