لقد تم تسجيل الأغنية فى شهر نوفمبر عام 2010 ، وتم إذاعتها على القنوات الفضائية يوم الأحد 6 فبراير 2011.
والفيديو كليب عبارة عن لقطات و مشاهد حقيقية من أحداث الثورة المصرية 25 يناير.
كلمات : نصر الدين ناجى
ألحان وتوزيع : أحمد فرحات
كلمات أغنية محمد منير .. ازاى ؟؟:
إزاى ترضيلى حبيبتى
إزاى ترضيلى حبيبتى
أتمعشق إسمك و انتى
عماله تزيدى فى حيرتى وما انتيش حاسه بطيبتى إزاى ؟
مش لاقى فىعشقك دافع
ولا صدق فى حبك شافع
إزاى أنا رافع راسك و انتى بتحنى فى راسى إزاى ؟
أنا أقدم شارع فيكى
و آمالك م اللى باليكى
أنا طفل اتعلق بيكى فى نص السكه و توهتيه
أنا لو عاشقك متخير
كان قلبى زمانه اتغير
و حياتك لفضل أغير فيكى لحد ما ترضى عليه
ازاى سيبانى فى ضعفى
طب ليه مش واقفة ف صفى
وأنا عشت حياتى بحالها علشان ملمحش فى عينك خوف
وفى بحرك ولا فى برك
ازاى أحميلك ضهرك
وأنا ضهرى فى آخر الليل دايما بيبات محنى ومكشوف
أنا أقدم شارع فيكى
و آمالك م اللى باليكى
أنا طفل اتعلق بيكى فى نص السكه و توهتيه
أنا لو عاشقك متخير
كان قلبى زمانه اتغير
و حياتك لفضل أغير فيكى لحد ما ترضى عليه
و ازاى ترضيلى حبيبتى