اغنية محمد حماقى - ديماً عايشين
اغنية لشهداء ثورة 25 يناير
كلمات اغنية محمد حماقى - دايما عايشين :-
الوشوش دى مش غريبة عن عينكوا وعن عينيا
ناس بريئه كان هدفها بلدها تتغير شوية
كل ده من غير مصالح كان ده كله بحسن بنية
حاسس انى اعرفهم كلهم حاسس إن انا فيها منهم
ملامحهم روحهم دمهم .. دول مصريين
ماهو مش معقول ولا ذنبهم يخرجوا يندهوا على حلمهم
يتاخد منهم عمرهم .. ده يرضى مين
عشان احنا نعيش استشهدوا .. ولا مال ولا حاجه يعوضوا
انصرهم قلبك جمده .. خليك أمين
دول كانوا شباب من سننا .. وإلى اصغر واكبر مننا
امر الناس ديا يهمنا .. ماسكتش عليه
كلنا هنكمل حلمهم .. دول ضحوا عشانا بنفسهم
ولا يمكن هيضيع حقهم .. لو يحصل ايه
فى الجنه مكانهم مش هنا .. إرتاحوا وراحوا لربنا
وهيفضلوا جوه فى قلبنا .. ديماً عايشين
