نجوم مصرية
الرئيسيةمنتديات نجوم مصرية منتديات شباب وبنات اغاني - كلمات الاغاني



تابع نجوم مصرية على أخبار جوجل



جميع قصائد هشام الجخ مكتوبة - متجدد

 
مشكورررر أخي .
شااااااعر أكثر من رائع.

 







Mohamed Zalata
شكرا لكى اختى الكريمة وبالفعل شاعر اكثر من رائع
andy
أهلاً بكم اخواتى و أشكركم على الموضوع الجميل هذا و اعلمكم انى أيضاً
كتبت للاستاذ هشام الجخ قصائد فاذا أردت اخى
ان اشترك بهذه القصائد فاعلمنى لكى اشارك باضافتها
Mohamed Zalata
اهل بيك اخى الكريم فى منتدانا العزيز وتفضل بالمشاركة كما تريد
andy
ده اول قصيده هشارك بيها فى المنتده اقدمها لسيادتكم




القصيدة الثالثة والعشرون
(فى حب مصر)
ولا كنا نعرف الف.. ولا كنا نعرف به
ولا شفنا عمرنا نور ..غير لما قمرك جه
وفضلتى رمز الامان.. والناس مالقياش وطن
وزرعت قمح وغيطان.. و غلبت كل المحن
اقف انتباه يا زمان.. مصر الابيه اهه
ولا كنا نعرف الف.. ولا كنا نعرف به
والدفه... والدفه لو مالت.. نعدلها بكتافنا
اسمك فى حناجرنا.. واغانينا واكتافنا
مصر اى نقشت حجر.. وعلمتنا العد
مصر الى جيشها عبر.. مصر الى بنت السد
لا تعبنا يوم من السفر.. ولا كل مجدافنا
والدفه لو مالت.. نعدلها بكتافنا

وشكراً لكم
andy
القصيدة الرابعه والعشرون
(ادينى نجحت)
ادينى نجحت .. وشمتت فيا البوبات
ادينى نجحت .. وشمتت فيا البوبات
والمدرج والسلالم.. والحيطان قالت يا عالم
بكره حنشوف منه تانى.. ولا غار وارتحنى منه
بعد ما طال الانتظار
دار الضيافه.. علقت زينه بسرينه
والمسرح الى يدوب عرفنى مرتين
عامل فرح ....هشام نجح
وارتحنى منه ومن كلامه ومن قصايده ومن اللومان الى يوماتى بينفتح
هشام نجح
ونجاحه عبره وموعظه ودرس انشرح
اسمع واعى
يا كل طالب فى النشاط الجامعى اسمع واعى
كان فيه هنا واد اسمرانى المعى ..عمللى فيها الاصمعى
وكتب قصايده عالورق وكتب حياته عالورق
يا جامعه مليانه ورق
اهه لما قالوا انه نجح
قفلوا ملفه وكفنوه من غير ما حتى يتنعى
فا سمع واعى
جانى الخبر وانا فى الصعيد فاكرينه بشره
ماقدرتش استنى لبكره
كانت ساعتها الشمس لسه يادووب بتطلع
وانا جاى الصبح وحدى
لسه واصل مالسفر والدنيا برد
الدموع دفتلى خدى
قلت انط السور الم سنينى من جوا
السور غبى مارضيش يخلينى اعدى
سور الرعايه عشان جديد مافهمش قصدى
كل حاجه فيكى يا جامعه فرحت
لما قالوا انى نجحت
انا الوحيد الى ادبحت
andy
القصيدة الخامسه والعشرون
(اخر قصيده اكتبهالك)
كرهـتك قد ما ضحكتى على شقايا
كرهــتك قد ما امى تحب رؤيـايـا
و قد رعشة ايدى وانا بكتب
أول قصيده أكتبهالك

آخر قصيده أكتبهالك
و آخر قصه فى كتابك
و آخر كلب فى كلابك
و آخر طيف يبات الليل على بابك

دا انا اللى كسّرت السهر
و رَقَصْت ويا الليل و رَقَّصت القمر

أنا اللى فَضّيت بِكر نجمه فى السما بَكّيت نجوم
و طلقت ايدى فى صدر نسمه اتلخبطت بين الغيوم
أنا الجخ و سامعه عنى و عارفه انى كل يوم
كنت قبلك ويا واحده و يمكن ويا اتنين فى يوم

تكسرينى؟! ... لا يا عينى
انتى واحده من ألوف
و ياما وانا عايش هشوف
انتى مجوعة قصايد بالمحبه بتبتدى
وهى دى
آخر قصيده أكتبهالك
و كان بودى اسمعهالك

نبرة الحزن فى كلامى مش ندم
ما أنا خدت منك كل حاجه وسبتلك حبة ألم
أنا خدت منك كل شئ
و فضلت قدامك برئ

كل ما فى الأمر إنى لسه ماشبعتش خيانه
تعرفى يا نانا الخيانه؟
مش خيانه تحبى غيرى .. يا خى حبى غيرى
همشى مع واحده تشوفيها و زى ما هغير انتى غيرى
مش خيانه

بس تبقى خيانه عظمى
يوم ما يبقى الحب كلمه
يوم ما تبقِى مالبدايه
حاطه للقصه نهايه

يا ترى لساكى فاكره؟

فاكره يوم ما رميتى قلبى بنظرتك قلبى اتجرح؟
كان فرح
أنا لسه فاكر.. كان فرح
كانت الرقاصه بتزِفّلِى حُبك
قلت احبك
يمكن الحب يداوينى
وادى ادينى
بكره اليوم اللى شفتك
بكره الشارع بكره الليل اللى ضمك
بكره القمره اللى بتفكرنى بيكى
و بكره اسمى اكمنه اسمك
بكره انى ابتسم
حتى اترسم
حتى اتدفن
بكره البحر اللى زغزغ صدرك السقعان فى حضنه
جيتى حضنى
حتى حضنى بكرهه لما اتّسعلك
بكره الشعر اللى خللانى ابقى نعلك
بكره القلب اللى سابلك صولجانه و بكرهك
واللى زانك طول سنين
جه الليلادى و شوهك

لا انتى ناعسه ولا انتى عبله ولا انتى شملوله الخجوله
اتكسر جوايه صوتك واتكسر جواكى عمر
بس عمرك هو عمرى
كان بودى أسيب فى قلبك ميت أتون من طين و جمر
بس قلبك هو شعرى

بكرهك...
ياللى ابتسامتك فرحتنى
و مرجحتنى و زحزحتنى
و كبرت...
الله اكبر
من كلامك من غرامك من عينيكى السودا ليل
قلبك المكسور بيعلن لانتصارى ميت دليل
و انتصارى مال على ودانى وهمسلى
قاللى "أوزوَلد" البرئ ما بقاش برئ
قاللى إن "سيزيف" دا زيف
و ان قولة آه بتطلع مالصعايده فين و فين
قاللى أنساكى فى مساكى
و اما اشوف قلبك عساكى تفوقى من وجع البنات
قالى بالرغم انه عارف انى حبيتك.. هجيتك
و انه شافك كاتبه اسمى بخط نونو تحت بيتك
قاللى شافك عالمرايه بتكشفى صدرك لصدرى
قاللى صبرك.. يا دى صبرى
اياك فاكرنى من حجر
اللى قاسَى فى حب نانا لو حجر...كان انفجر

كنا زى اتنين فى صحرا
ما فى ناس ما فى عيب مافى خوف ما فى بكره
كنا خيل وليل و مهره
كنا سكر و كنا فجر و كنا سهره
كنا نتواعد بكلمه و كنا نتصالح بنظره

كنا لما تسافرى أو اسافر
يصير الليل مالوش آخر
أكن عيونك النعسانه مجافيينك
و أكلم نفسى طول الليل و أقول فينك
و كان قلبى بوسع البحر..لملم موجُه فى سفينك
و نفس البحر دلوقتى لعنلك ميت سلسفينك
لا عاد موجه بيهواكى
و حتى نجومه فى سماكى
رموكى بعد ما رماكى
و كانوا فى ليلة تفينك..

و كانو يناموا فوق مريلتك الكحلى
ينقولك هدومك يوم ما نكون هنتقابل
أنا و نانا فى طول أيامنا ما كنا بنتقابل
ما كل الناس هتتقابل

احنا كنا..
احنا كنا..
والله ناسى كيف ما كنا
بس كنا

يمكن الحلم اتقتل بس الجبل
لو هده ريح أو حتى مال برضك جبل
و انا مش جبل من طين وقش ولا عضمى هش
إن كان على القلب اللى حبك آخره نعش
و انصِبله بدل الخمسه ألف
و يبقى مات ولا اتخدعش

كنت كيف السبيه بيه
و كنت ليكى عبد طايع
صرت ورقه و حبر ضايع
وقت فات ولا جابش عايد
مش بقولك..
انتى مجموعة قصايد

لمى ورقاتك خلاص الحبر جف
و احكى للجيل اللى طالع بكره يضحك
قولى لابنك فيه زمان واد عقله خف
اوعَى لتصيدك بِنَيّه و زى فرحه يولّى فرحَك

شيلى عمرك باللى فيه
خدت منك كام قصيده سامحى فيهم
حق كُرسيين معسل مش حكايه
خدت من عمرك بُكايه
و ابتسامتى سيبتهالك
يكفى إنى لسه مالك نفسى و بخبى البُكا
شوفى شاعر غيرى يوصفلك جمالك

أما عالقلم اللى فى ايدى
شاريه من دكان صعيدى
راسه ألفين دومه نَيّه لانسى حبك من أساسه
عشتى طبعا فى الصعيد و عرفتى ناسه
يبقى أسهل شى عليا
أنسى حبك و انسى حالك
وانى اقول عالقصيده ديا
آخر قصيده أكتبهالك
Mohamed Zalata
القصيدة السادسة والعشرون
(ماكنتش هناك)

ماكنتش هناك
ماكنتش في شلة صحابك ساعتها
ماشفتش دموعك و كسرت جناحك
و لما الحبيب الوحيد استباحك
ماكنتش معاك
ماكنتش فى وقت انبساطك .... بساطك
ماكنتش فى وقت اندفاعك .... دفاعك
و لما عرفت السهاد و السهر
و اول ليله تناجى القمر
وغامت عليك السما و الليالى
سامحنى يا غالى .... ماكنتش سماك
فى اول بحبك .... ماكنتش معاك
و اول واحشني .... ماكنتش معاك
فاتتنى الحاجات المهمه في حياتك
ولما دموعك بتحكى اللى فاتك
بحس انى عايز افسر بكاك
يمكن لانى .... ماكنتش هناك
Dr.$ooma
القصيدة السابعه والعشرون
الوجهان

بالهدي نرحم نعمة الرحمن وعد من الوهاب فى القران
وتفيض اعيننا لذكر جلاله ونرى وجود الله بالبرهان
انى رأيت الله رؤية عاقل متأمل فى الخلق والاكوان

حتى تبين للفؤاد جلاله فدمت تفيض لعشقه العينان
ان الحياه كعملة فضية ولكل شىء فى الدنا وجهان
فالعقل مركز كل شىء صائب والحب وجه المشهد الفتان
هذه الحياه بقلبها وبعقلها لا يستوى زوج بدون الثانى
فالله يوصف بالحكيم مهابه ومحبة ندعوه بالحنان

Dr.$ooma
القصيده الثامنه والعشرون
مشهد رأسى من ميدان التحرير

خبئ قصائدك القديمه كلها
مزق دفاترك القديمه كلها
واكتب لمصر اليوم شعراً مثلها
لا صمت بعد اليوم يفرض خوفه ..فأكتب سلام النيل مصر واهلها
عيناكِ اجمل طفلتين تقرران بأن هذا الخوف ماض وانتهى
كانت تداعبنا الشوارع بالبروده والسقيع ولم نفسر وقتها
كنا ندفأ بعضنا فى بعضنا ونراك تبتسمين .. ننسى بردها
واذا غضبتِ كشفت عن وجهها وحيائُنا يأبى يدنس وجهها
لا تتركيهم يخبروكى بأننى متمردا خان الامانه او سهى
لا تتركيهم يخبروكى بأننى اصبحت شئ تافه و موجه
فأنا ابن بطنك وابن بطنك من اراد ومن اقال ومن اقر ومن نهى
صمتت فلول الخائفين بجبنهم وجموع من عشقوكي قالت قولها


تحياتي
Mohamed Zalata
اهلا بيك Dr.$ooma فى المنتدى ,, ومنتظرين منك الجديد
Dr.$ooma

القصيدة التاسعه والعشرون
الرسالة الأخيرة

الوقت يمضي والحياة تُسارعُ
فأظفر بعمرك إنه لا يرجعُ

...حاور وناقش واستمع صوت الجموع
فقط جموع الصم من لا تسمع

...إني رأيت بمصر نهر محبة
ما كان من دون الحوار سينبُعُ

عانت بلادي ظلمة الصمت الثقيل
فكل صوت كان يعلو يُقمع

حتى أتاها صوت جيل يناير..
فغدت تلملم حسنها وتُجمِّعُ

كنا نكلم قادة الحكم القديم
فما استجابوا للكلام وما وعوا

ظنوا -على جهلٍ- بأن كلامنا
خطرٌ يُهددُ عرشهم ويُزعزع

اليوم تبكي كل نفس صنعها
وتود لو عاد الزمان فتصنع

يا من يحبون العروبة أنصتوا
وتحاوروا وتناقشوا وتشجعوا

أنتم ملوك فخمت درجاتكم
وشعوبكم أيضًا تُصانُ وتُرفع
andy
معلش يا جماعه انا كنت فى سفر و مكنتش قاعد على النت خالص
و دى قصيده جديده
القصيده الثلاثون
(حمارين حبيبه)

وبقولها انا انت
وانت انا
مين الحمار فينا
اتا اللى حمار ولا الحب
اللى نازل رجرجة فينا
طب انت انا ... وانا انت
وجه فينا اللى جه فينا
حظوظ الناس مصالحاهم
وحظنا ليه مجافينا
طظ يا حظ يا ملاوع
هحبها ويكش تولع نار
هاكونلها بر وسفينة
هنتحمل وهنكيدك
ونضحك رغم ما فينا
وشوف غيرنا يا حظ خلاص
مفيش والله رجا فينا
ده انا انت وانت انا
طب مين حمار فينا


حمار الليل مطولش
فيوم السهرة والزينة
حمار الواد بتاع اللب
فاكرة يوميها عالكورنيش
قطع احلامى وكلامى
عن الترحال ويوم سفرى
ويوم ملقاكى عالمينا
حمارة صاحبتك لما
بتمشى معاكى فالشارع
يبان حسنك يغطيها
يخللى شكلها شوارع
بحبك ظايطة فاللمة
واحب اللمة فعنيكى
وبفرح كل يوم لما
تسافر ايدى فايديكى
ياعم حسين يا ملقانا
يا شاهد فرحى وشقانا
انا اللى حمار ولا هى
ولا الحب اللى ورانا


حمارة سياسة التعليم
فدى الدولة
وقال تعليمك العالى
ياولدى يبقى ليك اولى
بقالى سنين انع يا ناس
مابين ثانوى وبين جامعة
اقول ابنى سحابة شوق
تاخدنا لفوق
وتبقى هى دى الجانعة
هاتجمعنا لوحدينا
تدارى كسوفها منينا
وانا فصدرك .. وانتى فحضنى
نرجع تانى نتلخبط
ما نعرف مين حمار فينا


ساعات اقعد مع نفسى
فليلة صيف وبلكونة
وقمراية ونص سيجارة
اروج حبة عن نفسى
وكام نظرة على اشارة
يطيروا منى للجارة
لو انتى جيرانا لزقالنا
وكاشف بيتكوا شباكنا
ماكنتش اكره الشقة ولا القعدة
هاشوفك كل يوم نايمة
وهشوفك كل يوم قاعدة
انا شايفك وشايفانى
وصوتنا موصله التليفون
اكن الكون بقى بتاعى
او احنا وبس جوه الكون
لكن حظى التعيس دايما
مخللى عمارة ولا اتنين
مابين بيتى وبين بيتك
وداروا بيتى عن بيتك
بس انا عرفت الحمار الان
فلان احمد فلان
عشان سايب كل المكان
وبانى عمايره وسطينا
وساب روحى تروح روحك
ويتلاقوا فنص السكة
مابينك وبين الكون
يطيروا فالهوا حبة
يدوبوا حب ومحبة
ابصلهم يا وخدانى
وقلبى صافى ومزقطط
وارجع تانى واتلخبط
ولا اعرف مين حمار فينا


بحبك نانا او ناعسة
بحبك ليلى او المظ
نعيمة .. تمر حناية
بحبك وانتى بالمينى جيب
واحبك شال ودلاية
بحبك وانتى فالتليفون وفالجوابات
بحبك ...... وانتى ويايا
بحبك بت حكاية ورغاية
تصحى سكوتى جوايا
تلاعبينى واغمى عيونك السودة
صوابع ايدك الممدودة
بتدور على حضنى وتتدور
كسوفك عنى حايشنى وحاششنى
وطيش حبك مطيشنى
كفاية تعبت مالطيشان
مفيش مرسى يدفينا
ايديكى تنام على صدرى
فحتة يدوب تكفينا
وليل نعسان يغطينا
تغير الشمس منينا
تصحينا
يهيج قلبى ويتخبط
وارجع تانى واتلخبط
ولا اعرف مين حمار فينا


بحبك طايشة جواية
مسافرة ضلوعى فضلوعك
وانا طوعك
يزلزل صوتك الزلزال ويحينى
يخلينى انا ... عصفور فشباكك
يا ناشرة فالمدى شباكك
ايديكى يوم ما ضمتنى
حضنت الكون بكفة ايد
وبالتانية سندت القلب فمكانه
بحبك .... يااااااااااااه .....
يا نار فالقلب نوارة
انا حمار اللى حبيتك
وخليتك بحبى حمارة
يــــا حمــــــارة

وشكراً
nadia2011
من هنا
موقع مفيد
http://www.ibloggeur.blogspot.com/
eldoc
هو قال انه هيغير قصيدة جحا دى علشان الزمن غير الزمن ..........والله ياااااا زمن
MarwanSoudies
ع فكرة ياباشا
في 3 قصائد هشام مكنش مسجلهم قبل كدا
مكنوش غير كتابة
وسجلهم لاول مرة من يومين
في اجتماع مع الرابطة

والقصائد دي :
نادية+حمارين حبيبة+عشان غني
Mohamed Zalata
شكرا ع المعلومة
وعذرا يا جماعة على التاخير
andy
دى القصيده الثالثه علشان الاخ MarwanSoudies ميزعلش


القصيده الحادى والثلاثون

عشان غنى - هشام الجخ


وعشان غنى ومعاه فلوس
هملتنى وراحتله
ابكى على نفسى ولا
عالمسكين اللى راحتله
ولانى راجل مليونير
والخير كتير
عليت عيونى عالبكا
وقلت اسيبهاله زكا
ودفنت ايدى فالسويتر
وابتديت اشوط الطوب
واغنى كنا نتلاقى من عشية


كوبرى الزمالك زى ماهو
البنات هم البنات
والولاد هم الولاد
والدرابزين الحزين
لساه رزين
والكلاكسات اللى سارحة فالودان
واللى بيوشوشها فعيونك غموض
واللى بيوشوشها فعيونك امان
بس المكان هو المكان
خمسين سنة والكوبرى
مصلوب عالطريق
لا انا كنت اول مين يحب
ولا يوم هكون اخر عشيق
وادى البنات ألوفات
مترصصين عالكوبرى
يعنى انتى اجمل واحدة فيهم؟؟
ده انتى لو كشيتى فيهم تفزعيهم
صدقيـــــنى
صبغة الكذب اللى نزلت من ملامحك
غيرت شكلك نهائى
شوشت صورتك فقلبى
بقيت ملامحك
فاستخبيت جوه دائى
جوه ابيات القصيدة

المكان هو المكان
والبنات هم البنات
فى اللى فازوا بالنهار
وفى اللى تاهوا فى البعاد
وانتى واحدة من اللى تاهو
اما انا ... فزى ما انا
وكوبرى الزمالك زى ما هو

بعيد عنك حياتى عذاب
متبعدنيش بعيد عنك
ماليش غير الدموع
ام كلثوم الشقية
ضحكت عليا
سهرتنى الليل بطوله
اكتب الشعر اللى نفسك تسمعيه
وانا لاجل خاطرك مش هاقوله
وان كان حبيبك شاعر كتبيه
وابعتيلى قصايده اول باول
اه يا زمن .....يا احول
بقى ابقى حبيتك
وبقيتك عن الدنيا وما فيها
واصطفيتك
سبتلك وردة فؤادى تقطفيها
كنت فاكرك هتراعيها
وتداريها بين ضلوعك
وان مكفتهاش دموعك
من دماكى تضيًفيها
كنت فاكرك يوم ما اقول الاه
هاتخدى منى الآهة تخففيها
ولا كنت يوم يخطر عليا
انى لو مديت اديا
ليكى ممكن تكسفيها
يا ام كلثوم
الغرام محتاج حموم
قبل متغنى لقلوب الناس
تعالى نضفيها

andy
وهذه قصيده اخرى من اجلك

القصيده الثانيه والثلاثين
عماره
قصيده عاميه





عمّارة ومن يومها أمارة ويشهد لها كل اللي جرى
واهي بس الدنيا الدوّارة دي اللي جابتنا شوية ورا
لكن بإدينا حنبنيها



ونفكّر كل اللي نسيها
ما هو لسة اللي بانيها فيها
واسأل شوارعها وحواريها
تحكي لك سيرة معطّرة

Mohamed Zalata
انتظروا كل جديد من قصائد الشاعر المصرى هشام الجخ فقط وحصريا على منتديات نجوم مصرية
Mohamed Zalata
القصيدة الثلاثة والثلاثون
(يا وخداني من الشيبة)

يا وخدانى من الشيبه و واخده الشيبه من سني
و من سني ادوس الحزن من سني
و أسن السّن على سني
و اسنّلك شريعه و يوم يطول بطول سنين سني
يا وخدانى صغير سني
فقير سني
و انا مش شيخ و لا سنّي
دة انا اللى همومى مسّني
هموم الدنيا مسّني
ولساكى تشيلى هموم
و لسّني بحس جراحك المكبوته حاسنّي
وحسّني يا حسان الخلايق ليله حسّني
ده كل ذنوبى بس اني
بحب الأهه و الموال
واحبك نانا غيابه
و احبك موجه دوابه
و فرحه و شمعدان متقاد
بحبك ليله من كلثوم و هم الحرمه من جابر
بحبك طبله من حداد , بحبك و الله ما أنا قادر
زهقت اقول كلام متعاد
هبيعك هبقى كيف عواد ,
ماهو انتى الارض و العوّاد
خصيمك طه ما تسافرى
ولا تبالغى فى تقلانك و لا تسافرى
لا انا خيال و لا خلوى
و لا عمرى كسرت الليل
و لا يغرك كلام الناس
دة انا ترباس و حيلي قليل
اسافر كيف وراكي بلاد
و انا متقاد و مافضيش
اقولك ... لانا واد خيال
و لا الفرسه هتمشى بلاد
و برضوا تسفرى .. طب سافرى ...عليكى الذنب من سافري
ظلمتي الفرسه و الجواد ..............
موعدنا الجنه
بجد الراجل ده فنان وقصايده بتعبر عن حال البلد
مجهود رائع
يسلمو ايديك
Mohamed Zalata
شكرا على مرورك تقيمك .. نورتى
دموع تبتسم
رائع بجد يسلمووووووو
Mohamed Zalata
اهلا بيك نورت التوبيك
ياسين الحاكم
الله يكرمك بجد انا سعيد جدا بالقصائد دى *** ربنا يبارك فيك وفى هويس المصريين
Mohamed Zalata
جزاك الله خيرا .. نورت يا غالى
راضوى
بجد روووووووووووووووووووووووووووووووعه جميل جدا تسلم ايدكـ
Mohamed Zalata
الله يخليك .. نورت
إسلام عجلان
شكرا جزيلا على هذه القصائد الجميلة وعلى المجهود الرائع في إحضارهم


مواضيع مشابهة:
جميع قصائد الشاعر المصرى هشام الجخ يوتيوب
جميع قصائد الشاعر هشام الجخ ( الهاويس ) فيديو بجودة عالية و كلمات القصائد
جميع قصائد مصطفي ابراهيم مكتوبة - متجدد

فيس بوك  تويتر  يوتيوب 

Powered by vBulletin Version 3.8.8
Copyright ©2000 - 2024, Jelsoft Enterprises Ltd