نجوم مصرية
منتديات نجوم مصرية المنتدى الطبي والعيادة منتدى الطب النفسي



الرجاء .. عايز حل لمشكلتي !!

 

انا اترددت كتير قبل ما اكتب الموضوع ده
لانى ... ممكن اكون محرج شوية
المهم انا مش عايز اطول عليكم
انا مشكلتى بكل بساطة انى مش عندى حبيبة .. اممم انا مش عارف ابدأ منين بالظبط
بس انا ساعات بحس ان فى حاجة ناقصة فى حياتى ... حاجة عند اغلبية الناس بس مش عندى
بحس بالوحدة كتير اوى علشان انا دايما بعض لوحدى ولا عندى لا اخ ولا اخت ووالدى مسافر وعايش انا ووالدتى .. حتى والدتى دايما بتبقى مشغولة عنى عمرها ما كلمتنى عشر دقايق على بعض وسمعتنى
انا عارف ان كده كده مش هينفع اقولها على حاجة برضو بس هى كده كده عمرها ما اتكلمت معايا ...
بكون عايز اتكلم مع حد واحكيله عن كل حاجة بصراحة فى حياتى ... كانت امنية حياتى ان يكون ليا اخ ولا اخت ولا اي صاحب يكون بيحبنى بجد رغم ان عندى اصحاب كتير بس بصراحة كلهم اصحاب مصالح مش اصحاب بجد ... دايما بحس انى نفسى تكون فى واحدة فى حياتى زى اصحابى .. بس انا برضو غيرهم خالص انا مشكلتى برضو انى خجووول جداااااا ومش بعرف ازاى اتكلم مع بنت غيرهم هما ... هما دايما بيكونوا بجحين و امم ( جمع جرئ ايه ؟؟ ) .. المهم .. انا كنت دايما مكروه بين زميلاتى البنات لما كنت فى المدرسة ... بس انا كنت مكروه علشان انا صريح وكنت رايما بقول الحق ومكنتش ولد ( سيس ) بسقط البنطلون وبلبس الحظاظة واعمل شعرى فى الخلاط .. انا مكنتش كده خاالص رغم انهم كانوا بيحبوا بتكلموا مع الولاد دول وكده .. انا مش عارف اقول ايه والله ؟؟ بس انا حاسس بنقص فى حياتى ... عمرى ما اتكلمت مع بنات كتير نفسى حتى اتكلم مع الجنس التانى ان شالله حتى لو كانت اختى ( لو كان ليا اخت )
ومش عايز فكركوا يروح لبعيد .. انا بس بقول انى نفسى يعنى اتكلم مع بنت وكده يعنى ... انا عارف ان محدش فاهمنى والله ؟؟؟ انا عندى مشاكل كتير اوى والله .. برضو مشكلتى انى طيب اوووى وغلبان واللى فى قلبى على لسانى .. انا لغاية دلوقتى كتبت كلام كتير وبرضو مش حاسس انى فهمتكوا اللى انا قصدى عليه .... انا يعنى نفسى يكون ليا علاقة مع بنت وانها تكون بتحبنى وتكون مخلصة فى حبها ليا
..... بحس بالغيرة اوووى لما اشوف واحد صاحبى بيكلم حبيبته او لما اشوف اتنين بيحبوا بعض
رغم ان اغلبية قصص الحب دلوقتى حاجات متخلفة وهما اصلا مش فاهمين المعنى الاساسى للحب
انتوا فاهمين انا قصدى ايه بقصص الحب المتخلفة .. اقولكوا مثلا .. زى مثلا ما يكون الولد من الولاد السيس ولابس بنطلون جينز ومسقطة وعامل فى شعره قصة ( عرف الديك المشهورة ) وعامل حواجبه وسيجارة الحشيش فى ايده والموبيل الصينى فى جيبة اللى مفيهوش غير اغانى تمورة ولابس الفانيله اللى كمها من اتنين لثلاثة سانتى ( من الاخر شاب من الشباب السيس اوى ) ... والبنت الحبيبة بقى
لابسة بنطلون اسكينى ضيييق اووووى وتحتية الشبشب او الكوتشيهات العجيبة اللى ظاهرة اليومين دول .. ولابسة بادى كريبة دييق اوووى ولابسة من فوق الحجاب ( مع العلم ان انا قولت اسكينى وكارينا ) بس لابسة الحجاب علشان تدارى سيلك المواعين اللى تحتيه .... انا بقى قصدى بقصص الحب المتخلفة لما تكون بين الاتنين اللى قولت عليهم دول ... ده ميبقاش حب ... دى كده تبقى حاجة ملهاش شرح اصلا .... انا مش شكلى وحش ولا حاجة والله علشان بس محدش يقول يمكن الواد ده يكون شكلوا زفت انا ابيض وطويل ورفيع وعنيا عسلى ... ولا بشرب سجاير ولا بشرب حتى قهوة و كمان انا ارخم حاجة فيا انى طيييب اووووى اووووووى ويضحك عليا بسرعة اوى ................. تعرفوا انا دايما بحس ان البنات دول مخلوقات تانية من كوكب تانى ... بقولكوا مليش علاقة بيهم خاااااالص تعرفوا انا زى مين بالظبط رامز جلال فى فيلم حد سامع حاجة ؟ .. زية بالظبط .... اممم ...ايوة.. عندى برضو حرمان بس نعمل ايه مهو من اللى بنشوفوا لغاية ما اتخنقت ... انا ممكن الخصلكوا الكلام ده كله فى كلمتين ((( انا مشكلتى بكل صراحة انى مش لاقى واحدة تحبنى وتعجب بيا )))






thats all








المقال "الرجاء .. عايز حل لمشكلتي !!" نشر بواسطة: بتاريخ:
amr sayed
أسمحلى أرد عليك بما انى قريت كتير فى علم النفس ومطلع
اولا انا حاسس انك فى ثانوى او جامعة
ثانيا واسمحلى حاسس انا انتا محتاج الحب بس بتعبر عنة
زى ما كتير بيتكلموا علية متأثرين طبعا بالاعلام اللى افسد الذوق العام
وخلى دايما لكل بطل بطلة..
اختصار عاوز اقولك المرحلة دية (اللى على ما اعتقد انتا فيها فى فترة المراهقة)
بتحتاج علاقات دة من وجهة نظر الشباب
لكن من وجهة نظر العلم المرحلة دية بتحتاج فهم وتواصل مع البيئة اللى حواليك
بمعنى ان مستحيل حد هيخطب مثلا وهو لسة صغير وكلنا متفقين على كدة
طب لية بنبقة عاوزين نكون علاقة عاطفية
دة بسبب مفاهمينا الغلط
العلم بيؤمن بعلاقات الزمالة والصداقة
(احب اقولك معلومة فى النص انا فى اخر سنة فى الجامعة وعندى 22 سنة ،ولغاية دلوقتى
معديتش علية علاقة حب ،وعندى اصدقاء وصديقات بعتز بيهم ،لكن فى مرحلة المراهقة كان فية قصص اعجاب وخرجت منها سليم
لما ايقنت بأن فية اهداف اهم..)
خلاصة القول
لازم تحط اطار لنفسك تتحرك جواة ،خطة على المدى البعيد والقصير
لازم تؤمن بأن يكونولك صداقات
ولازم تؤمن بان العلاقة مع البنات هى مجرد علاقة زمالة ..المفروض متتعداش المرحلة دية
وانهم مش هيقتولوك وانهم كائنات عادية
طبعا الوحدة دية امر خطير ..لكن فى نفس الوقت انتا مش شاب سيس زى ما قولت
انتا شاب عندك مشكلة صغيرة فى التواصل سهل انها تتحل
لكن موقعتش فى مشكلة انك تعرف عشرين واحدة من غير لازمة
ودة سهل تعملة ...لان التافهين اكتر من الكويسين
...........................
فية نقطة مهمة انتا دلوقتى فى مرحلة بناء شخصيتك
كان فية فترة كنت بعانى من فراغ كنت بكتسب فيها معلومات
عن طريق القراية اللى فرقت معايا على المستوى الشخصى ومستوى الشغل اللى ماسكة
جنب الجامعة....انصحك جدا بالقراية لو حتى هتقرى ميكى ماوس
وطول ما انتا عندك وقت فانتا عندك كنز ،وقراية كتب التنمية البشرية مهم
خصوصا لو انتا محدد حلم نفسك تحققة..
.........................
اتمنى انك ترد على النقاط دية
عشان نكمل الحوار,,
d12
@ amr sayed

اولا اشكرك على مرورك وردك على موضوعى

بس انتا برضو مفهمتنيش اوى
انا كل الحكاية ان مش لازم تعنى قصة حب وكده ... انا قصدى ان انا ماليش اى اختلاط بالجنس الاخر .. ولا حتى ليا صداقات جامدة يعنى معاهم .. انتا ممكن تقول زمالة ... لكن موصلتش تبقى صداقة ... فاهمنى .. بقولك انى نفسى حتى ان كان يبقى ليا اخت ( شايف لدرجة ايه ) - المشكلة مش مشكلة حب - المشكلة مشكلة كلام .. اختلاط .. حوار .. كده يعنى ..... هو اه الحب برضو حاجة مهمة بس برضو لما تفكر فى مستقلبها بتتعب وتقول انك مش عايز تحب .... بس برضو يا صاحبى حاجة حلوة اوى ان لما يكون للأنسان واحدة معجبه بيه وبتحبه .. انا معتقدش ان اللى انا فيه ده مراهقة اوى ... انا مش بحب لما يكون فيه حب بين اتنين ويفضلوا كده ... انا مؤمن جداا بالجواز ... انا عايز احب واحدة تكون هى دى الانسانة اللى انا هتجوزها .... انا بالنسبالى الحب بين الزوج والزوجة هو انقى انواع الحب واجملها
احسن من العبط اللى بيعملوه الشباب ده

تعرف انا بتخنق اوى لما اشوف واحد صاحبى ليه كذا بنت بتحبه وبيتكلموا عليه ويبصولوا ويكلموه بالليل .. اممم .. وكده يعنى رغم انه مش احسن منى فى حاجة خااااالص معاده انه جرئ مع البنات شوية ... انا عيبى انى خجول اوى ومش بعرف اتكلم من بنات خالص .... انا احساس الحب عندى احساس قديم شوية مش بتاع تمورة وكده يعنى

فى كلام كتير اوى وقصص وحكاوى مش عارف اقولها
انا مش عارف الصراحة اقول ايه تانى
..........!!!
kaki
من اللى حكيته انت محتاج الحنان محتاج ان حد يحس ويهتم بيك
شمس الاسكندرية
حاول اشغل نفسك و اشغل فراغك بشئ تحبه
كتير مننا عنده احتياج للحب و العاطفة و لحد يثق فيه و يتكلم معه
بس طبعا مش هنمشي ندور ع الحد دة
و عشان كدة لازم تشغل بالك وقتك و عواطفك بشئ
لو بتحب الرسم او تلعب رياضة مفضلةاو تكتب خواطر او قصص قصيرة تعبر فيها عن احلامك و عن الى جواك
او تقرا قصص عاطفية و تكون ممزوجة بطابع اجماعى و الا حتى سياسي
ودة فيها منها كتير زى مثلا ليوسف السباعى او احسان عبد القدوس و زيهم كتير
هتقرا القصه هتحس ان انت بطلها و تعيش معه كل لحظة سوا حب او حرب او فقر او غنى او سعاده او حزن
حجات كتير ممكن تعملها
عندى حد من صحابي فنان و اتعلم ازاى يلحن اغانى خفيفة كدة على ادة
المهم حاول ماتسيبش نفسك للحالة دى
لانى عن تجربة و الله هتتحول لاكتئاب و بعد و كراهية للناس
الله معك و يوفقك ان شاء الله
بنوته لاسعه
ممكن ارد على حضرتك

انت محتاج حد يسمعكوحد يهتم بيك
وتحس معاه بالحنان والثقه
وللاسف انت مش لاقى ده فى اسرتك


ممكن تلاقى هنا اخت او اخ
يسمعك بجد ومتخفش مش هيبقوا
اخوات مصلحه
d12
@ شمس اسكندرية

انتى فعلا احتمال كبير اووووى ان يكون كلامك صح وانا فعلا بحاول اعمل كده
بس برضو مهما عملت برضو بحس بالنقص والملل من حياتى ... كل يوم زى اللى قبله زى اللى هيجى بعده
بفسى بجد حاجة تفرحنى اوى

تعرفى يا شمس والله انا نفسى برضو انام .... اه والله انا نفسى انام وانا مستريح ونفسيتى كويسة
والله انا انهاردة عيطت على حالى ... حالى متلغبط ومتشقلب .. انا مش بعرف انام والله لانى دايما بفكر فى حاجات كتير اوووووووووى اوووووى نفسى بجد يكون بالى مستريح ونفسيتى كويسة


@ بنوتة لاسعة
اه والله عندك حق انا فعلا محتاج حد يسمعنى
بس برضو يا البنوتة الواحد مهما اتكلم على النت وكده يعنى غير برضو لما واحد يتكلم ادامك
فهمانى ... النت فعلا بينقل الكلام لكن مستحيل ينقل الاحساس علشان كده انا مهما كتبت عمر ما حد هيحس بيا وده مش نقص من القارئ او المتكلم ... دى هى دى الحقيقة


غير كده وكده فانا مش بتواجد فى المنتدى خالص الصراحة
مصراوي بالامارات
اسمحلي ارد عليك ومع احترامي طبعا لردود الاخوه

حاول ان تقترب من الله وتصلي

اقراء القرآن الكريم

صدقني يا اخي الفاضل الحب ده كلام فاضي

ولا يوجد حب الا بين الازواج فقط

وسوف يكرمك الله بزوجه صالحه ان شاء الله

تحفظ عرضك وتصون اسمك

والفتاه التي تقول لشاب بحبك في علاقه غير شرعيه

كيف نثق بها

اقترب من الله ولا يصح الا الصحيح
شمس الاسكندرية
طبعا كلامك صحيح يا مصراوى لا غبار عليه
و كمان احب اقول لصاحب المشكلة الى بيقول انه فعلا محتاج لحد يثق فيه و يتكلم معه
انت صعب تلاقى حد تثق فيه الثقة العمياء الى تخليك تفضفض له بكل الى جواك
ودة غير ان فى بعض المواقف الى جواك هتخل تقولها له لسبب او لاخر
مع ان المواقف دى ممكن تكون سبب رئيس فى الى انت فيه
ساعتها هتعمل ايه ؟؟
حاول زى ما قالك الاخ مصراوى قرب من ربنا و على فكرة اتكلم مع ربنا فضفض له ربنا كريم جدا جدا و هتحس بوجوده جنبك احسن من اى شخص بلعالم
و حاول خرج نفسك من الحاله الى انت فيها باى شكل من الاشكال
محدش هيقدر يساعدك غيرك انت لانه مهما قلنالك حلول طول مانت مش مستعد تساعد نفسك يبقي كل كلامنا لا قيمة له
مصراوي بالامارات
ياريت تشوف الفيديو ده

http://www.youtube.com/watch?v=jtiYa...mbedded#at=113
%u0632%u0627%u0626%u0631
انت مشكلتك سهله طب اسمع مشكلتي انا ساكن في حي شبرا وبشتغل محاسب في بنك والحمد لله انسان محترم وماتزم من 3 سنين تابعت فتاه تعبر كل يوم من امام منزلنا الساعه 8 وهي رايحه شغلها ومش عايز اقولك في الاول مكنتش بديها اي اهتمام عادي واحده ماشيه في الشارع لكن مع الوقت بدات عيني تقع عليها وخصوصا انها بتعدي في نفس الدقيقه اللي بخرج فيها من باب عمارتنا ممكن اشوفها في الاسبوع 3 او 4 مرات تخيل اني دلوقتي اصبحت بحبها بجنووووون عايز اتقدملها بس للاسف خجلي مخليني مش عارف ابدا ازاي وخايف موووت اني اكلمها وعلى فكره معرفش عنها اي معلومات ولا حتى اسمها بس بحبها وبخاف اجي في يوم واتجرا واكلمها على اساس اني اتقدملها الاقيها مرتبطه عاطفيا بحد وا حتى تحرجني في الشارع وساعتها واللهي ممكن انتحر من الاحراج الله هقع فيه انا زيك بس في اختلاف بسيط ان في بنات اعجبت بيا وانا طبعا من خجلي عمري ما كلمت هم ولا حتى بصيت لواحده منهم ودلوقتي انا كمان عايز حل ليا هههههههههه وربنا يوفق الجميع للخير ......
روح مصر
لاني عشت في مصر وعرفت الشباب المصري
وطريقة تفكيرهم واهتماماتهم
اقول لك مش عيب لو اهتميت بشكلك شوية
وكنت ولد خفيف ظل وروش ولابس حلو
في حدود الادب والمعقول
ومش عيب ان في موبيلك اغاني من اغاني تموره
ومش عيب انك تقيم علاقة صداقة كويسه ببنت
بس في اطار المسموح وقداام الناس
انا عارفة انه صعب عليك تكون
ملتزم وتشغل تفكيرك كله في حتة تانية غير البنات
لكن تقدر ان شاء الله تكون ليك علاقات كويسة مع بنات كويسات منهن
وتقدر تكون ليك علاقات كويسة بشباب تشغلو فيه وقتكو بالدراسة
وبالرياضة وبحاجات كويسة كتييير
امك مسكينة ياعيني في البيت وملهاش غيرك
حاول تكلمها وتحكي لها
وعندك النت ممكن تتعرف بيه على ناس كويسه
في الاخير دي فترة هتعدي هتعدي ان شاء الله من حياتك
وحتفكر بعد كده في مصلحتك ومستقبلك
بس غير من نفسك شويه للافضل
وماتستهونش بيها
وطلع كل الطاقات التي عندك
في طريق صحيح وسليم
واقرا قراان
وصاحب اصحاب كويسين
اتمنى لك التوفيق
%u0645%u064A
انا عندي مشكلة مش مشكلة اووووووي بيضحك عليا بسرعة اوووووووووي كل الناس بتحبني وانا تعبانة اووووووي من انا بصدق كل الناس بسرعة
%u0632%u0627%u0626%u0631
اناحاسة انك عايزة وحدة تحكى
%u0632%u0627%u0626%u0631
لو سمحتوا انا عندى مشكله بس ياريت حد يفهمنى ويلاقي الحل انا بحب حبيبى جدا وهوه بيحبنى بس كنا بنتكلم عن الافلام وهوه قالى انه بيحب الافلام الاباحيه (انا اسفه)بس اتخانقنا وقولتله ده حرام وربنا هيحاسبك على حاجه زى كدة لما تقف ادام ربنا تقوله شفت ايه بعنيك تقوله ايه اللى بتشوفه ده غلط وحرام انت اكيد مش بتحبنى ولا انا عجباك عشان كده بتشوف الحاجات د ى انت المفروض تحترمنى بغيابى قبل حضورى وكلام كدة وهوه مردش بقوله ساكت ليه قالى انا هرد بنفس اسلوبك لان اللى بنا حرام لانى ا لمفروض اكلمك لما يكون ف حاجه رسمى بنا ومن ساعتها مبيردش عليا واتصلت كتير وبعت رسايل كتير ولا معبرنى اسفه انى طولت عليكم ياريت تساعدونى انا بحبه وعهايزة اكمل حياتى معاه
متلغبط
انا خاطب واحدة محترمة جدا ومتدينة ومثقفة يعنى بجد ربنا يبارك لى فيها ... انا بحبها حب جنونى مرة زعلتها وكنت انا اللى غلطان حسيت انى بموت وهى زعلانة منى وحياتى وقفت وفعلا مش ببالغ



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
عمرو اديب : عايز رئيس جمهورية مش مصلح اجتماعي ، عايز حق الشهداء
ارجوكم عايزه حل لمشكلتى بسررررررررعه
الرجاء .. عايز حل لمشكلتي !!
اريد حلا من خبراء المنتدى لمشكلتي بالصور
الرجاء يا اخوانى انا عايز كود هذا العداد


Powered by vBulletin Version 3.8.8
Copyright ©2000 - 2018, Jelsoft Enterprises Ltd
جميع الحقوق محفوظة © nmisr.com نجوم مصرية