الاختيار
انا هنتكلم فى الموضوع دا عن الاختيار عامه فى حياه الانسان
الاختيار عامه هو تمييز بين شيئين او اكتر ممكن يكون بين خير وشر صح وغلط وممكن يصبح الاختيار بين مجموعه من الاختيارات الخيريه او مجموعه من طرق الشيطان
ديما نقدر نربط بين الاختيار والحريه والعلاقه هنا طرديه
بمعنى اذا زادت الحريه زاد الاختيار والعكس صحيحنيجى لنقطه طب خلاص فى حريه وفيه اخيارات كتير اختار على اى اساس ؟؟؟
احنا ممكن نحدد الاختيار على اساس المصلحه بمعنى تحيق الفائده الاكبر لكن هنا نتعرض لقضيه مصلحه مين طب ما ممكن يكون فى المصلحه الشخصيه مصيبه عامه (واحد ياخد فلوس قرض ويفك على بره)
من هنا بقى نوصل لقاعده التمييز بين الخير والشر الصح والخطا السليم والمكسور
كل الاديان السماويه (وحتى يمكن الوثنيه) وضعت قوانين حتى يسير عليها الانسان مش الهدف منها تقييد الانسان والحد من اختياراته لكن الغرض هو وضعه على الطريق الصحيح ووضع قدامه الاختيار الصحيح والمناسب
طب دلوقتى افرض ان الانسان قدامه اختيارات وكله صح وكله مناسب وتمام هنا بقى نرجع تانى للمصلحه الاكبر والفايده الاعلى بس لاحظ اننا فوتنا على القواعد الدينيه والشرع والقانون الاول وبعدين المصلحه
بس كدا معلش انى طولت عليكو
ومستنى مشاركتكو واختياراتكو
اصنع اختياراتك بنفسك حتى لا تصنعك اختياراتك