السلام عليكم ورحمة الله وبركاتة
حلو الموضوع اللي طرحتي المناقشة فيه ده
ان مش حكتب كلام دبلوماسي وبتاع مقالات ومثالي
انا يمكن حاليا في مرحلة البحث عن شريكة العمر ( اسأل الله أن يرزقني الزوجة الصالحة حسنة الخلق والخلقة )
طبعا جزء من مواصفات العروسة اللي ببحث عنها تكون الشكل الخارجي مقبول وبالنسبه لي جميلة
فقط جميلة ( يعني اللي اشوفها انا جميلة قد يراها الاخرون غير جميلة ) مش فاتنه ( اللي الاغلبية يرونها جميلة جدا ) ارجو أن يكون وصلك الفرق اللي عايز اقوله
بس طبعا اللي اهم الاخلاق والتربية والروح لان هم دول اللي حيفضلوا بعد ما الانسان يتعود على شكل شريكة حياته ويكون بالنسبة له عادي
حقولك عن تجربة شخصية
انا مريت بتجربة شخصية عن طريق اني اعجبت بزميلة في الشغل بشكلها ( بالنسبة لي كان شكلها عادي جدا بس كتييييييييييير قوى من اللي حواليا كانوا بقولوا عليها جميلة وجميلة جدا ومن قبل ما اخبطبها علشان محدش يقول كانوا بيجاملوا ) بس انا اللي شدني اكثر ليها من شكلها مرحها وتحسي انها محترمة جدا وذوق واخلاق وبنت ناس طيبة
بس بعد الخطوبة اكتسفت الكوارث والقناع سقط واكتشفت عكس كل اللي اتشدتله ما عدا الشكل طبعا اللي كنت شايفه عادي او جميل
بس عشت ايام ما يعلم بيها الا ربنا وتعلمت يعني ايه الجمال هنا ملهوش لازمة لان ايام كانت عبارة عن حلقات متواصلة من النكد والقلق والعكننه
طبعا مستريحتش ورجعت لحياتي وبقيت اناو واكل كويس واخرج واستمتع بحياتي غير لما ربنا كرمني وانهيت الخطوبة السيئة والفاشلة دي
وطلعت من التجربة دي اني لازم ادور اكتر على الاخلاق والاحترام قبل الشكل الخارجي بس برضة حرجع وقول اني لازم اكون متقبل الشكل ده وشايفه جميل بغض النظر عن رأي الناس حولي
اسف على الإطالة
وشكرا