نجوم مصرية
منتديات نجوم مصرية منتدى التسلية والترفيه منتدى الحب والرومانسية قلوب حائرة



تابع نجوم مصرية على أخبار جوجل




ارجوووووكم عايزة رأيكم لان هتجنن من كتر التفكير

 

بسم الله الرحمن الرحيم
هبدأ علطول علشان مطولش عليكم بس بليز عايزة رأيكم بجد
انا كنت مرتبطه بواحد زميلي في الكليه كان هو اول حب في حياتى بس هو كان قبلي ليه علاقات كتير بس بعد مارتبط بيا قالي انه ساب كل ده علشانى حتى انه بطل سجاير علشانى المهم السنه دى كانت اخرسنه ليه في الكليه انا عارفاه من لما كان في سنه تالته كنت بحبه جدا لدرجه ان حتى بعد ماسبته فضلت برده لسه فاكراه مع انى بحاول بجد انساه المشكله ان انا اللي سبته لانه كان مزاجى جدا ممكن في وقت يكون كويس جدا وفي لحظه علي اي مشكله حتى لو بسيطه يتخانق وممكن توصل لحد انه يقول كلام جارح ويمكن ده السبب الرئيسي اللي خلانى ابعد عنه انه لما بيزعل مبيعرفش يفرق من الي قدامه فبيغلط جامد ويهيين ويجرح ويشتم وممن يعمل اي حاجه احنا كنا بنتخانق تقريبا يوم ويوم كنا بنتخانق يوم علشان نمشي كويس علي اثر الخناقه دى كام يوم وهكذا لغايه لما جه وقت معدتش قادرة اسامح علي اي حاجه ولا علي اي غلط في حقي حتى لو كان الغلط ده صغير معدتش قادره اجى علي نفسي او اتنازل حتى لو التنازل ده بسيط المهم حاليا هو خلص كليه ولقيته بيكلمنى عايز يتقدملي وان انا كنت اول واخر حب في حياته وانه مش قادر يحب غيري وان عارف ان مكالمته دى ممكن انا ارفضه فيها بس مش قارد عايز يطمن عليا وكده المشكله كمان في ماما ماما زمان كان متشجعه جدا ليه بعد اللي حصل والمشاكل والفضايح اللي عملها رفضته رفض قاطع بس انا حاليا بجد مش عارفه ممكن يكون فعلا عرف قيمتى زى مابيقول ...
انا حاليا اصلا مرتببطه بأنسان تانى هادى جدا وبيحبنى بجنون وانا كمان بحبه وبحترمه جداا وهو بيحترمنى وبيخاف عليا جدا انا بزعل من نفسي ان بفكر في حد تانى وانا معاه بحس انى مجرد التفكير ده خيانه ليه وهو بجد ميستهلش منى كده لانه انسان قمه في الاحترام والاخلاق وهو كان عارف انى كنت مرتبطه قبله ومن اول ارتباطى بيه وهو قايلي مش عايز اعرف حاجه عن الموضوع ده غير اللي انتى عايزة تعرفيهولي وانا من يوم ماعرفتك هحاسبك عليه بس وفعلا مابيجبش سيرة الموضوع ده علشان مايحاولش يجرحنى بكلمه بالذات ان الشخص ده كان معانا في الكليه وكده
تابع نجوم مصرية على أخبار جوجل


الانسان اللي انا مرتبطه بيه حاليا عايز يتقدملي نعمل قرايه فاتحه لغايه لما نخلص بس انا رافضه الموضوع ده دلوقتى وبقوله نأجل الموضوع ده لغايه السنه الجايه نكون عرفنا بعض اكتر ويكون بابا جه من السفر وتكون حجات كتير بانت
انا حاليا محتاره بجد مش عارفه انا كده ظلمت الانسان الاولانى ولا ايه مع العلم انه حاليا خلص كليه ولانسان اللي بحبه ومرتبطه بيه حاليا لسه قدمه سنتين وهو قدى في الدراسه واكبر منى ب 4 شهور بس اعمل ايه من فضلكم عايزة حل .






المقال "ارجوووووكم عايزة رأيكم لان هتجنن من كتر التفكير" نشر بواسطة: بتاريخ:
بطوطه
بصى انا هقولك على حاجه زى ما بتقولى ممكن يكون عرف قيمتك وكده يعنى

بس فى عقل بيقول ان الانسان الى ميعرفش قيمه الحاجه ويقدرها فالاول يبقى متلزموش فالاخر

بصى انتى فالاول كنتى بستحملى عشان بتحبيه وانتى نفسك قولتيها ان جيه عليكى وقت ومبقيتيش مستحمله

لان خلاص النفس لما بتلاقى ان بيتجرح فيها كتير والى بيجرح ده مش عارف قيمتها مع انها بتسامحو بس بتوصل لمرحله
ان السماح فيها مبيبقاش بينفع وطبيعى ان الانسان ده رجع وكلمك لان عرف غلطو بس عرفوا متأخر عارفه ليه لان حس انك هتضيعى منو

متفتكريش اان كلامى ده قسوه منى او ان مش حاسه بيكى بالعكس

بس هل هتقدرى ترجعى لانسان جرح فيكى كتير وفالاخر يعرف غلطو عادى كده

بصى كده هتلاقى ان ربنا عوضك بانسان جميل وكويس وبيحبك بس اهم حاجه ياريت انتى تحافظى عليه وتشيلى من دماغك الانسان ده تماما هيا صعب انا عارفه بس هتقدرى اكيد

طولت عليكى معلش بس ده رائئ وربنا يكرمك ويديك الخير
decientgirl
بصراحة انا من رايى ارفضيه لان اللى عنده طبع مستحيل هيغيره صعب جداا
وانتى بتقولى انه بيقول انه اتغير ممكن يتغير معاكى شهر اتنين او سنة بالكتيييييييييير
لكن هاترجع ريما لعادتها القديمة زى ماقولتلك كده
خليكى مع الانسان المحترم الجميل اللى بتحبيه لانه شكله بيحبك بجد واكيد ده اللى هتلاقى سعادتك معاه وخاصة انه مش بيحاول يجرحك وغير كل ده انك مرتاحة معاه وده اهم حاجة وارفضى الانسان ده وخليه هو يشوف مستقبله واكيد هيحب تانى ويتجوز ويلاقى الحياة مش بتقف عند انسان واحد لكن بتكمل وبتعدى وبنقابل ناس يخلونا ننسى اللى فات
يارب اكون افدتك واهم حاجة تعمليه صلى استخارة لربنا وشوفى ربنا هيدلك عليه مفيش غير ربنا هو العالم الغيب
شكراا
sarahqueen2006
متشكرة بجد علي ردكم حاسه بجد انكم ريحتونى لان كنت خايفه بجد ومحتاجه حد يقولي انت كده صح او غلط شكرررررررررررررررا
القلب الطيب
انتي بتقولي ان انك بتحبي الانسان التاني دلوقتي وهو بيحبك كمان وبيخاف عليكي

من غير تفكير انسي انسان الماضي اللي جرحك وهانك ولما عرف غلطته وقيمتك فكر يرجعلك

بس بعد ايه رجع متاخر جدا

من رايي انك تحافظب ع الانسان اللي حبك وحبتيه واللي مستعد مايزعلكيش ابدا

وانسي الانسان اللي قبل كده

وبالتوفيق ليكي
2otety
هديكي نصيحه
الانسان الاولاني الي كنتي بتكلميها قبل ما تتجوزوا ويكون بنكم مسئوليه وبيهينك ويجرح مشاعرك امال لو اتجوزنوا هيعمل ايه هيضربك ع اتفه الاسباب الا الانسان العصبي لو مش عارفه تمتصي غضبه يبقي ابعدي عنه لانه ممكن بسهوله يخليكي تكرهي حياتك
وبعدين دي مش خيانه بس الحب الاول اصعب حب ولكن مع الزمن بيتنسي وانا في رايي انه لازم تقولي للانسان الي عايز يخطبك ع انك عرفتي واحد قبله ع دي كده الي هتبقي خيانه لو مقلتيلوش وصدقيني كده هيثق فيكي احسن ما يصدم

ارجو تتقبلي نصيحتي
sarahqueen2006
هو عارف ان كنت مرتبطه قبل كده وقالي انا مفيش عندى مشكله ومش بيجيب سيرة الموضوع اصلا غير لما انا افتحه بس
ميرسي خالص لكا واحد ادى رأيه او حتى قرأ قصتى وكان عايز يشارك برأيه شكرررررررررررررررررا كتير
عبدالله مشمش
انا موضوعى زى الموضوع ده تمام بصى خودى رايك ولا تتراجعى تماما زى بالظبط ممكن نتكليم وده اميلى على الياهة اوكى nan_mshmsh
مريم ومازن
بصراحه انا راى انك تفضلى مع الانسان التانى
انتى ايش يعرفك انك انتى لو فضلتى مع الاولانى واتجوزتم
هايعملك ازاى ممكن يبهدلك يمد ايدوه عليكى
انتى الاحسن تخليكى مع التانى
وربنا يكرمك ان شاء الله
amany ali
بصي الانسان الاولاني ده في الوقت الحالي مالوش مكان في حياتك,انت تكملي مع الانسان اللي بيحبك وباذن الله ربنا يوفقكم ولازم تفهمي كويس ان الانسان المفروض مايجيش علي كرامته علشان حد مهما كان الشخص ده.
وجه القمر
بصى الانسان اللى يجلاح مرة ممكن تسامحيه ، مرتين ممكن برده تسامحيه
لكن القلب اللى داب من الجراح لايمكن هايقدر يسامح
وصدقينى عن تجرب لو رجعتى للاولانى هتندمى طول عمرك
الحب لاينمو مع الاهانة الحب زى الطفل الصغير محتاج رعاية وحنان وسياسة علشان يكبر ويبقى انسان ناضج
كل رمضان وانت طيبة
والسلام ختام
احزان غزل
انا مش عارفة ازاى انت بتفكرى فى انسان كان دائما يجرح فيكى
وانت الان مرتبطة بانسان بيحبك
بس انت انسان مذبذبة مش عارفة عايزة ايه
انت لو حبتى بجد الانسان الذى انت معه حاليا لا يمكن كنتى ترسلى هذه الرسالة
riri cat
لاتعليق!!!!!!!!
حاسه انى بقرا فيلم هندى
هقولك حاجه ومتزعليش
لانى مش هقول زى باقى الاعضاء مع الاعتذار لهم
انتى سيبك من الاولانى وخليكى فى التانى!!!!!!!!!1
غريبه دى بجد
بس بصراحه انتى لابتحبى ده ولاده
الجديد المحترم اللى انتى معاه مش عاجبك لانك معتقده انك بتفكرى فى الاولانى اللى كان بيهزقك واللى مبيخافش عليكى
وتأكدى يافتاه ان هذا الشخص مادام اتعود انه يشتمك ويغلط فيكى هيعمل كده بعدالجواز وهيضربك ويهينك
انسى الشخص ده نهائى
وياريت كمان الجديد لانه محترم وهتظلميه معاكى
وبعدين يعنى ايه يقولك هتقدم تقولى لا سنه وبتاع؟؟
بصى ياانسه اللى بتعمليه ده غلط
حتى لو الجديد ده محترم زى مابتقولى قوليله مش هينفع تتكلموا
ولمايبقى ييجى يخطبك تبقوا تتعرفوا
اومال هم عملوا فتره خطوبه ليه؟
فى النهايه ارجو الا يكون قد ازعجك حديثى وادعو من الله ان يهديكى
no one like me
بصي يابنتي خدي نصيحة مامتي {{ بيحبك يعني بيحترمك }}
وانا شايفه ان كدهـ صح ..
بس نصيحتي انا .. انك تصلي استخارهـ ..عشان ماتندميش
وربنا يوفقك يارب .. تحياتي
{ ساره احمد }
في البداية يسعد مساكي

انتي حكيتي كلمتين انا كتير بدي اتشكرك عليهم لأنهم جوهريات انا بحترمك كتير بس هالكلمتين الي حكيتيهم خلوني أحترمك أكتر انتي حكيتي

((انا بزعل من نفسي ان بفكر في حد تانى وانا معاه بحس انى مجرد التفكير ده خيانه ليه وهو بجد ميستهلش منى كده لانه انسان قمه في الاحترام والاخلاق))


هالكلمتين خلوني أتأكد أن أنتي وفيه كتير ومستحيل تخوني

وهالكلمتين هما مفتاح اللغز...

انتي حبيتي زمان ..وعادي كتير انو تفشل او تنجح العلاقة
خديها دائمــاً عبرة و (حلقة في ودنك ) متل ما بتحكو انتو حبايبنا المصرية

انو الي بيحب ما بيقدر يبعد ثواني عن حبيبه لكن الشخص الأول بعد عنك فترة وبعدها رجعلك
انتو قعدتو فترة منيحة مع بعض لكن هو ما تغير
وانتي حالياً بتحبي انسان منيح وخلوق ومهذب
عشان هيك انا بنصحك ضلي مع الشخص التاني ولا تفكري بغيره لأنو هو الي رح يسعدك أكتر وهو الي أحترمك وقدرك أكتر

كل الأمنيات لإلكـ بالتوفيق وحياة سعيدة وهنية ألك عزيزتي

اخــتـكـ ..ساره احمد
moka lonly
بصى انا كانت علاقتى زيك بالبظبط والله كربون بس انا دلوقتى بعيد عنة الحب اية غير احترام وتقدير بصى يا بنت الناس فى متل بيقول خدى اللى بيحبك وانا راى تسيبك من الانسان اللى شايف نفسة واهو زمانة بيقول اهو اللى نعرفة احسن من اللى منعرفوش ممكن يكون جية عشان كدة ودى بتحبنى وهتحافظ عليا والخ والخ والخ لكن انو بيحبك مظنش وراى كمان لو حاسة انك مش بتحبى الشخص اللى معاكى دا ياريت متظلمهوش معاكى عشان الظلم وحش وانتى اكيد جربتية ويبخت من بات مظلوم ومش بات ظالم وحاجة كمان بجد خدى الانسان اللى بيحبك صدقينى هتحبية ع حبة والحب هيكبر مع الايام بس انتى اديلة فرصة وشكرا يا قمر



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
رأيكم يهمني .. رأيكم بالتصميم الجديد لمدونتي

Powered by vBulletin Version 3.8.8
Copyright ©2000 - 2024, Jelsoft Enterprises Ltd
جميع الحقوق محفوظة © fmisr.com منتديات نجوم مصرية