انا مش هقولك انا خبير ف ادسنس ولا الكلام الفاضي ده (انا اساسا مش عارف حاجه ف ادسنس)
بس الكلام ده من واقع ملاحظتي ف تصفح المواقع للعربي والاجنبي
مقارنه بين نجوم مصريه و newskitten.com
* نجوم مصريه: ترتيبه 49 علي مستوي مصر و 3 الاف علي مستوي العالم طبقا ل اليكسا وده يعتبر كلام جميل جدا وحاجه كويسه بسبب
نص الاعضاء من المصريين فعارفين الناس الي بتبحث ف الانترنت ف مصر والعالم العربي بتدور علي ايه وبيعملوا مواضيع ف الحاجات دي
تعليق عن الموقع
1- يعتبر اكتر من 50% من الاخبار منقوله بالنص و معدله اجزاء بسيطه
2- في الاخبار العاجله الي موجوده فوق
معظم الاخبار مبتحتويش اكتر من 10 اسطر من الكتابه
ليه؟
علشان العضو صاحب الموضوع كاتب الكلام من عنده بعد تغييره للاسلوب الخبر الاصلي فقدراته بتتوقف عند الرقم ده ( فيه اعضاء بتكتب اكتر بس قليل جدا) والباقي عباره عن صور وفديو لجلب اكبر عدد من الزوار
3- الاعضاء وهما بيتفرجوا علي التلفزيون عجبهم مقطع ف برنامج رياضي حس انه شتيمه بين الضيوف قام قاطع المقطع وكاتب واحد بيشتم اتنين مع ان الحقيقه ان محدش غلط ف التاني بس ده استنتاجه وعلشان يجيب زوار
* newskitten.com
طبعا ومن غير شك الاخبار هتكون منقوله بالمسطره حتي دون تغيير حرف واحد
1- كبار الاعضاء هيلجأوا الي استخدام مواقع تغيير المقالات ( والتي بتودي الي خلل الموضوع واختلاف تناسقه واسلوبه وكلماته وكل حاجه )
2- الردود العربيه ف 90% من المواضيع مش هتطلع بعيد عن ( thanks - nice post - nice topic - )
علشان محدش هيكلف نفسه ويقرأ الموضوع بالانجليزي ويشارك فيه بالاضافات
3- اسماء الاعضاء سواء كانت ( عبدو احمد محمود ....) اسماء عربيه وطبعا هتكون منتشره ف المنتدي ف من وجهه نظري ممكن تعمل مشاكل للزائر الاجنبي
4- نسبه كبيره من الاعضاء اللغه عندهم ضعيفه ولو مكنتش اللغه ضعيفه فالقواعد اكيد هتكون ضعيفه وده هيعمل مشكله للزائر تقريبا
5- تقريبا مش هتكون فيه حاجه حصريه علشان الحصري هيجيي منين؟
فالنتيجه هتكون فشل المنتدي او نجاحه بس علي مستوي متواضع بعيد عن طموحات البعض
دي وجهه نظري وياريت تكون غلط
وانا عن نفسي هاحاول اشارك ف المنتدي بالي اقدر عليه
