ياريت تفيدونى لانى بجد فى حيره

السلام عليكم انا جايه النهارده وحابه افضفض معاكم لانى بجد مافيش حد يسمعنى انا كنت مخطوبه بقالى سنه وبعدين طول الفتره دى انا وخطيبى فى مشاكل على طول الولا من ناحية اهله مش بيحبونى وانا حاسه بكده وثانيا انا وهو فى خلاف مع بعض اغلب الاوقات بس اوقات كتير كنت بعدى واكبر دماغى لانه بحبه وهو انسان طيب جدا ومؤدب جدا جدا بس مشكلته انه مالوش اى شخصيه قدام ولدته يعنى يمين يمين شمال شمال وانا تعبت من كتر الكلام معاه وحولت افهمه ان حاجه زى كده بضايقنى قولتله ولدتك على دماغنا من فوق بس لازم يكون ليك شخصيتك ورأيك المهم من حوالى اسبوعين حصل بينا مشكله كنت فى فرح بنت خالتى وكنا فى اليوم ده شادين مع بعض فجه معايا وقاعد طول الفرح ساكت ولا بيتكلم ولا بيضحك ولا اى حاجه فبقوله طالما مضايق منى كده مكنتش جيت الفرح قولتله احنا قاعدين فى فرح وقدام ناس يعنى بلاش تكشر كده ولو هتفضل كده قوم امشى رد وقالى ما ده اللى هيحصل فعلا وفعلا قام قدام الناس كلها وسابنى طبعا انا اضايقت جدا وقولت هو كده جاب اخره معايا ده المهم طبعا ولدته عرفت بالمشكله وجت البيت عندنا وقالت كل واحد بنام على الجنب اللى يريحه دا بجانب انها راحت عند جيرانها وغلطت فينا جامد والكلام وصلنا وبعت مع جيرانا وقالت خليهم يخيبوا حاجة ابنى المهم بعتنا الحاجه وجه تانى يوم خاله وصالحنا ومتزعلوش واحنا اهل وجت مامته باست على دماغلى وقالتلى ماتزعليش قولتلها ولا يهمك مافيش حاجه واتصالحنا على كده بعدها بمافيش يومين الاقى صحبتى بتقولى ده جت عندنا فى البيت وبتتكلم على مامتك وبتعيرها بمرضها لان مامه تعبانه عندها حساسيه صدر فالتنفس عندها صعب شويه وهى طبعا مطلعا عليها اسم (شحر)علشان بتاخد نفسها بصعوبه والله العظيم انا لما سمعت الكلمه دى كان هاين عليا اروح البيت عندها واحطها تحت رجلى ولما جيت قلت لخطيبى الكلام ده قالى انتى اصلا واحد متخلفه وهبله ولما اجى اواجه حماتى تقولى ابدا ما حصلش وهو طبعا ماشى وراها المهم تعبت جدا من كتر الكلام وقررت انى اسيبه وفعلا سيبته بس دلوقتى الكل بيقولى انتى مالك ومال امه ومعنى انك مش مستحمله امه انك مش شارياها فقولولى القرار اللى انا اخدته ده صح ولا لا لانى حاسه بتأنيب ضمير وخاصة انى بحبه جدا وهو طيب بس عيبه زى ماقولتلكوا وده طبعا هيتعبنى بعدين معلش انا طولت عليكوا جدا بس فعلا كنت محتاجه اتكلم وأطلع اللى جوايا