خاص لنجوم مصرية :: كتب : صبرى جودة

من منا لا يعلم ماحدث فى اول نصف ساعة من السنة الجديدة ؟؟ من منا لا يشعر بالحزن الشديد على ماحزن لاخواننا الاقباط ؟؟
انا على يقين ان 90 % على الاقل من الشعب المصرى تلقى الخبر بصدمة وسيطرت من الحزن على كل مسلم و مسيحى ...

هل تتذكرون الهتاف الشهير (( عاش الهلال مع الصليب )) .... هذا مانحتاج اليه الان
وبالفعل ف الاسكندرية اليوم الساعه السابعه صباحا نظم مجموعه من المسلمين مظاهرة
تضامنية مع المسيحين ولكن الامن قام بتفريقها !!

تحت إطار الوحدة الوطنية .... نظمت صفحة (( كلنا خالد سعيد )) على الفيس بوك وقفة صامتة
يوم الجمعه القادم الساعه 4.00 عصرا .. تحت شعار (( انا مصرى انا ضد الارهاب )) ..
تضامنا معهم مع ماحدث ......

وهذا هو ماذكر فى الصفحة

يا ريت الناس كلها تؤكد حضورها على الدعوة للوقفة الصامتة دي لازم كلنا نشارك .. ويا ريت بمجرد ما تؤكد دعوتك تنزل اللينك على صفحتك الخاصة وتدعو كل اصحابك للانضمام والمساندة .. ده أقل حاجة نعملها عشان نثبت للكل اننا ايد واحدة خاصة احنا جيل الشباب
http://on.fb.me/1Egypt

تابعونا للمزيد

كلنا خالد سعيد أنا نازل يوم الجمعة في كل مصر .. هانزل ومعايا آلاف المصريين عشان نقول إن اللي عمل الجريمة دي مش مصري .. وإننا كلنا كمصريين ضد الإرهاب بكل صوره .. وإننا ضد الإرهاب .. بنخاف على بعض وبنحب بعض وهنفضل ايدنا في ايد بعض .. يا ريت كلنا نشارك وننشر الدعوة



الوقفة الصامتة بالملابس السوداء حدادا على ضحايا الإرهاب
Location:الساعة أربعة على الكورنيش في كل أنحاء مصر http://on.fb.me/1EgyptStand

وجود متطرف مسلم بيرفض يعزي أخوه المسيحي ده مش معناه إن المسلمين متطرفين .. ووجود متطرف مسيحي بيرفض العزاء من اخواته المسلمين ده مش معناه ان كل المسيحيين متطرفين .. بجد نفسي نفهم إن كلنا ايد واحدة وكلنا مصريين وبلاش نجيب النماذج السيئة من كل طرف ونعممها ونقول إن الكل كده .. احنا مصريين10