بعد ماتسمع عاوزك تحلم تحلم صاحى ولما تنام
واعمل جهدك اتعب حقق كل احلامك بلا اوهام
ربك خلق الدينا بحالها بكل مافيها ف 6 ايام
احلم واحلم واحلم اكتر واوعى حلمك يبقى كابوس
احلم قبل ما الحلم مايغلى لو فاكر حلمك بفلوس
احلم واعمل واصبر واتقل مهما كان الحلم بعيد
راح يجى يوم واتحقق حلمك الاحلام مالهاش مواعيد
مين قال يابنى احلم على قدك خلى الحلم مالوش حدود
واوعى حلمك بس يشدك يبعد بيك عن كل وجود
فى اللى بيرضى باللى موجود ويعيش ولا يهمه الامر
واللى بيحلم بالمفروض بس مالوش على حلمه الصبر
واللى يصر يحقق حلمه حتى لو ينحت ف الصخر
ف اللى حلمه ابتدا بسجاره كلنا عارفين ايه بيحشيها
يقعد يحلم بس خسارة يخلص حلمه أما يطفيها
ف اللى بيحلم يبنى يعمر واللى ف حلمه نفسه يهد
واللى فى حلمة عامل عنتر و اللى يخاف من حلمة بجد
عجزت كبرت انا لسه صغير لاء انا ست ما تحلم انت
اصلي ضعيف واكيد مش هقدر سبني في حالي معنديش واسطه
دي حجات بنقولها ولا نفكر وحجات بايته وكله اونطه
لو هتحاول مره تجرب احلامك هتشوفها العين
احلم صاحي واحلم نايم احلم وف كلتا الحالتيين
عمرك كنت تصدق حديده بيك تطير
بدءت حلم وفكره جديده ليه ما يكونلي جناح واطير
لو حد كان قالك من 100 سنه او حتي 200
في شئ اسمه الطياره وزي العصفوره بجناحين
تطير تسافر بيك وانت وعيلتك فيها قاعدين
قالو الناس مجنون رد وقال لاء انتو العاقلين
الحقيقه هو العاقل الافكار هي المجانين
اللي عملها هيفرق ايه عنك عن السامعين
كان واحد زيك يعني ملوش اربع رجلين
او عين واحده في وسط دماغه او في راسه في قرنين
ده فرق واحد بينكو مخه مكنش تخين
في اللي بيحلم يلعب كوره
في تريكه يقفل ماتش
ومصطفي من غير رجلين وعدي سلاح المانش
وزويل حلمه في فمتو ثانيه جاب لروبن وش
قوم احلم واعمل اوعاك تقول ما يتحققش
قوي العزيمه صدقني ربك مبيخذلش
لو هتحاول مره تجرب احلامك هتشوفها العين
احلم صاحي واحلم نايم واحلم وف كلتا الحالتيين
مش كفايه بس تحلم مش مهم الحلم ايه
المهم تتعب تحقق كل اللي انت حلمت بيه
قووووووووم انحت ف الصخر و حقق حلمك
قووووووووم انحت ف الصخر و حقق حلمك
قووووووووم انحت ف الصخر و حقق حلمك