قام عدد من الشباب بانشاء جروب جديد على الفيس يدعو الى عدم انتخاب السيد عمرو موسى امين عام جامعة الدول العربيه السابق رئيسا للجمهوريه وبعد انشاء الجروب انضم عدد كبير من الشباب الى الجروب كان منهم بعض المشاهير منهم الكاتب الصحفى بلال فضل . وصرح هؤلاء الشباب انهم ينظمون حمله مماثله لمبادئ الجروب على أرض الواقع وبرروا معتقدات هذا الجروب على الصفحه الرئيسيه للجروب بقولهم : "مش هنتخب اللى كان وزير فى حكومة الفساد وكان زميل فى حكومة الفساد اللى نهبت مصر.. مش هانتخب إللى سكت 30 سنة، مع إنه لو كان قال ثورة كانت مصر كلها خرجت وراه.. وساب شعبه يغرق فى الذل والفساد والجوع والمرض والجهل، ده حتى لو مش فاسد فالساكت عن الحق شيطان أخرس.. مش هانتخب إللى كان أمين جامعة حكام العرب.. ومتناسى إن فيه حاجه إسمها شعوب عرب دايقه الذل والفقر والتعذيب على إيد حكامهم قبل إسرائيل.. مش هانتخب إللى أرجل موقف عمله فى حياته كان مجرد شجب وإدانه .. ويوم ماحب ياخد موقف زى رئيس تركيا أمين الأمم المتحده شده.. وسيادته قعد على طول.. أنا مواطن مصرى حر ..مش هانتخب عمرو موسى .. وهنتخب مصرى عنده برنامج مش مجرد اسم منفوخ". |
هو فعلا سلبى جدا
ولم يقل اى كلمة ترتقى الى تطلعات الشعوب العربية والاسلامية طيلة رئاستة للجامعة العربية ابسط شيء انة كان لازم يتكلم عن ظلم الحكام العرب وعن قوات الدفاع المشتركة وكتير من دة ربنا يرزقنا بواحد يستاهلنا ونستاهلة |
غريبة مع انى هنتخبة يعنى
|
انا معاهم اكييييييد
عمرو موسي مع احترامى ليه مواقفه السياسه السابقه لا ترتقي لطموحات الشعب المصري |
ما تستعجلوش على رزقكو هيجى اللى ياكل التورتة كلة لوحدة ولا حد فيكو هيقدر يتكلم وخالو بالكو برضو انو هيجى بدقن وماسك سبحة فى ايدو
|
بصراحه اللي قالو كده ليهم اغراض تانيه لان اي انسان مش ناوي ينتخب اي مرشح اكيد انه مش هينتخبه لكن عشان يعمل حمله ده وراه اغراض اخرى وهو عارف ان عمرو موسى ممكن ياكل منه الجو
|
في الانتخابات لازم كل الناس تبين عيوب المرشحين المنافسين ودة مش عيب طالما انه في الاطار السياسي ومبني علي اسس.. انما مينفعش واحد يطلع يقول علي التاني اصله بيشرب خمرة او جوز بنته مسيحي او اي كلام فارغ من دة خاصة لو كان غير حقيقي
|
نعم انا مع هذا الجروب لا لانتخاب عمرو موسى000فماذا قدم للعرب كامين عام لجامعة الدول غير نشجب وندين
|