نجوم مصرية
منتديات نجوم مصرية منتدى المواهب منتدى موهوبين الادب والشعر منتدى القصص والروايات



اجمل قصة حب رومانسيه .... حلقات متجدده وحصرية ...( الجزء التانى )

 

اكيد هيديله الرقم
بس دماغك دمار و الله يا محمد
تسلم ايدك تحفه اوييييييييييييييييييييييي








المقال "اجمل قصة حب رومانسيه .... حلقات متجدده وحصرية ...( الجزء التانى )" نشر بواسطة: بتاريخ:
goleat
الله علييييييييك يا محمد
تسلم دماغك بجد جميله جداااا
كمل بقى ومستنيه الحلقه الخاامسه
تسلم على الابدااااااع
حبيبه يوسف
حقيقي حلقات تحفه
وفيها أفكار ملهاش حل
بس أن بقى زعلانه خالص من أميره الورد
يعنى هو فرح أحلى أوي من حبيبه
عموما لو عاجبك نغيره
مستنييييييييييييييه الجايه
شد حييييييلك
أميرة الورد
والله والله حبيبة والله احلى
بس هو كابو الى طلب انا مالى المخرج دبسنى انا
الله يسامحه
سفير الاحترام
يادى النيلة كان لازم يعنى يقولها انو اتجوز

ايه الغلاسة دى من احمد

ههههههههههههههههههههههههههههههههههههههههههههههه

يلا هتنشوف الحلقة الخامسة

عجل عجل عايزين نعرف هيكلمهاتانى او لا يا عم السفير

ههههههههههههههههههههههههههههه



هو صحيح فين احمد محدش بيشوفه يعنى
اوعى يكون بيخطط لشئ جديد
عشان يدمر حياتكم انتى وكابو
ههههههههههههههههههههههههههه
سفير الاحترام
رخم رخم يعنى

اعمل فيك اييييييييييييييييييييه؟؟؟؟؟؟؟؟؟؟

كمل ياعم بقا ...... الله؟؟؟؟؟؟؟


ايه رأيك بما انى رخم مش هكمل القصه
سفير الاحترام
اكيد هيديله الرقم
بس دماغك دمار و الله يا محمد
تسلم ايدك تحفه اوييييييييييييييييييييييي


مرورك وتشريفك لـ القصه اجمل من القصه نفسها
سفير الاحترام
الله علييييييييك يا محمد
تسلم دماغك بجد جميله جداااا
كمل بقى ومستنيه الحلقه الخاامسه
تسلم على الابدااااااع

شكرا لمرورك الرائع
نورتــــــــى
سفير الاحترام
حقيقي حلقات تحفه
وفيها أفكار ملهاش حل
بس أن بقى زعلانه خالص من أميره الورد
يعنى هو فرح أحلى أوي من حبيبه
عموما لو عاجبك نغيره
مستنييييييييييييييه الجايه
شد حييييييلك



حقيقى انا اللى بشكرك على كلامك ومتابعتك المستمره
سفير الاحترام
والله والله حبيبة والله احلى
بس هو كابو الى طلب انا مالى المخرج دبسنى انا
الله يسامحه


بلاش تحملينى الذنب
والا هيغير اسمها للاسم المفضل عندى
جنـــــــــــــــــــــــــات
سفير الاحترام
الحلقة الخامسة



كلنا شوفنا قد ايه كان كابو قاسى اوى على صاحب عمره


بعد ما عرف الحقيقة .. الحقيقة اللى دمرت كل حلم كان بيحلمه و سهر ليالى وسنين بيتمنى انه يتحقق

ودلوقتى وبعد ما اتحقق بقى محتار مش عارف يعمل ايه ..!!

عدت ساعات كتير على كابو كانها سنين وهو بيفكر فى اللى بيحصل وهل ياترى دى دوامة ذى ما صحبه ما قاله ولا ده تعويض عن جزء صغيرعن كل شئ حصل....

وبعد يومين


كابو قاعد فى البيت ولسة محتار بيفكر فى همه الكبير اللى بيزيد يوم عن يوم وخصوصا بعد ما عرف من مامته انها عندها عروسة وانه لازم يقعد معاها ويكلمها ما بقاش عارف يقول لمامته ايه بعد ما شاف الفرحة فى عنيها
ازاى ها يرجع من تانى ينكد عليها ..!!

اتصل بـ احمد عشان يقابله ويصالحه ويفضفض معاه لانه مش لاقى حد تانى يشكيله همه

اتقابلوا

كابو.. اكيد انت طبعاا عازرنى وفاهم انى ماكنتش اقصداللى قولته ...

ماهو مش معقول فى الاجازة اللى يادوب بعرف اخدها من فين لفين نزعل من بعض وانت عارف ان دلوقتى انا ماليش غيرك ..
وان كنت قولت كلام زعلك فده كان من عشمى فيك وعارف انك لايمكن ها تشيل منى ابداا صح .؟؟

احمد.. ااااااه يا كابو لايمكن ها ازعل منك ..بس انا عاوز اقولك على حاجة انا ان كنت قولت لـ اميره كلام زعلك
فده والله كان فى مصلحتك فى البداية ..
وخصوصا بعد ما عرفت انك خلاص نويت ترتبط...

يا جدع انت يعنى كدا فرحان وانت شايف ان كل اللى فى سنك عندهم عيل و اتنين وانت كدا عمال تضيع عمرك سنة ورا سنة وعلى ايه ... على كلام هايف ..
على وهم انت الوحيد اللى مصدقه
فووووق يا كابو ما بقاش فى وقت تضيعه تانى طب بزمتك
انت مش عاوز يبقى ليك ابن كدا يطلع عينك ذى بيبرس

كابو.. ههههههههه عارف يا احمد والله فاهم كل اللى انت بتقوله بس انت مش حاسس باللى جوايا
مش من السهل انك ترجع تحب اى حد بعد ما بتنجرح

وخصوصا لو كان جرحك مش من حبيتك اللى حبيتها لا انت ولا هى ليهم ذنب فى اى حاجة


احمد.. انسى بقى يا عم خلاص ... شيلها من بالك ومن تفكيريك وبعدين انت مش ها تنساها غير لما تلاقى واحدة تانية تشغل بالك ..واحدة كدا تنسيك كل همومك ..
وتنسيك امك وابوك كمان لو تحب

كابو.. هههههههههههههه
مش ماما جايبالى عروسة

احمد.. ههههههههه لا بجد طب وايه موزة جامده ولا ضاربها القطر هااا !!

كابو..لا لسة ما شوفتهاش وبعدين احترم نفسك شويه يارخم

احمد.. طب وايه ها تتجوز كدا عميانى ..مش لازم تعيان الاول
ههههههههه ...

(احمد انتو عارفينه دلوقتى اكتر منى ....لما تيجى سيرة اى بنت مش بيقدر يمسك نفسه )


كابو.. ههههههههههههههه
طب اسكت بقى عشان انا كدا هاا اقوم اضربك

احمد.. واهون عليك .
اموووووووه

كابو. ههههههههههه
انت عارف يا احمد والله انا دلوقتى ما بقيت بضحك غير وانا وياك

احمد.. طب وتعمل ايه بقى لو نفذتلك اللى انت عاوزه

كابو.. وهو ايه بقى اللى انا عاوزه يا فالح

احمد.. انا جبت رقم اميره...
بس بشرط

كابو.. ايه ده جبته من مين وامتى ..؟؟

احمد.. مالكش دعوة المهم انك توعدنى انك تكلمها مرة واحدة وتنساها خالص وان كلمتها يبقى كلامك عادى مجرد انك بتطمن عليها وبس

كابو.. هههههههه طب وايه رايك بقى لو ما كلمتهاش خالص وادى الرقم


(( ومسك كابو الورقة اللى مكتوب فيها الرقم وقطعها نصييين ))

كابو.. خلاص مش عاوز اكملها بس لما تشوفهاياريت قولها انى بسلم عليها
وخليها فاكرة ذى ماهى انى متجوز

احمد.. والله يا عم انت مجنون ....
والنعمة مجنون من يومين كنت ها تموت عشان الرقم ودلوقتى بتقطعه
انت عايز ايه بالضبط؟؟

كابو.. تصدق لو قولتلك انى عاوز سعادتها هى ومش مشكلة انا ..
لاننا لو قربنا من بعض ها يحصل مشاكل كتير مالهاش عدد
وانا مش عاوز اسببلها اى احراج او مشاكل

احمد.. طب اقولك انا على حاجة ...انت المفروض يحطوك فى متحف لان اللى ذيك انقرضوا خلاص

كابو.. ههههههههههههههههههههههههههه
خلاص بقى انسى الموضوع ده المهم انا مش عارف اعمل اى فى العروسة اللى جايبهالى امى دى

احمد.. بقى مش مكسوف شحط ذيك وبتقولى عروسة جيبهالى امى طب ده انا الفرسه اللى قولتلك عليها ده ....
ايوووووووه صاروخ مفخخ

كابو.. ههههههههههه والله انت الحريم لحست مخك

المهم انى ها ابقى اخدك معايا وانا رايح ... هاااااا ما تنساش

احمد.. يسلام ده انت تأمر ....
..

بيروح كابو وخلاص من جواه اقتناع تام انه لازم ينسى
اميره وينسى اى ذكرى لسة عايشة فى قلبه من ناحيتها
بينام كابو
وبيحلم نفس الحلم اللى حلمه قبل كدا اميره بتغرق منه وهو مش قادر ينقذها
صحى كابو فى نص الليل لبس هدومه ومن غير ما يقول لاى حد ركب عربيته
ونزل
للشيخ العراف
...
وهناااااااااك

الشيخ العارف :- يا ولدى ما انا قلتلك علي يريح بالك.. وانت قاصد تتعب حالك

كابو.. طب اعمل ايه قولى يا شيخ انا بتعذب لا انا عارف اقرب منها ولا قادر اعيش واانا بعيد عنها ..

الشيخ العراف :- قرب يا ولدى ..ربننا اداك اكتر من علامة ... جرب يا ولدى


(( وكان كابو من جواه فرحة ممكن تملى العالم كله وكانه اخد الاذن وانه خلاص مسموحله بانه يكلمها .. ))

وهو راجع بيلاقى اتصال من احمد


احمد.. ايوة يبنى انت فين ..؟؟

كابو.. انا جاى اهو كنت بس بعمل حاجة فى الغردقه

احمد.. ايه ده انت سافرت الغردقه امتى واذاى

كابو.. لا ده موضوع كدا فى الشغل وخلصته فى السريع


(ملحوظة :- كابو لحد دلوقتى ما صارحش احمد بموضوع العراف لانه كان عارف ان اى حد ها يسمع الموضوع ده ها يتريق عليه )

وبلييييل

..
وصلت العروسة او الموميا ذى ما احمد اطلق عليها

احمد.. يا شيخ حرام عليك ده انت كدا ها تموت نفسك وانت حى دى عروسة دى ... ده فيها شبه منى ههههههههههههه
ده انت كنت اجوزت واحد صحبك احسنلك ياراجل

كابو.. بس بقى كفاياك تريقة على عروستى

احمد.. عروستك ...تصدق انت لو عملت كدا لا ها احضر فرحك ولا اعبرك وانسى انى عرفتك من اصله ..

كابو.. طب بص بقى عشان ما تقولش عليا مجنون ولا كلامك الغريب ده ... انا عاوز رقم اميره

احمد.. احيييييييييه ...
انت ياض عاوز تجننى ...
يعنى فى الاول اتعاركت معايا عشان اجبهولك وبعدين قطعته تانى
ومشحطتنى وراك عشان عروسة استعمال طبيب .. وبعدين تيجى تقولى عاوز رقمها تانى ...
ما تريحنى وتقولى انت عاوز اى من الاخر

كابو.. عارف انك استحملتنى بس انا خلاص قررت انى ها اتصل بيها وبياخد كابو رقم اميره من الاول وجديد

وبيتصل بـ اميره وبتحصل مكالمة غريييييييييييييبة جداااااااااااااوغير متوقعه تماما

وده اللى ها نشوفه فى الحلقة السادسة
واوعدكم مش ها اتاخر عليكوو






سفـــ الاحترام ـــير



أميرة الورد
ايوووووووووة كدة

خليه يتصل بيها

همتك يا مخرج


تسلم الايادى حلقة تححححححححححفة
jaida
حلقه جامده جدا جدا
بجد
في انتظار الحلقه الجايه
سفير الاحترام
مش عارف هى القصه مش عاجبه حد ولا ايه النظام بالظبط
بس يلا
كفايه اللى موجودين هنا مع انهم كلهم ابخل من بعض
مفيش حد عزم عليا حتى بـ كوباية شاى اى حتى نسكافيه
ولا حتى حلبه بالحليب اى حاجه ياجماعه
:d:d:d
jaida
طب اتفضل
كوباية شاي ولا قهوه
jaida
بس انا عندي شمر بالحليب انما ايه
دمااااااااااااااار
هههههههههههه
أميرة الورد
بص انا لسة عاملة مهلبية
تحب اجيبلك طبق

هههههههههههههههههههههههههههههههههههههه
أميرة الورد
اهو الطبق يا محمد
انت تؤمر اهو

ههههههههههههههههههههههههههههههههههههههههههههه

دي صنع ايدى خلي بالك ابقى احجز في اقرب مستشفى
هههههههههههههههههههههههههههههههههههههههههههههههههه


سفير الاحترام
الحلقة السادسة

افكركم بسرعة بالخامسه
كنا شوفنا ان كابو خلاص اتصالح هو واحمد
وجاب الرقم من تانى بعد ما اقطعه وقرر خلاص انه يتصل وما حدش ها يمنعه ابدااا ..... من قراره ده

كابو فضل طول الليل سهران مش عارف يتصل يقول ايه

طب ياترى اول ما ها اسمع صوتها ها اعمل ايه .. !!!

طب يسلم عليها ويسيبها هى تفهم .. اللى جواه
ولا يصارحها كدا من اول مرة ..
وهى ايه هايكون رد فعلها على كلامه .. !!!

طب اقولها انا متجوز فعلااا ولا لا
مش عارف ..
وكان حاسس ان ده اصعب قرار فى حياته كلها ممكن ياخده
افتكر كابو من 13 سنة نفس اللحظة
اول ما شافها وكان عاوز يكلمها
بس الفرق انه ساعتها كان مفكره مجرد اعجاب بواحدة ذى القمر
ممكن تكون اجمل واحدة شافتها عنيه
الاعجاب اللى اتحول لحب من اول لحظة سمع فيها صوتها
من اول لحظة شاف فيها عنيها
من اول لحظة لمس فيها ايديها
الحب اللى فضل يكبر يوم عن يوم
الحب اللى كان عامل من جواه ذى الشجرة
اللى كل يوم بتكبر ويطلع ليها جذع يثبتها فى قلبه اكتر
...
قرر كابو خلاص انه ها يتصل
وها يكلم عادى جدااا وكانه بيطمن عليها بعد اللى عرفه
عن طلاقها ...........
وانه مش هاجيب سيرة اى حاجة وان ديه تبقى بداية كلام يرجع ما بينهم تانى
وفعلااا اخيرا كابو قدر ينام
واول ما صحى من النوم اخد موبايله
وبيكتب رقم موبايل اميره
واللى مش مصدق انه ممكن يسمع صوتها
ومع كل رقم بيكتبه بتزيد دقات قلبه
لحد ما سمع صوت جرس
..
مش قادر يستحمل
بيعد كل جرس بيرن
بيتنفس وكانه اخر نفس ليه فى الدنيا
مش مصدق انه علم
لالالالالا
اكيد ده حلم
بس مش ها يطول
لانه
فجأأأأأأأأأأأأأأأأة
صوت بيقوله الو بس اكيد مش صوتها
لانه صوت بنوتة صغيرة
بيعرف كابو ان دى اكيد بنتها
( .... فرح .... )

فرح.. الووو

كابو.. الووو

فرح.. ايوة مين معايا

كابو.. انتى فرح ..صح

فرح.. اه انا فرح مين حضرتك

كابو.. عاملة ايه يا فرح

فرح.. الحمد لله يا عمو مين حضرتك

كابو.. انا كابو ..هههههه
( بيضحكلها بكل هدوء ومن جواه الف دمعة والف اااه
على سنين عمره اللى ضاعت )
وعلى كلمة عمو اللى المفروض تكون بابا


كابو.. (( فى باله ))
( مش كان زمانها دى بنتى انا ...)

فرح.. الوووووووووو

كابو.. ايوة معاكى ... ماما موجودة

فرح.. اه موجودة ... اقولها مين ..!!

(فى اللحظة دى اتردد كابو انه يقولها اسمه وعاتب نفسه على الاتصال )

(طب اعمل ايه اقولها اسمى ولا لا )
وفجأأأأأأأأأأأأأأأأه
بيسمع صوت اميره جى من بعيد

اميره.. مين يا فرح

فرح.. مش عارفة يا ماما

اميره.. طب هاتى الموبايل وخوشى ذاكرى

اميره.. الووو .. مين معايا

(( يا خراااابى ))
مش قادر كابو انه ينطق بكلمة واحدة
ولولا انه قاعد كان زمانه وقع من طوله بس ربنا ستر انه قاعد

اميره.. اللوووووووووو

كابو.. الو

اميره.. بتقولها وبكل تردد
مين معايا ...!!!!

كابو.. واحد

اميره.. ( ومن جواها عارفة الصوت بس مش مصدقة ... نفسها ) تقل بنات ...
مين حضرتك ..!!!
كابو.. قولت واحد تعرفيه ومش تعرفيه
اميرة الورد..(جواهااا طايرة من الفرحة وخايفة الا ما يطلعش اللى فى بالها )

اميره.. حضرتك ها تقول مين ولا اقفل ..

كابو.. تقفلى ...اذاى تقفلى
طيب ده انا استنيت 13 سنة عشان اعيش اللحظة دى
13 سنة عديتهم من عمرى بالشهر واليوم والساعة

اميره.. ...مييييييييين ...!!!!!
( بتقولها وكابو بدء يسمع صوت دقات قلبها )

كابو.. واحد حبك وكتب عليه الزمن يتعذب فى حبك ..
واحد حبك ولا همه الايام اللى بعدت ما بينكووو
وكان عايش على ذكرى جميلة ..
بيحلم وكان كل حلمه انه يرجع يوم واحد معاكى تانى وان شاء الله يموت بعدها ما يهمهوش عمره
اللى ما يتحسبش طالما بعيد عنها

اميره.. سكوووووت

كابو.. انا اتصلت وماكنش فى بالى اى كلمة من اللى قولتها
وما كنتش اتمنى انى اقول الكلام ده .. بس مش عارف انا قولته ليه
يمكن عشان ده الحلم اللى حلمت كل يوم بيه .. وكنت كل يوم افوق من حلمى على عذاب يوم جديد ..
ها تصدقينى لو قولتلك
انى شايفك قدامى ... بتبتسمى ليا بوش ملاك
وما يهمنيش ردك على كلامى قد ما يهمنى انى سمعت صوتك
صوتك اللى نسانى عمرى اللى ضاع وانا مسجون فى حبك

اميره.. سكووووت

( ولولا انه سامع دقات قلبها اللى صوتها مش اقل من دقات قلبه كان قال انها قفلت )

كابو.. عارف ان كلامى غريب عليكى ..بس مهما كان غريب اتمنى انى اسمع منك اى حاجة

اميره.. استغرب كلامك اذاى وانت قولت كل كلمة خبيتها جوايا سنين وخوفت الا تبان فى عنيا
بس ...الغريب انك تقوله دلوقتى


( بدء كابو قلبه يطمن ويستريح بعد ما سمع منها الكلام ده )

انا عرفت انك اطلقتى يا اميره

اميره.. وانت ...اتجوزت

كابو.. ذى ما قولتلك من 13 سنة لو تفتكريها ...
ما اقدرش اظلم واحدة واتجوزها وانا عارف انها مش ها تكون سعيدة معايا لان قلبى ملك واحدة تانية

اميره.. بس احمد قاااالى ....

كابو.. عارف هو قالك ايه بس انا ما اتجوزتش ولا عمرى كنت ها اتجوز غيرك

اميره.. اللى انت بتقوله ده صعب انه يتحقق وانا وانت عارفين ده كويس ..اوى
احنا حاولنا .. قبل كدا وكانت ايه النتيجة ..؟؟!!

كابو.. بس دلوقتى غير الاول ..

اميره.. لو بايدى اكون جمبك طول العمر

كابو.. مش كفاية اللى ضاع .. ها نستنى ايه تانى ..!!
ما تخلنيش اندم على عمرى اللى ضاع وانا مستنى اللحظة دى

اميره.. انا اسفة يا كابو
بس والله مش بايدى ... سامحنى

كابو.. اساامحك ..... ههههه
سلام يا اميره
وقفل كابو المكالمة ..وف عينه الف دمعة ودمعة
وما استناش يسمع منها اى كلمة تانى تجرحه اكتر ..
.....
ايه اللى ها يحصل ... ها نشوف ..

فى الحلقة السابعة

بس ياترى كابو ها يتصل تانى ...؟؟
ولا ها ينسى ويكمل عمره اللى باقى من غير حب ..؟؟!!
واميره ها تسكت على كدا ولا ها تعمل ايه ..؟؟!!
كل ده ها نعرفه فى الحلقة السابعة





سفـــ الاحترام ـــير
سفير الاحترام
ايون انا عايز تشجيع عشان اعرف اشتغل
وعشان قهوة جيدا ومهلبية اميره هنزل الحلقه السابعه حالا لانها كلها مفاجأت وضحك وحوادث

مع انى من زماااااان اوى اوى اوى اول مره اشوف طبق مهلبيه حتى انى نسيت الطعم والشكل هههههههههههههههههههه
أميرة الورد
هههههههههههههههههههههههههههههههههههههههه

اي خدعة بقى اهو فكرتك
ههههههههههههههههههههههههههههههههههه
jaida
ههههههههههههههههههههههههههههههههه
جامده نار بجد
حلوه اوي اوي
jaida
فين بقي
علشان اعملك كمان فنجان قهوه علي مزاج
هههههههههههه
أميرة الورد
الحلقة جميلة كالعادة

بس نزل الحلقة السابعة
علشان لما ارجع تانى اشوفها بقى على روااااااقة


يلا سي يووووووووووو

وبال ف هنا وشفا المهلبية
هههههههههههههههههههههههههههههههههههه
سفير الاحترام
ومن غير مقدمات نخوش على

الحلقة السابعة



كنا شوفنا صدمة كابو فى حبيبة قلبه
اللى بعد العمر ده كله جايه تقوله

اســـــــــــــــفه

اسفة على ايه ولا ايه ولا ايه .!!!

سؤال كابو مش لقيله اجابة
قعد بعد المكالمة حزين
مش عارف يعاتب نفسه ولا يواسيها
حزين مش على عمره ولا شبابه ولا حبيبته اللى حطمت حلمه
لالالالالا
حزين على الفرحة اللى اتمناها وحلم بيها وشافها وهى بتتحقق وف ثانية اتحرم منها تانى

وفجأأأأأه

رقم اميره بيظهر على الشاشة بس المرة دى هى اللى بتتصل
فكر كابو انه ما يردش
بس يعمل ايه بقى فى قلبه
........
اميره.. عارفة انك مضايق من اللى قولته
بس انا قلبى ما طاوعنيش انك تزعل منى بعد كل اللى عملته عشانى واللى عاوزة اكدهولك
انى لا حبيت ولا بحب ولا هحب
انسان ذى ما حبيتك يا كابو
واللى كان مصبرنى على عمرى اللى ضاع مع انسان غيرك
انى كنت مستنية اللحظة دى

كابو.. اميره انتى جاية دلوقتى تعذبينى بكلامك
مش كفاية العذاب اللى شوفته وانا عارف انك مع واحد تانى
واحد حقه عليكى انك تبقى ليه ولا تفكرى غير فيه .....

اميره.. بس .. مش عاوزاك تكمل .. تصدقنى لو قولتلك
انى كنت معاه كزوجة بس
وربنا اللى عالم عقلى وبالى وقلبى كان مع مين

كابو.. خلاص يبقى من حقك انك تبقى ليا

اميره.. مين قال انه بايدينا ...!!!!!!

كابو.. طب لامتى ها نبقى سلبين ... لحد ما نلاقى عمرنا بيتسرب من ايدينا يوم ورا يوم ...

اميره.. لو مكتوبلنا نبقى لبعض ها نبقى لبعض يا كابو

كابو.. بس انا مش ها اقدر ابعد عنك تانى

اميره.. ما تحسسنيش بالذنب يا كابو ... كفاية اللى عيشته طول السنين اللى فاتت

كابو.. ماشى يا اميره ها نصبر بس لامتى ..!!

اميره.. لحد ما ربنا ما يريد ...

كابو.. بس ربنا ما يرضاش بالظلم

اميره.. احنا اتظلمنا كتير واكيد فرج ربنا قرب
انا حاااااسة

كابو.. اوكى هـ صبر يا اميره
بس ممكن نكلم بعض لحد ما ربنا يحققلنا اللى بنحلم بيه

اميره طبعاااا ..ده غصب عنك

كابو.. ههههههه ماشى

.........

وانتهت المكالمة بعد ما رجعت اميره الفرحة لقلب كابو من تانى

.............

اتصل كابو.. بـ احمد عشان يحكيله ع اللى حصل

احمد كمان كان عنده مفأجاه ليه ....
وهى ان صاحب عمرهم خلاص راجع كمان يومين
وكأن الفرحة بتهل مرة واحدة

وعدوا اليومين وجيه الميعاد اللى ها يتجمعوااا فيه الصحاب ولاول مرة بعد فتره طويله

حود كابو ع احمد عشان ياخده بعربيته ويروحوااا المطار فى استقبال محمد (سفيرالاحترام)
....

وفجأأأأأأة

لمح كابو القمر

لا ياجماعه بالكم مايرحش لبعيد لان
مش القمر اللى بيسهر معاه كل يوم يشكيله همومه
لا لا لا
قمره هو لوحده


اللى لما بيشوفها بيتسمر فى الارض

وهى كمان مش قادرة تتحرك

الدنيا بتلف بيهم مش شايفين غير بعض

يااااااااا

كابو.. شوفتى الصدف الحلوة

اميره.. ههههههه ازيك يا استاذ كابو

كابو.. استاااااذ ...ههههههههه

اميره.. بتشاور على بنوتة صغيرة وهى بتضحك
دى بنتى فرح

كابو.. اااااااه ...ازيك يا فرح عاملة ايه ..!!

فرح.. الحمد لله
بتقولها وهى بتغمز ايد مامتها وبتقولها مين ده ..!!
وبيدخل احمد فى اللحظة دى

احمد.. ازيك يا مدام اميره......؟؟!!

اميره.. الحمد لله .... ازى حضرتك عامل ايه ...!!

بيبص احمد لـ كابو بيلاقي فرحة عمره ما شفها مرسومة على وشه قبل اللحظة دى

كابو.. ههههه .... ازيك يا احمد... انت وراك مشوار ولا ايه ؟!

احمد.. ايوة يا عم ... انت نسيت صحبك اللى راجع من السفر ولا ايه ..؟؟!!

كابو.. طب ايه ما تاخد تدور العربية

احمد.. ادور العربية ......!!!! وماله يا عم

ال ادور العربية ال ... عليا اناااااااااا الكلام ده

اميره.. ههههههههه...طب استاذن انا عشان تشوفواا مشواركووو

كابو.. تستاذنى ايه بس ... ده احمد بيهزر
ده انا ما صدقت

اميره.. البنت يا كابو خد بالك

كابو.. ااااااااااه اسف ... بس معلش بقى بصراحة مش مصدق نفسى

اميره.. بصراحة ولا انا

(( طبعااا فرح كانت مش واخدة بالها خالص ومركزة بس مع احمد اللى شغال مزاولة فى خلق ربنا ومعاكسه فى البنات ))

كابو.. تعرفى انى كنت حاسس انى ها اشوفك

اميره.. طب بس بقى عشان انا كدا ها ادهول على الاخر

كابو.. هههههههه اه ماهو باين على وشك اهووووو

احمد.. يا كابتن ... عندنا مطار هااا ما تنساش

( احمد ده رخم اوى )

كابو ... اميره
هههههههههههههههه

ههههههههههههههههههههه

كابو.. مش بيستر فى اى مكان دايما فضحنى الله يفضحه

اميره.. هههههههههه ..لا بجد ربنا ما يحرمكوو من بعض

كابو.. ولا يحرمنى منك تانى يا اميره

احمد.. ممكن بقى اقطع اللحظة الرومانتيكية دى واخد الواد ده منك عشان ها نتاخر

كابو.. ربنا يخدك يا شيخ ويريحنى منك

اميره.. هههههههههههههههههه.
طب انا بقى ها امشى عشان برده انا اتاخرت

وبتدير اميره وبتنادى على فرح بنتها

وفجأأأأأأأأأأأأأأأأأأأأأأه


عربية بوووووووووووووم

و

و

و

و

و

و

نكمل الحلقة الجاية

ههههههههههه

ونشوف العربية دى بوووم ف مين ....!!!!

.....

يا ترى فى مين .....؟!!!!!!

ها نعرف فى الحلقه الجايه





سفـــ الاحترام ـــير


jaida
يا عيني في فرح ولا ايه
هههههههههههههههههههه
ايه الدماغ الجامده دي
لا تستاهل اجدع تشجيع بجد
و حلال عليك فنجان القهوه
متتنزل الحلقه النهارده كمان
ههههههههههههههه
شوقتني
jaida
بس احمد ده
ههههههههههههه
في ملكوت لواحده
مظبط حاله دايما
سفير الاحترام
يا عيني في فرح ولا ايه
هههههههههههههههههههه
ايه الدماغ الجامده دي
لا تستاهل اجدع تشجيع بجد
و حلال عليك فنجان القهوه
متتنزل الحلقه النهارده كمان
ههههههههههههههه
شوقتني


نعم !!!!..
قهوة ايه دلوقتى انا بعمل كده عشان اشوقكم اكتر
وبعد كده هطلب افطر واتغدى واتعشى كل يوم على حسابكم
بالاضافه للعصائر والحلويات والفواكه والنسكافيه الخاص بتاعى
هههههههههههههههه

بس احمد ده
ههههههههههههه
في ملكوت لواحده
مظبط حاله دايما

احمد ده دمااااااااار
انتى لو شوفتيه فى الجزء الاول كان مقطع السمكه وديلها
وكان اخر روشنه
بس دلوقتى هو عقل شويه عشان اتجوز وخلف بيبرس او سيف
jaida
اااااااااااااااااااااااه
يا سيدي ليك اللي انت عايزه
لانها بجد تحفه اوي و الله
و بعدين مكنتش اعرف ان في جزء اول
ده انا ضايعه
هههههههههههه
سفير الاحترام
الجزء الاول اهو
ادخلى قولى رأيك فيه
http://100fm6.com/vb/showthread.php?t=226344



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
اجمل قصة حب رومانسيه .... حلقات متجدده وحصرية ....( الجزء الأول )
الجزء الثاني انا وحبيبتي والجنيه ( حلقات متجدده )
قصتي انا وحبيبتي والجنيه ( حلقات متجدده )
رسائل حب رومانسيه الجزء الثاني


Powered by vBulletin Version 3.8.8
Copyright ©2000 - 2018, Jelsoft Enterprises Ltd
جميع الحقوق محفوظة © nmisr.com نجوم مصرية