نجوم مصرية
منتديات نجوم مصرية منتدى المواهب منتدى موهوبين الادب والشعر منتدى القصص والروايات



اجمل قصة حب رومانسيه .... حلقات متجدده وحصرية ...( الجزء التانى )

 

السلام عليكم ورحمة الله وبركاته

بعد انتهاء الجزء الاول باثارتة
رجعت تانى ومعايا مفاجأت جديدة


لكل حياة قصة والقصة لها نهاية
والنهاية اما تكون حزينه او تكون سعيدة

ومع الحب لا نقدر ان نتخيل النهاية
النهاية ف الجزء الاول كانت حزينة
فما سر النهاية ف الجزء التانى !!!!





الجزء التانى من اجمل قصة حب عرفها التاريخ

مصطفى كابو ..... اميرة الورد


يقولووون
ان لولا الحب ما كان الانسان تزوق طعم الحياه واحس بسعادة الدنيا ...
...
الحب مش مجرد كلمة بنقولها للانسان اللى بنحبه ... والسلام
دى مشاعر واحساس بكل دقة قلب جوانا فى اشد الحاجة انها تسمع كلمة بحبك
من الانسان اللى اختاره قلبنا قبل عقلنا ..
وعشان كدا المفروض اننا لما نقولها نبقى على اتم الاستعداد اننا نضحى باى حاجة فى سبيل الحفاظ على حبنا ..
حتى لو كان فراقنا هو التمن ...

من هنا ها نبتدى الجزء التانى
وان شاء الله يعجبكم

الحلقه الاولى
بتبتدى حكايتنا بعد مرور 13 سنة
من العمر بدون اى حب
كل ما فيها عذاب لقلبين كان ذنبهم اخلاصهم لحبهم
قلبين عاشو على ذكرى جميلة.. وايام مش ها ترجع

قلبين اتحدوا النسيان رغم مرور الايام
قلبين اتمنوا ان الايام ترجع لو دقيقة ووتنتهى حياتهم بعدها
قلبين ذى ما عرفوا معنى الحب ... عرفوا طعم الفراق

قلب كابو وقلب اميره
..........

سفير... يا كابو اسمع كلامى والله يا جدع ها تندم لو ما جتش ديه بتبقى سهرة جميلة ...
على الاقل ترحم نفسك شوية من جو الشغل اللى انت عايش فيه ده ليل مع نهار

كابو.. يا سفير انا مش ناقص وجع دماغ وعاوز ارتاح شوية

سفير.. طب تعالى المرة ديه بس وصدقنى مش ها تندم ..... وبعدين ده فيه حتة مفاجاه هناك جامده

كابو.. مفاجاه ايه ..!!

سفير.. بيقولوا فيه شيخ عراف هناك بيقرى الطالع والكف وعنده خبرة فى النجوم والابراج

كابو.. ههههههههههههههه
انت بتصدق فى الكلام ده يخرب بيت عقلك هههههههه

سفير.. يا عم فاهم اللى انت عاوز تقوله بس تعالى وبعدين لو ما عجبكش الجو هناك ابقى امشى يا سيدى ماحدش ها يمسك فيك

وعشان راحة البال وبدل وجع الدماغ قرر كابو انه يروح مع سفير الحفله............................
وهناك كان الجو عادى جدااااااا ...
موسيقى وغنا ورقص

وكان الكل فى انتظار الشيخ العراف
حتى كابو اللى ما بيصدقش فى الكلام ده هو كمان كان مستنيه

وفجاه دخل شيخ كبير فى السن
واضح عليه الهيبة والاحترام والذكاء والعلم
وكمان باين فى عيونه خبرة الايام والزمن

وصل الشيخ العراف واول ما وصل شاورله سفير من بعيد
وبدء سفير يوشوش الشيخ العراف ويشاورله على كابو

قرب الشيخ من كابو وهو بيقوله

الشيخ العراف:- تحب اقرالك الكف والطالع اقول لك على المستخبى واللى شاغل بالك يا ولدى

كابو.. المستخبى .. وانت بقى ايه بتعرف الغيب

الشيخ العراف :- يا ولدى ما يعرف الغيب الا الله اللى خلقنى وخلقك

كابو..امال ايه بقى ..!!

الشيخ العراف :- يا ولدى انا ها اقولك على اللى شاغل بالك واللى يريح حالك
واطمن قلبك اللى سار حزين من ها اليوم اللى
فارقت فيه محبوبتك

استغرب كابو وبص لـ سفير وهو مستغرب

سفير.. يا عم انت بتبصلى ليه ..!! ما انا جمبك اهو ما قولتش حاجة

الشيخ العراف :- يا ولدى انت ما هتخسر شى وانا ما باخد منك شى وكلامى ها يفيدك ما ها يضرك فى شى

كابو.. طب اعمل ايه يعنى ...!!!

الشيخ العراف :- اعطينى كفك يا ولدى

مسك الشيخ العراف ايد كابو وهو بيقول كلام مش واضح............... من صوت الموسيقى العالية





وبيقلب ويعدل فيها وكابو عين معاه وعين على صحبه
اللى باين عليه انه ورطه

وفجاه ساب الشيخ ايد كابو طلع شوية حجر وصدف ورماهم على الرمل
وبص لكابو واداله 3صدفات وقاله

الشيخ العراف :- قول للصدف على اللى واجع قلبك و شاغل بالك واللى تتمناه يا ولدى
مسك كابو الصدف وهو كله فضول يعرف ايه نهاية ال هو فيه ده .. وشوش الصدف ورماهم على الرمل

الشيخ العراف :- بوص يا ولدى ....

وهنا تنتهى الحلقة الاولى من الجزء التانى

يا ريت اعرف رايكم ..

فى الحلقة الاولى

واستنووووووووووووووووونا
فى الحلقة التانية





سفـــ الاحترام ــــير











المقال "اجمل قصة حب رومانسيه .... حلقات متجدده وحصرية ...( الجزء التانى )" نشر بواسطة: بتاريخ:
أميرة الورد
يا سلالالالالالالالالالالالالالالالالالالالالام

كل كمل يا باااااااشا

تسلم الايادى باينه جزء جاااااامد
jaida
ايه الحلاوه دي

مش تعرفونا يا جماعه
ايه الجو الروعه و التوبيك التحفه ده
تسلم ايدك يا محمد
و في انتظار باقي الحلقات
moustafa capo
اه كماااااان دجاااااااااااالين ؟؟؟؟؟؟؟

كمـــــل يا محمد وتسلم الايادي
بنوته لاسعه
من اوله كدا دجالين
كمل كمل
تسلم الايادى
سفير الاحترام
يا سلالالالالالالالالالالالالالالالالالالالالام

كل كمل يا باااااااشا

تسلم الايادى باينه جزء جاااااامد


نورتى يا اميره
وبعدين انتى المفروض انك عارفه النهايه من غير ما اكمل شئ
لانك البطله

نورتـــــى
سفير الاحترام
ايه الحلاوه دي

مش تعرفونا يا جماعه
ايه الجو الروعه و التوبيك التحفه ده
تسلم ايدك يا محمد
و في انتظار باقي الحلقات

الاحلى هو مرورك يا ميرو
وياريتك كنتى حضرتى الجزء الاول معنا
كان كله مفاجأت واثاره

نورتـــــــى
سفير الاحترام
اه كماااااان دجاااااااااااالين ؟؟؟؟؟؟؟



كمـــــل يا محمد وتسلم الايادي


كابو حبيب قلبى
منورنى ياباشاااااااااااا
سفير الاحترام
من اوله كدا دجالين
كمل كمل
تسلم الايادى

ياصباح اللاسعان
هههههههههههههه

نورتـــــــــــــــى
سفير الاحترام
الحلقه التانيه..

كنا وصلنا للشيخ العراف وان اظاهر ان سفير ورط كابو فى حاجة كبيرة اوى ها تكون بداية لحكاية اكبر....
ونكمل مع بعض ...

الشيخ العراف:- انت قلبك ماهو فيك
عقلك وبالك مشغولين باللى ليك
هادى البنية اللى ساكنة روح فيك
وانت ماهو معمولك عمل ذى ما صديقك بيقول
انت مافى شى فيك غير الهوى
حبيبتك هى دواك
ودواك تكونوا سوا
ومافى واحدة تقدر تملى قلبك غير هادى البنية
اللى قلبها متعلق بيك
عقلها مشغول فيك
بس ماهو بيدها ولا ذنبها
هى كمان حكم عليها الهوى
بالبعد عنك
وتعيش مع واحد قلبها ماهو رايده
وفرحك ادينى شايفه
وال جال عليه كفك .. ان خط قلبك قرب من خط عمرك
وف نقطة قريب هيتلاقوا... و...
واثناء ما الشيخ العراف بيقول الكلام ده لكابو
كابو سرح ورجع بنفسه 13 سنة لورا
13 سنة ما عرفش فيهم قلبه طعم الحب
13 سنة كتير حبوه .. بس قلبه ما حبش غير واحدة بس هى اللى قدرت تسكن قلبه طول المدة دى رغم انها بعيدة عنه
13 سنة ما نساش حبيبته اميره واللى بتزوره كل يوم فى منامه
بيكلمها وتكلمه ذى ما كان بيكلمها
13 سنة دايما كانت فى مشاكل مع عيلته واصحابه وكل اللى يعرفه بانه يفضل العمر ده كله من غير ما يرتبط .....
حتى بعد ما بقى مدير فندق كبير جدااا فى الغردقه
وديه كانت الوسيلة الوحيدة ال بيهرب بيها من تفكيره فى حبيبته اللى بقالها 13 سنة ما يعرفش عنها غير شوية اخبار كل فين وفين من صحابه اللى فى شبرا
شبرا اللى ما بقاش ينزلها غير بطلوع الروح
ومناهدة طويلة من مامته وباباه
اللى بيتمنوا انهم يشوفوه اسعد واحد فى الدنيا
ومتخيلين ان السعادة فى انه يكون اسرة
وكتير دارت ما بينهم مشاكل كبيرة بخصوص الموضوع ده
لانهم ما يعرفوش ان السعادة خلاص ما بقتش تعرف لقبله طريق
قلبه اللى ما بقاش ملكه
وحكم عليه الزمن انه يعيش بقية عمره سجين الماضى والذكرى ....
مش بيفوق من تفكيره غير على ايد صحبه سفير واللى كان شغال معاه فى فى الغردقه

سفير.. ايه يا ريس انت روحت فين

الشيخ العراف:- ايش يا ولدى سرحت فى ماضيك
فى حبيبة قلبك

كابو.. يا عم الشيخ قولى اعمل ايه وانا مش بايدى انساها ولا بايدى احب بعديها ... اعمل ايه ؟؟ّّ!!

الشيخ العراف:- خلاص يا ولدى قلبك ها ترجلعه الفرحة من تانى قريب
وقريب ها ترجعلك فرحتك وها يرجعلك عمرك ال فات...
ولسة ما كملش الشيخ العراف كلامه وبيقاطعه كابو وهو كله لهفة وشوق

كابو.. نعم انت بتقول ترجعلى الفرحة ..بس انا خلاص فرحتى وسعادتى ما بقتش ملكى يا عم الشيخ

الشيخ العراف :- عارف يا ولدى ان قلبك مات ووردتك دبلت من زمن
بس الطالع بيقول ان سعادتك جية جية ..
حبيبة قلبك ها ترجعلك بس
ما تفرح يا ولدى
انت انكتب عليك الهوى طول العمر
وهواك مكتوب عليه الحزن

كابو.. حزن ... انت مش بتقول ها ترجع

الشيخ العراف :- ها تعرف فى وقتها ان الحب مش اننا نبقى مع ال حبيناها
وان عذاب الفراق اكبر بكتير من عذاب اللقى

كابو..مش قادر افهمك يا عم الشيخ

الشيخ العراف :- ما تسبقش الامور يا ولدى بس احب اقولك كلمة اخيرة
ما تفرحش بالورد.. ده لكل وردة شوكها ذى ماليها ريحتها الطيبة
وقام الشيخ العراف بعد ما ساب كابو فى حيرة واستغراب من الكلام اللى لسة سامعه ...
فضل كابو قاعد مكانه ما اتحركش وهو بيفكر فى كل كلمة قالهاله الشيخ العراف...

لحد ما فوقه سفير من اللى هو فيه وهو بيقوله
اوعك تفكر فى اى كلمة قالهالك الراجل ده

كابو.. ليه مش انت اللى جبتنى هنا وكنت عاوزنى اقابله .. وبعدين ايه موضوع العمل ده اللى الشيخ قال عليه انت قولتله ايه بالضبط

سفير.. ما قولتش حاجة ده شكله بيخرف

كابو.. انا شايفك وانت بتوشوشه انت قولتله ايه ..!!؟؟

سفير.. بوص انا كل اللى قولتهوله ان انا خايف يكون حد عملك عمل بخصوص الموضوع اللى انت بتفكر فيه ده
مش عارف انا فكرت كدا ازاى بس انا قولت اهو كلام وانت برده اوعك تصدق اى كلمة قالها ...

كابو.. طب ايه اللى عرفه بالموضوع ده

سفير.. ياعم اهو كلام بيقوله لاى حد هو الكلام بفلوس ما تركزش عشان ما تهيسش وبعدين يا جدع ده انا شايف الفرحة فى عنيك اهو من مجرد شوية كلام راجل كبر وخرف

كابو.. هههههههههه والله انت مجنون

سفير.. والله انت اللى مجنون .. ومتعلق بحبال دابت وان شاء الله ها تقع على جدور رقبتك

كابو.. ههههههههههه .. وانت ايه اللى فهمك فى الحب يا بتاع الخليجيات

سفير.. يبنى الحب انتهى وخلص من زماااان اوى
والعمر بيجرى وانت مش بتفكر فى موضوع الجواز ده خالص ممكن اعرف ها تفضل كدا لحد امتى ...
هى وخلاص اتجوزت .... فوق بقى يا قيس

كابو.. افوووووق .... ده شكلى انا اللى ها فوقك

واتحول الليل من سهرة مع شيخ كبر وخرف ذى ما سفير ما بيقول
لهزار وضحك بين الاتنين ... ونسوا موضوعهم الاصلى ...
وهرب كابو من تفكيره فى كلام العراف لهزاره مع سفير

وهنا تنتهى الحلقه التانيه
أشوفكم على خير فى الحلقه التالته...




سفـــ الاحترام ـــير
princess.moon
هههههههههههههههههههههههه

تحححححححححححححححفه ياسفير

مستنيين الحلقات التانيه

يسلمووووووووووووووووو
أميرة الورد
هههههههههههههههههههههههههههههههههههههههههههه

اكيد البطلة عارفة النهاية بس اهو بنشجع المخرج
هههههههههههههههههههههههههههههههههههههههههههههههه

مستنييين الحلقة التالتة بقى

بالله عليك خليها نهاية سعيدة

ههههههههههههههههههههههههههههههههه
حبيبه يوسف
الله الله على البدايه الروعه
ده انا كنت تايهه ومش عارفه اوصل للجزء التاني
بس الحمد لله وصلتله عشان اشوف الابداع ده
بس بسرعه بقي مستنين الحلقه التالته
شد حيلك ياسفير باشا
jaida
الله الله الله عليك
بجد حلقه جامده جدا
ولا الكلمتين الجامدين اللي قالهم العراف
ايه متقمس ماهر انت
بس بجد تحفه اوي
تسلم دماغك و الله
و مستنيين الفرحه القريبه
ههههههه
سفير الاحترام
هههههههههههههههههههههههه

تحححححححححححححححفه ياسفير

مستنيين الحلقات التانيه

يسلمووووووووووووووووو


منوره يا مون مون
شكرااا لمرورك
سفير الاحترام
هههههههههههههههههههههههههههههههههههههههههههه


اكيد البطلة عارفة النهاية بس اهو بنشجع المخرج
هههههههههههههههههههههههههههههههههههههههههههههههه

مستنييين الحلقة التالتة بقى

بالله عليك خليها نهاية سعيدة


ههههههههههههههههههههههههههههههههه


اتقل براحتك
وبعدين انتى عارفه النهايه
وانتى الوحيده اللى تقدرى تخلى النهايه حلو
هههههههههههههههههههههههههههههههههههه
سفير الاحترام
الله الله على البدايه الروعه
ده انا كنت تايهه ومش عارفه اوصل للجزء التاني
بس الحمد لله وصلتله عشان اشوف الابداع ده
بس بسرعه بقي مستنين الحلقه التالته
شد حيلك ياسفير باشا


اذى تايهه
اومال احنا بنعمل ايه هنا
:d:d
وبجد منوره يا حبيبه
وشكرا لمرورك الجميل
سفير الاحترام
الله الله الله عليك
بجد حلقه جامده جدا
ولا الكلمتين الجامدين اللي قالهم العراف
ايه متقمس ماهر انت
بس بجد تحفه اوي
تسلم دماغك و الله
و مستنيين الفرحه القريبه
ههههههه

لازم كل واحد يلعب دوره بالشكل المطلوب
سواء العراف او البطل والبطله
والا ؟؟؟؟
ممكن اغير اميره وكابو بسرعه
هههههههههههههههههههههههههههههههه
منوره ياجيداء
سفير الاحترام
تنويه هام جدا للساده المشاهدين

فى الحلقات السابقه اميرة الورد انجب طفله ذى القمر (طالعه لمامتها )
وكان اسمها حبيبه
ولكن قررت اميره وكابو يغيروا اسم الطفله من حبيبه الى فرح
والا مش هيكلموا القصه
وطبعا كلنا عارفين باقى النجوم بياخدوا بالملايين
ههههههههههههههههههههههههه
وانا هوافق وامرى لله
أميرة الورد
تنويه هام جدا للساده المشاهده

فى الحلقات السابقه اميرة الورد انجب طفله ذى القمر (طالعه لمامتها )
وكان اسمها حبيبه
ولكن قررت اميره وكابو يغيروا اسم الطفله من حبيبه الى فرح
والا مش هيكلموا القصه
وطبعا كلنا عارفين باقى النجوم بياخدوا بالملايين
ههههههههههههههههههههههههه
وانا هوافق وامرى لله

يخربيت ام الفضااااااااااايح

ايه يابنى لازم تشهر يعنى وتعمل دعايا على حساب النجوم ايه دة
هههههههههههههههههههههههههههههههههههههههه
هههههههههههههههههههههههههههههههههههههههههههههههههه ههههههه

سفير الاحترام
الحلقة الثالثة

النهاردة ها نكمل مع بعض قصتنا

كنا وصلنا عند كلام الشيخ العراف وازاى كابو بدء انه يتعلق بكلامه ويتعلق بيه يوم عن يوم وزادت ثقته فى كلام العراف وخصوصا..

لما حلم كابو بحلم غريب جداااااااا

....

حلم كابو بـ اميره..

بس ده العادى انه يحلم بيها وتجيله فى منامه بس الغريب

انه يحلم بـ اميره مداله ايديها وهى بتغرق وبتستنجد بيه ..

وكابو بيمسك ايديها ومش قادر ينقذها
وكأن فيه حد بيشدها من تحت وبتبصله فى عنيه جامد اوى

و بتقوله اللحقنى يا كابو....


صحى كابو من حلمه اللى اعتبره كابوس مش عادى

وبسرعة لبس هدومه وجرى على الشيخ العراف واللى بقى كابو بيشوف مستقبله فى كلامه

راح يحكيله حلمه الغريب

وكان يتمنى انه يلاقى عنده تفسير لحلمه ....

بس كالعادة ما طلعش منه بحاجة

كلامه كله عن حبيبته اللى ها يلاقيها

واللى ها ترجع الفرحة والبسمة تانى لحياته

ما بقاش عارف يعمل ايه ...

ياترى يلف ويدور على حبيبته اللى اظاهر انها مش موجودة غير فى احلامه وبس

ولا يستنى ذى ماهو

يتفرج على عمره وهو بيتسرب من بين ايديه سنة ورا سنة ..

واثناء ماهو بيفكر فى كلام الشيخ العراف

لقى مين بيتصل .....!!!!!

احمــــــــــــد سكربيون
..............
فاكرينه
طبعا
((
اكيد شخصيه جميله ذى احمد محدش يقدر ينساها بسرعه ))


احمد.. على فكره انت معفن .. وخسارة فيك تمن المكالمة

بس اعمل ايه وحشتنى

كابو.. ههههههه حبيبى والله واحشنى موت يا احمد

احمد.. ما تشوفش وحش يا خويا ...

احمد.. ههههههههه واحشنى هزارك وضحكك ووحشنى سفير
ووحشتنى اسكندرية والله يا احمد انا حنيت لكل حاجة كنا بنعملها واحنا سوا

احمد.. طب ما تيجى يا عم عاوز اشوفك قبل ما اموت

كح كح كح

كابو.. هههههههه قريب والله بس الشغل ما انت عارف بقى

احمد.. يا عم ادينا شوية من وقتك ولا انت عشان خلاص بقيت مهم

وماسك مراجيع مولد النبى

كابو.. هههههههههههههههه

لا ابدا والله قولى بس ايه اخبار مراتك والعيال

(ما تنسوش دول 13 سنة واحمد اتجوز فى الفتره دى)

احمد.. ليه بتفكرنى يا عم بس دلوقتى ربنا يسمحك

كابو.. ههههههههههه

احمد.. اه ما انت بتضحك ... ايه اللى خلانى اتجوز بس يا ربى

المهم نسيتنى مش الواد سفير اتصل بيا وقالى انه راجع خلاص

(ملحوظة .. سفير كان مسافر الخليج من بعد ما اخر مره اتقابل مع كابو والعراف)

كابو.. بجد (بيقولها وهو طاير من الفرحة ) بجد نازل بجد

احمد.. اه والله ما انا عملت زيك كدا برده انزل انت كمان بقى خلينا نتلم زى زمان ..
وبعدين فى موضوع كدا عاوزك فيه !!


كابو.. موضوع ايه ..!!؟؟

احمد.. لا مش ها ينفع فى التليفون لما تنزل بس ضرورى ..انا ما كنتش عاوز اقولك بس اللى ما بينا يخلينى ما اخبيش عليك حاجة ذى ديه

كابو.. فيه ايه قلقتنى .!!

...

رفض احمد انه يقول لكابو عشان يضمن انه ينزل ..

وبليل
...
كالعادة قاعد كابو وحيد فى البلكونة

وكان اليوم ده القمر بدر كامل ..

قاعد بيفكر فى كلام العراف واللى بقى شاغله ليل ونهار وبيفكر فى كلام احمد ..والموضوع المهم اللى رفض انه يتكلم عنه ومعقول يكون بخصوص( .......)ولقى نفسه بيفكر

فى

اميره

ياترى يا اميره عاملة ايه وفكرانى ولا لا ..

يااااا بقالى كتير اوى ما شوفتهاش ولا سمعت عنها اى خبر ..

ربنا يسعدك يا اميره

بقولهالك من كل قلبى

قلبى اللى اخدتيه معاك يوم ماكنتى فى الكوشة مع واحد غيرى

وادينى اهو ..

لا عارف احب بعدك ولا حتى انى احقق امنيه ماما وبابا فى انهم يشفونى عريس

......

وفى نفس الوقت اللى كان قاعد كابو مع القمر

كان فيه واحدة سرحانه هى كمان مع نفس القمر

وبتقوله نفس الكلام

..

يا ترى يا كابو انت دلوقتى مع مين وبتفكر فى مين

يا بخت اللى بتفكر فيها

ويا بخت مراتك بيك ...

( لان اللى وصلها ان كابو خلاص اتجوز وسافر )

ياترى يا كابو لو كنت ارتبط بيك كان ها يبقى ده حالى ...

وياترى انا باجى فى بالك ولا لا

بس اكيد لا وهو معقول يكون لسة فاكرنى

معقول اكون لسة باجى فى باله

طب لو عرف اللى حصل معايا يا ترى ها يكون ايه رد فعله ..!!

كل قلب لسة متعلق بقلب حبيبه اللى مش قادر ينساه رغم العمر اللى عدى وهما بعاد عن بعض

لا بيشوفوا بعض ولا حتى بيعرفوا اخبار بعض..



وهنا بتنتهى الحلقة التالتة ...

واشوفكم

فى الحلقة الرابعة





سفـــ الاحترام ــــير
أميرة الورد
طب ما يروح القمر يقول للاتنين ماهو شايف وسامع وتنزل الستارة خلاص
هههههههههههههههههههههههههههههههههههههههههههههههههه هههههه

حلقة جااامدة كالعادة والله مخرج تماااااام تستاهل جائزة نوبل للسلام
ههههههههههههههههههههههههههههههههههههههههه
princess.moon
ياااااااااااااادى الرخااااااااااامة ........... انت عاملها قصيرة كده ليييييييييييييييه؟؟؟؟؟؟؟؟

لسه هنستنى لبكره؟؟؟؟؟

ياصبر ايوووووووووووووب
spring rose
حلو جداااااااااا تسلم ايدك
سفير الاحترام
طب ما يروح القمر يقول للاتنين ماهو شايف وسامع وتنزل الستارة خلاص

هههههههههههههههههههههههههههههههههههههههههههههههههه هههههه

حلقة جااامدة كالعادة والله مخرج تماااااام تستاهل جائزة نوبل للسلام

ههههههههههههههههههههههههههههههههههههههههه




ههههههههههههههههههههه
المفروض والله القمر يلعب دوره

وانتى نجمه بكل المقاييس
ههههههههههههههههههه
سفير الاحترام
ياااااااااااااادى الرخااااااااااامة ........... انت عاملها قصيرة كده ليييييييييييييييه؟؟؟؟؟؟؟؟

لسه هنستنى لبكره؟؟؟؟؟

ياصبر ايوووووووووووووب


هو النظام كده
انتى تعرفى كابو واميره بياخدوا كام فى الحلقه الواحده
؟؟؟؟؟
عشان كده لازم يكون فى اعلانات وتكون حلقات قصيره
ذى راجل وست ستات
ههههههههههههههههههههههه
سفير الاحترام
حلو جداااااااااا تسلم ايدك


شكرا لمرورك
سفير الاحترام
الحلقة الرابعة

نبدأ بسرعه عشان ضرب النااااااار
وعشان فى مشرفين عوام هنا زعلانه ان الحلقه قصيره وممكن تبلغ الرقابه ويحذفوا بعض المشاهد من القصه ..



كابو

راكب عربيته وراجع على اسكندرية
بيسرح بخياله
فى العمر اللى عدى
(. بيشوف حبيبته .)
اللى ضاعت منه وبعدها ضاع منه عمره
وقد ايه كان انانى
فى انه يحرم كل اللى حوليه من الفرحة ...
وكانه بيعاقبهم هما على ال عمله الزمن فيه
....
(. بيشوف صحابه .)
اللى قضى معاهم اجمل ايام عمره
هو ده العمر اللى عاشه بدون حزن ودموع
هو ده العمر اللى كان مليان فرحة وسعادة

ياترى عشان كنا لسة مش حاسين بالمسئولية
بنضحك ونهزر وكاننا ضامنين بكرة
لحد ما صحينا على كابوس
الفرااااااااااااق

فراق حبيبته وفراق صحابه
فراق اهله واحبابه
كل واحد راح فى طريق ..
مستقبله
اللى هون عليه ان خلاص شايف قدامه اللمة راجعة من تانى
و سفير راجع

وحبيبتى اللى وعدنى بيها العراف خلاص ها الاقيها
بيوصل كابو البيت وهناك كانت مستنياه
مقابلة حاااارة جدااااااا
من والدته ووالده واخواته
حس كابو بدفى وحنيه العيلة اللى بقاله كتير ما حسش بيه ..!!
بتبص والدة كابو فى عين كابو بتشوف جواه حزن كبير
رغم الابتسامة المرسومة على شفايفه

والدة كابو :- يابنى ربنا بقى مش ها يهديك وتريح قلبى وتحقق امنيتى فى انى اشوفك اب ... واشيل ابنك بايدى

بيبصلها كابو وبيمسك ايديها ويبوسها ويقولها قريب يا ماما ان شاء الله
بتبصله وهى مش مصدقة من فرحتها

والدة كابو :- بجد يا كابو يعنى انت نازل عشان كدا

كابو.. ان شاء الله يا ماما .. قريب اوى بس انت ادعيلى
بتبوس راسه..... وهى بتقوله
روح ربنا يسعدك يابنى ذى ما فرحت قلبى
....
حس كابو قد ايه بقراره فى انه يهرب من الواقع
انه بكدا ما ظلمش نفسه وبس
لالالالا
ده ظلم ناس كل اللى طالبينه انهم يشوفوا سعيد فى حياته
....
ببيخوش كابو اوضته
يااااااااااا
لسة ذى ماهى بالضبط ..ما فيش ولا حاجة فيها اتغيرت
اول حاجة عينه بتقع عليها
دبدوب اميره
اللى ادتهوله يوم عيد ميلادهم
وهو ذى ماهو ع مكتبه
بيبصله وكانه شايف اللحظة قدامه
افتكر
لحظة ما لمس ايديها بكل حنية
لحظة ما بص ف عنيها وشاف جمالها
لحظة ما قالتله بحبك
فى اللحظة دى بس حس انه مالك الدنيا وما فيها

شاف سعادته اللى سجنها الزمن
فى سجن بعيد
من غير قضبان او حراس
بس مليان عذاب والم الفراق
شاف لحظة ما شاف دموعها فى عيونها
فى اليوم اللى بتتمناه اى عروسة وهى قاعدة جمب عريسها
بكل حزن بص للدبدوب وحدفه بعيد
وكلمه وكانه شخص قدامه
لو مش بايدى اعيش سعيد مع الانسانة اللى حبيتها
يبقى على الاقل اسعد اللى حوليا
ساااااااااااااااااااااااامحينى
سا محينى يا حبيبة عمرى وسبب عذابى فى الدنيا
.....
وبيتصل احمد وبينزل يقابله
وهناااااااك كانت المفاجاه

احمد.. يعنى انت خلاص نويت يبنى تتجوز ولا ناوى تكسفنا

كابو.. لا خلاص ان شاء الله بس انت عندك ليا عروسة ولا ادور انا
( بيقولها كابو... وهو زعلان )

احمد.. طب والنبى افردها شوية بزمتك ده منظر حد ها يجوز

كابو.. مالكش دعوة ... عندك ولا لا

احمد.. عندى فرسه عربى اصيل انما ايه ... ساكاموزا

كابو.. ههههههههه هو انت بتجوز حصان ...!!!!
وبعدين ازاى افكر فيها وانت عينك خرمتها كدااااااا
يعنى يا عم الغبى لازم يكون عندك زوق وانت بتتكلم على واحدة ممكن اتجوزها

احمد.. تصدق عندك حق ..

كابو.. وبعدين انت مش اتجوزت واتلميت وربنا رزقك بابنك ( سيف )
احمد.. قصدك بيبرس ههههههههههه

كابو.. ههههههههههه بيبرس ...!!!!! ميييين ؟؟!!!

احمد.. هو سيف بس اصله مغلبنى
كل يوم يبعتولى عامل مشاكل فى الحضانة
بيعاكس الميس بتاعته
هههههههههههههههههههههههههههههه

كابو.. اومال طالع لابوووه
هههههههههه
والله انت اللى ها تبوظ الواد ده

احمد.. خليه يدردح من صغره عشان ما يتعبنيش ذيك كدا لما يكبر

كابو.. الا صح ايه الموضوع اللى كنت عاوزنى فيه

احمد.. موضوع ...!!!!؟؟؟

كابو.. اااااااه موضوع .. انت نسيت ولا ايه ؟؟

احمد.. لالالالا
بسسسسس .. خلاص بقى اعتبره انتهى

كابو.. مش فاهم ما تفهمنى .. واتكلم دوغرى

احمد.. اميره

كابو
( بكل دهشة )
مااااااااالها ..!! انت لسة بتشوفها
(( احمد عنده بوتيك ملابس .. واميره كانت بتروح تطمن على كابو من خلال احمد.. بحجة الهدوم ))

احمد.. اميره اطلقت
(( طاااااااااااااااااااااااااااااااااااااخ ))

كابو.. ايييييه ... اطلقت
(بيقولها كابو بكل استغراب وحزن وفرحة فى نفس الوقت )

احمد.. ااااااااه اطلقت من حوالى شهر

كابو.. سرحاااااااااااااااااااااااااااااااااااااااان

احمد.. بصراحة انا ماكنتش عاوز اقولك وخصوصا بعد ما عرفت انك خلاص نويت تكون اسرة وتحقق حلم والدتك اللى صبرت كتير اوى عليك وده حقها عليك

كابو.. سرحااااااااااااااااااااان

احمد.. انا عارف انك حبيتها ولسة بتحبها واخترت انك تشتغل بعيد عن هنا عشان تنساها ... بس واضح انك لسة ما نستهاش

كابو.. مش قادر ...

احمد.. ما تخلنيش اندم انى قولتلك

كابو.. ما انا كان لازم اعرف

احمد.. فوووق بقى يا جدع انت اصلا مش بتيجى فى بالها ولا بتفكر فيك

كابو.. وانت ايه اللى خلاك تقول كدا ...!!

احمد.. ده الاكيد

كابو.. لا انا متاكد انها بتفكر فيا

احمد.. ها تفكر فيك ازاى وانا قولتلها انك اتجوزت وسافرت

كابو.. ( صددددددددددددددددمة )
اييه ..!!

احمد.. كان لازم اعمل كدا عشان اقطع اى صلة بينك وبينها

كابو.. عشان كدا بقالها مدة ما سالتش عنى ... صح ..!!

احمد.. صح

كابو.. انت ازاى تعمل كدا ... انت .. ازاى تعمل كدا

احمد.. عشان مصلحتك

كابو.. مصلحتى ... ..... .... ....!!!!

احمد.. اه مصلحتك وانت عارف انى اكتر واحد يخاف على مصلحتك .. انت عارف كدا كويس

كابو.. انا عاوز رقم موبايلها وانت الوحيد اللى تقدر تجيبه

احمد.. وانا عمرى ما ها اعمل كدا ... مش عشان ما اقدرش ...
لالالالالالالالالالالالالالا
عشان ما تضيعش فى دوامة انت مش قدها

كابو..لا ها تجيبه ..... عارف ليه ..!!؟؟
عشان ما فيش طريقة تانية تخلينى اسامحك على اللى انت عملته غير ديه ..
وساب كابو... احمد وهو من جواه
شايف حلم بيتبنى من جديد
بس يا ترى ايه اللى ها يحصل
وياترى احمد ها يجيب الرقم ولا لا ..؟؟!!
ولا كابو ها يخسر صديق عمره عشان حبيبته
كل ده ها نعرفه فى
الحلقة الخامسة




سفــــ الاحترام ـــير
أميرة الورد
يادى النيلة كان لازم يعنى يقولها انو اتجوز
ايه الغلاسة دى من احمد

ههههههههههههههههههههههههههههههههههههههههههههههه

يلا هتنشوف الحلقة الخامسة

عجل عجل عايزين نعرف هيكلمهاتانى او لا يا عم السفير
ههههههههههههههههههههههههههههه
princess.moon
رخم رخم يعنى

اعمل فيك اييييييييييييييييييييه؟؟؟؟؟؟؟؟؟؟

كمل ياعم بقا ...... الله؟؟؟؟؟؟؟



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
اجمل قصة حب رومانسيه .... حلقات متجدده وحصرية ....( الجزء الأول )
الجزء الثاني انا وحبيبتي والجنيه ( حلقات متجدده )
قصتي انا وحبيبتي والجنيه ( حلقات متجدده )
رسائل حب رومانسيه الجزء الثاني


Powered by vBulletin Version 3.8.8
Copyright ©2000 - 2018, Jelsoft Enterprises Ltd
جميع الحقوق محفوظة © nmisr.com نجوم مصرية