بتبعد عني دلوقتي ؟ .. بتنكر حبي دلوقتي ؟
ولو بالصدفه بتقابلني تقوللي
مين انتي ؟ مين ...مين
أنا اللي غلطت غلطه عمري وهويتك
أنا اللي خدت من أيامي واديتك
أنا اللي نسيت معاك روحي وفوق الجرح عديتك
أنا امبارح ... أنا الذكرى
أنا الماضي ... أنا بكره
أنا اللي انت النهارده فيه
دي أحلامي ودي حكايتي
بتبعد عني دلوقتي ؟ .. بتنكر حبي دلوقتي ؟
ولو بالصدفه بتقابلني تقوللي
مين انتي ؟ مين ...مين
أنا اللي عشقت لما هوايا ضيعني
أنا اللي معاك زمان الفرح ودعني
أنا اللي وهبت ليك عمري
وجالك قلب تخدعني
سنين ضاعت بلياليها
معاك تاهت أمانيها
وأداوي الجرح بالنسيان
ده مشواري ودي بدايتي
بتبعد عني دلوقتي ؟ .. بتنكر حبي دلوقتي ؟
ولو بالصدفه بتقابلني تقوللي
مين انتي ؟ مين ...مين