سالخيييير عليكم جميعا

محتار ...

بشوف الوضع حواليا وكلام الناس بستغرب ...

كل واحد بيعمل توبيك بينقد الواقع المرير والاساليب المنحله وبيكون كلامه صح

وكل واحد بيرد عليه بيقوله الغلط فين والصح فين .. يعنى برضه عارف الصح

طب نروح منتدى تانى ...

هتلاقى برضه اللى بيتكلم صح وبينقد الغلط ومش عاجبه

وبرضه هتلاقى اللى بيرفعله القبعه وبيأيد كلامه

برضه عارفين الصح

وهتروح منتديات ومنتديات وهتلاقى كل الناس بتتكلم فى الصح وبينقدوا الغلط

عمركوا شوفتوا واحد عمل توبيك اتكلم فيه غلط عن حاجه غلط ؟

طب سيبكوا من النت

اقعد فى قاعده مع اصحابك هتلاقى الحوار مثلا يعنى عن السينما المصرية والانحلال

او عن اسرائيل واللى بتعمله او عن النت ما بين مساوئ ومميزات

يعنى برضه بيتكلموا عن الصح والغلط وكله عارف الصح

او اقعد حتى اتفرج على مودرن سبورت واهى قناة رياضيه هتلاقيهم برضه بيقولك الاخلاق

والروح الرياضيه وده يصح وده ميصحش .. يعنى لهم رأى ف الصح

عرفتوا انا اقصد ايه ؟

طب لما كله صح صح

اومال الغلط بييجى منين

لما كل الناس بتتكلم عن الصح وعارفين الغلط واتجاهاته واخرته ايه

يبقى الغلط بييجى منين

محدش يقولى مفيش غلط لان طول ماحنا بننتقد يبقى اكيد فيه غلط

حد معايا ولا انا تايه !!

واضح انى هبقى انا الغلط ف الاخر

فل عليكوا ...

أنت رأيك صحيح وعاجبني والمجتمع وين تروح تلقى أخطاء كله أخطاء بس السبب هو أنوا كل ممنوع مرغوب هدا تابع للغريزة وفطرة البشرية على اقتراف الممنوعات...ممكن تقلي رأيي صح أو خطأ.

الغلط بييجي لما الناس بتتكلم وخلاص وهي مش عارفة بتقول ايه
كل واحد عايز يبقي احسن شخصيه واحسن واحد في كل الناس
فبيحاول ينافق ويكدب ولو حاجة شايفها غلط ممكن يقول عليها صح عشان يعجب الناس
ويقولوا عليه ده شخص كويس
ومن هنا بييجي الغلط
شكرا علي الموضوع
ويارب منكونش بنقراه ونرد عليه لمجرد التسلية

بسيمة وحنان كلامكوه تمام

بس بردوه احنا محلناش المشكلة ولا وصلنا لرأس الغلط بيجى منين