اخيرا انتهى بعبع الثانوية العامة بنسختها الاديمة الفاشلة وكان الله فى عون معظم العائلات المصرية اللى عاشت ليلة مايعلم بيها الا ربنا سهرانين طول الليل فى انتظار النتيجة طبع مألوكوش على التوتر غير حرقة الدم و ضغط الدم و االبلاوى التانية دى بعد ما يشوفوا النتيجة ...
طبعا والغالبية بيكملوا نومهم فى المستشفى ...
سيبيكوا من كل ده المهم انا عاوز اوجه دعوة لمن لم يوفقهم الحظ بعدما الحزن أو الجزع وان الثانوية هذه ليست نهاية الكون لا والله ....
"ولا تحزنوا على ما فاتكم ولا تفرحوا بما أتاكم " صدق الله العظيم
وكمان بصراحة النظام العقيم للثانوية فى الوقت الحالى ليس مقياس حقيقى -نظام هات وخد ده -اتلغى فى كل انحاء العالم وحتى اصلا الشهادات العلمية المصرية غير معترف بيها عالميا ولا حتى كمان تصدقوا شهادات الدكتوراة ولا ليها لازمة فى مصر وانا كمان مش عاوزكم تزعلوا أصلا الحكومة اصدى تكره الناس فى العلم والتعليم وتعيش الناس فى الجهل عشان تبعدعهم عن السياسة والمعارضة (وفعلا نجحت انا بس عاوز اى حد ينزل الشارع ويسأل اى مواطن عن اسم رئيس الوزراء ان ما قال لك سوسن بدر يبقى ليك الكلام ساعتها )......بداية من ميزانية التعليم فى مصر والتى تتكلف 48 مليار جنيه ما شاء الله كتيير أوى عاوزين نبخر الرقم ده ليتحسد انتوا عارفين ان ميزانية التعليم فى ألمانيا بيتوصل الى 290 مليار يورو شوفوا الفرق ....
يعنى مثال بسيط وحصل بالفعل دكتور الله ينور عليه سافر بلد أوربية فى منحةعلمية وأول ما راح هناك أول حاجه قالوا هالو عاوزينك تنسى كل حاجة أتعلتمها فى مصر ...
2- طالبة كانت فى سنة من السنين طلعت من أوائل الجمهورية ودخلت كلية الطب وقررت تتجوز تخيلوا جوزها رفض انها تكمل دراستها فى الكلية و سابت الكلية هههههههههههههههههه
3 شخصية عظيمة ازهلت العالم زى الدكتور أحمد زويل مسمعناش انوا كان متخرج من كلية الطب ولا صيدلة ولا نيلة فعشان كدا مش عاوزكم تربطوا بين التفوق والتميز بالكلية
4-تعرفوا ان مخترع اللمبة توماس أديسون كان بايع جرايد وشوفوا اهوا غير العالم باختراعته
5-طبعا الشاعر العظيم ابراهيم ناجى عارفين انواترك مهنة الطب بسبب حبه الشديد فى الشعر طب بالله عليكم لو كان كمل وساب الشعر كنتوا هتعرفوه .....
6-طبعا مش عاوين ننسى عباس محمود العقاد (الابتدائية) وانيس منصور (أأداب)وطه حسن (أداب برده) كل دووول مكنوش متخرجين من طب ولا هندسة ولا حاجة و أصبحوا من أعظم الشخصيات
انا سامع واحد اهو بيقول طب يا عم انتا الوظيفة والعيال والمستقبل كل حاجة ضاعت
انا عاوز اقول ان الارزاق على ربنا وان كل مولود بيتولد بيتكتب معاه رزقه وان الرزق ده فى السماء
واسمعوا الحديث الجميل ده .....قال رسول الله صلى الله عليه وسلم : "
الله وكل في الرحم ملكا ، فيقول : يا رب نطفة ، يا رب علقة ، يا رب مضغة ، فإذا أراد أن يخلقها قال : يا رب أذكر ،
يا رب أنثى ، يا رب شقي أم سعيد ، فما الرزق ، فما الأجل ، فيكتب كذلك في بطن أمه" حديث صحيح
و أنتوا عارفين كمان ان الواحد ممكن يتحرم من رزقه بسبب معصية بيعملها .
{فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّاراً * يُرْسِلِ السَّمَاء عَلَيْكُم مِّدْرَاراً * وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَاراً}نوح 10 11
وَمَا خَلَقْتُ الْجِنَّ وَالْإِنسَ إِلَّا لِيَعْبُدُونِ * مَا أُرِيدُ مِنْهُم مِّن رِّزْقٍ وَمَا أُرِيدُ أَن يُطْعِمُونِ * إِنَّ اللَّهَ هُوَ الرَّزَّاقُ ذُو الْقُوَّةِ الْمَتِينُ }الذاريات56 57
{إِنَّمَا تَعْبُدُونَ مِن دُونِ اللَّهِ أَوْثَاناً وَتَخْلُقُونَ إِفْكاً إِنَّ الَّذِينَ تَعْبُدُونَ مِن دُونِ اللَّهِ لَا يَمْلِكُونَ لَكُمْ رِزْقاً فَابْتَغُوا عِندَ اللَّهِ الرِّزْقَ وَاعْبُدُوهُ وَاشْكُرُوا لَهُ إِلَيْهِ تُرْجَعُونَ }العنكبوت
وسامع واحد تانى بيقول دا الشهادة برده يا عم واجهة حلوة وخصوصا أدام البت بتاعتى لما اجى اخطب واتجوز
يا عم انتا الراجل بأخلاقه ودينه مش بالكلية بتاعته وكمان الانسانة اللى بى بتنظر لغير كدا تبقى واحدة سطحية وبجد متسهلكاش
يا جماعة للأسف التعليم فى مصر حاله للأسو وحتى النظام الجديد للثانوى الجميع متوقع له فشل منقطع النظير
فى النهاية مش عاوز اى حد حتى لو جايب مجموع أى كلام ان يزعل أو يضايق أو يجزع وان شاء الله ربنا معاكم (مش عاوز حد ينتحر)
وحسبى الله ونعم الوكيل فى الحكومة اللى عاوزة تكره الشباب فى العلم .
وأختم بقول المولى عز وجل :
{وَمَا خَلَقْتُ الْجِنَّ وَالْإِنسَ إِلَّا لِيَعْبُدُونِ * مَا أُرِيدُ مِنْهُم مِّن رِّزْقٍ وَمَا أُرِيدُ أَن يُطْعِمُونِ * إِنَّ اللَّهَ هُوَ الرَّزَّاقُ ذُو الْقُوَّةِ الْمَتِينُ }الذاريات56 57
