السلام عليكم ورحمه الله

فى اللهجه المصريه منتشره كلمات كتيره ممكن محدش يعرف الكلمات ديه جت منين ولا مين الفكيه اللى اخترعها,,,
ومع ان الاجيال توراثتها ,,,
من اول لمى بقيت مصر أول وأعظم حضاره على مر العصور لوقتنا ده ,,

تعالو نشوف ايه الكلمات ديه ونروح لـــ

تاريخ يرجع لخمسه الاف عام ,,,


ان مئات الجمل والالفاظ لحد دلوقتى مستعملة كل يوم فى اللغة العامية للمصريين ..

فاول لمى العيل يتولد ياعينى لحد لمى يعرف يبدا يتكلم بيسمع كلام غريب وكوتى كوتى والحجات اللى مش بتتفهم ديه واخر حاجه عدله بيسمعها فى حياتى بتبقى وهو صغير ياختى كميله ولا مل الناس ياختى كميله شبه النسناس بعد كده بيسمعش حاجه عدله ربنا معانا

فلمى يجع - تيجى امو تجبلو الاكل له وتقول له ( مم ) معناها ياكل ..

((( ولمى بنكبر بيتقلنا اطفح الله يخربيتك ماسح التلاجه علطول )))

ولمى يعطش - تجبله ميه وتقولو ( امبو ) بمعنى ( اشرب ) .

((( وهنا لمى بنكبر طبها امبو مين بقى اشرب رضت الميه فى زورك تكون انت شرئت وموت وادفنت فيها )))

ان اصل كلمة ( مم ) مأخوذ من اللغة القبطيه القديمة
( موط ) والهيروغليفية ( اونم ) بمعنى كل - ( وامبو ) ماخوذة من كلمة ( امنموا ) القبطية بمعنى اشرب ..

ولمى امو تحب تعاقبوا زى لمى تمسك حاجه من الارض كده تقولو ( كخة ) وهذه الكلمة قديمة ومعناها القذارة ..

((( للاسف هنا مش لاقى حاجه اكتبها او تتقال )))

ولمى يعلموا يمشى وبعد كده يقولى انا ايه اللى خلانى اعرف امشى بيتقالو ( تاتا خطى العتبة ) وتاتا فى الهيروغليفية معناها ( امشى ) .

((( ولمى بنكبر بيتقلنا غور ارفتنا )))

ولمى امو تحب تخوفو عشان يتخمد بتقولو ( هجيبلك البعبع ) والماخوذ من القبطية ( بوبو ) وهو اسم عفريت مصرى مستخدم فى تخويف الاطفال .

((( بس طبعا لمى بنكبر مش بيتقالنا كده بيتقلنا نام نامت عليك حيطه عادى يعنى )))

وفى موسم الشتاء والعيال تطلع من المدرسه يدوسو فى اليه ويبهدلو نفسيهم ويقرفونا يقولو ( يامطرة رخى - رخى ) وأصل كلمة ( رخى ) فى العامية المصرية هو ( رخ ) فى الهيروغليفية معناها ( نزل ) .

وهنا بقى الدهشه - ان اصل كلمة ( مدمس ) ومعناها الفول المستوى فى الفرن بواسطة دفنه او طمره فى التراب
والتى تشير الى اكثر الوجبات الشعبية لدى المصريين وهو كلمة ( متمس ) الهيروغليفية - اى انضاج الفول بواسطة دفنه فى التراب .

ومن الاكلات الشعبية ايضا التى اكتسبت اسمها من المصرية القديمة اكلة ( البصارة ) واسمها القديم ( بيصورو ) ومعناها الفول المطبوخ .

ثم هناك المصطلحات الشعبية الدارجة مثل كلمة ( شبشب ) ( الخف ) والتى اصلها قبطية ( سب سويب ) ومعناها مقياس القدم .
وفى الحر يقول المصريون ( الدنيا بقت صهد ) وصهد كلمة قبطية تعنى نار .


كلمة واح والتى صارت واحة بالعربية,معناها جزيرة العرب,

وكلمة نونو وهي الوليد الصغير البيبى يعنى ,وكلمة كحكح وتعنى العجوز,

وكلمة طنش معناها لم يستجب,....وغيرها كثير

بطط اى دهس

بطح: ضرب فى الرأس

ست: امرأة

تاته :خطوة خطوة

خم: يخدع

حبه: القليل من

ياما : كتير

كركر: من كثرة الضحك

كح كح:وصل الى مرحلة الشيب

هوسة: صوت الغناء العالى

نونو :طفل صغير

مأهور: حزين

مأأ : يدقق النظر

ادى: يعطى

برش: بقعة

همهم:تكلم بصوت خافت

زعنف: زعنفة السمك

عف: ذباب

فنخ: فسد

بح: انتهى

ابح: حمل


كاني وماني = لبن وعسل

الا، ولا، وا، ياد، واد، آد ((( لمى الصبيان بتتعارك بتقولها يعنى زى لمى تخش عركه وبقلب جامد وتقول ايه ياد يا وش مش قولتلك طريها .. اهي ديه ياد )))

: كلمات قبطية قديمة كلها معناها صبي أو ولد
اباي : أباه ، علامة دهشة واستنكار وتستخدم في الصعيد
اباي-للتعبير عن الغضب
ابريم : ناضج وتقال على البلح (التمر) بلح أبريم أي بلح ناضج
اتاي : وادي ، اتاي البارود = وادي البارود
اجنة (أشنه): أي مطرقة أو جاكوش (شاكوش)
اخ = شيطان، ومنها بخ بإداة التعريف أي اليطان وتستخدم للتخويف
اخ، آه : تعبير عن الألم والندم مصري قديم
ادكو : بلده بجوار رشيد
ادّينى : الكتاب ده فكلمةدينى أيضا كلمة مصرية بمعنى اعطينى
اديني : من دي ناي وتعني اعطيني
اردب: مكيال للموازين الزراعية
ارو : سعد
اش تيه؟-ومعناها ما هذه؟
اشمون : من شمون بلده بالصعيد
اشمونين :بلدة وتني الرقم 8
اصاف :كَبَر
اطسا : اسم بلدة
اف : عّف أي ذباب
افسيخي معناها سمك وبنقولها فسيخ
ام قويق : طائر يشبه البومه، بالقبطي كوك ماو أي أم قويق
امبو قبطية ومعناها ماء ويقولها الطفل الصغير حتي الان
امَّرالعيش: بمعنى سَخَن العيش أو اخبزه (قفاه يأمَّر عيش)
امشه : كرباج (سوط)
امنا : مكيال
امندي : جحيم
امهات: فضي وتقال على البلح أيضاً بلح أمهات أي بلح فضي
اباي : أباه ، علامة دهشة واستنكار وتستخدم في الصعيد
اديني : من دي ناي وتعني اعطيني
ام قويق : طائر يشبه البومه، بالقبطي كوك ماو أي أم قويق
(فتافيت، فتفت).. أي انكسر إلى أجزاء متفرقة أو صغيرة.
(فوطة).. بمعنى منشفة.
(زير).. زير الماء.
(شبرا).. تعني بستان.
(نبوت).. هراوة.
(امبو).. ومعناها ماء ويقولها الطفل الصغير حتى الآن.
(باه، باح، بح) تعني خلاص خلص مافيش.
(برج)..ودخلت العامية والعربية الكلاسيكية وهي من اليونانية "بيرغوس" وتعنى مبنى طويل.
(تاتا).. وتقال للأطفال الصغار في بداية المشي.
(ترابيزة)..وتعني منضدة.
(ننوسه).. عروسة لعبة.
(هيلا هوب).. هوب تعني عمل، وهيلا مصطلح تشجيعي، وغالبا يستخدمه العمال.
(ورور).. من واري واري وتعني جديد، وتستخم مثل "ورور يا فجل".
(بشبش).. يبلل.
(بكله).. وعاء فخاري صغير للماء ذو يدين أو أذنين.
(تابوت).. صندوق يوضع به الميت.
(يو).. حمار.
(يوحا).. ومعناها قمر ومنها وحوي يا وحوي أيوحا.
(كح).. سعال.
(شوطة).. وباء الكوليرا.
(حنطور).. وهي قسمين، حان(هان) أداة جمع نكرة، (هطور) جمع هطو بمعنى حصان، أي تعنى أحصنة أو خيل.
(حنفيه).. أو حونفا، وهي كلمة صعيدية تعني صنبور.
(شبشب).. ومعناه حذاء يستخدم بالمنزل.
(اخ).. شيطان، ومنها (بخ) وتستخدم للتخويف، ومنها أيضا (كخ) بمعنى أنت شيطان.
(مشط)..مشتقة من مشطن أو ماشتوطي وهي أداة لتسريح الشعر.(دمنهور).. قرية حورس.


(ابريم).. البلح الناضج.
(افسيخي). . سمك.
(بتاو).. نوع شهير من الخبز بالصعيد مصنوع من الدرة.
(برقوق). . وهو نوع من الفاكهة لا يزال يطلق عليه نفس الإسم حتى الآن.
(ترمس).. ترمس.
(سمسم).. سمسم.
(كانى ومانى). . عسل وسمنة.
(قوطه).. طماطم.
(قلقاس). . قلقاس.
(فلافل).. الأكلة الشعبية المعروفة وتدعي أيضأ "طعمية" ومعناها ذات الفول الكثير.
(زبدة).. دهن حيواني يؤكل ويستخدم للقلي وهي من سيبدا – سيفتا. حتى قاموس الشتائم والكلمات التى تستخدم للتهكم فمنها ما هو مستوحى من اللغة القبطية القديمة ونذكر مثلا:
(إبن الإيه): "إيه" هى كلمة قبطية بمعنى بقرة أو عِجل. ((( يعنى لمى تقول لحد يابن الايه وهو قارى الموضوع ده يبقى حضر نفسك انك تجرى من قودامو )))
(شلق): في المناطق الشعبية توصف المرأة كثيرة العراك ذات الصوت العالى والألفاظ البذيئة الممطوطة بأنها "شلق"، والكلمة أصلها قبطي "شلاك" وتعنى إمتداد أو مط، وتعنى أيضاً توتر وانفعال، وفعل الكلمة هو "شولك" بمعنى يمتد، يتصلب، يقوى.. فعندما نقول هذه المرأة "شلق" نقصد أن ألفاظها بذيئة وممطوطة.

(أوباش): الكلمة جمع ومفرد فى آن واحد بمعنى عريان أو صعلوك.
(مِدَهوِل): مشتقة من "متاهوول" وهى مركبة من مقطعين "متاهو" أى يرتب ثم تأتى "أوول" أى لتفيد النفى، فيكون المعنى غير مرتب أو مهمل.
(مايص) أو (يحب يمهيص): اشتقت من "مهيوص" بمعنى أحمق أو غير متزن.
(هلس): كلمة قبطية أصلها يونانى "هيلوس"، "هيلوس" بمعنى تلف ، فساد ، دَنَس.
(مرمطة): كلمة قبطية قديمة من "مارماتا" بمعنى ألم، وجع، وترادف أيضا "بهدلة" فيقال "فلان إتمرمط آخر مرمطة" بمعنى قاسى كثيراً، كما يقال "فلان شغال مرمطون".





وحوي يا وحوي إياحة

قالها د احمد خالد فى قصة من اخبار اليوم
الحكاية انه بعد انتصار احمس على الهكسوس
خرج الشعب يحي الملكة اياح حتب ام الملك المظفر احمس طارد الهكسوس فكانوا بيقولوا
واح واح إياح = تعيش تعيش إياح
مع الزمن الكلمة صارت وحوى يا وحوى إياحه وصرنا نقولها احتفالا برمضان
وايضا كانوا ينادون بها الهلال بعد ذلك ,,,
وطبعا انتوا مكنش مقرر عليكم فى الصف الثالث الاعدادى قصه كفاح طيبه وعلشان كده مش هتعرفوا مين هى
اياح حتب ولا مين هو احمس ,,, ما علينا ,,, نكمل الكلام ,,,

-موت: هي موت في اللغة المصرية القديمة و أيضا في العربية و "ميته" في العبرية

-أصبع: نفس المعني في اللغتين المصرية والعربية

-بكة: ذكرت في الآية الكريمة بمعنى مكة وهي كلمة مصرية

-الدح: عندما نقول "السح الدح أمبو...أدي الواد ل... آآآ كفاية كده" فهي معناها الملابس(كلمة مصرية)

-آمون: المعبود المصري القديم هي كلمة يراها بعض العلماء على أنها مصدر أو تحريف لكلمة آمين

-محب: بمعنى محب أو مخلص في اللغة المصرية
و ذكرت في اسم القائد العسكري حورمحب "أي المخلص لحورس" وهو قائد الملك أخناتون ورجله الأول...

هنا بقى المنقول اللى مش متاكد منو

وهو

معنى كلمه سيدنا موسى عليه السلام كلمه مكونه من مقطعين ( مو + ســــــا )

مو اى الماء
و سا اى ابن
ومعناه ابن الماء وذلك لانه وجد فى الماء عندما كان طفلا

اى خرئه موضوع اخر حلو اهو

يارب يكون الموضوع عجبكم بذات الجزء بتاع العيال ده ههههههه

ههههههههههههههههههههههه موضوع جميل جدا يا كاكو هايل جدا وخاصة إمبو دى شكرررررررررررررررررررررا

ههههههههههههههه تسلمى على ردك وانا رايح امبو وجاى هههههههه

موضوع جميل وفى اراء بتقال ان العرب و الفراعنة اصلهم واحد وكان بينهم لغة مشتركة

ههههههههههههههههههههههههههههههههههههههههههههههههه

تسلم ايدك

شكرا ع المعلومات الجميله دي

مرسى ليكم كلكم
وحكايه ان العرب كان ليهم لغه مشتركه واصل واحد انا مش عايز اكدبك لانى معرفش حاجه عن الموضوع ده بس اللى اعرفو ان فى ناس كتير عايزه تفهمنا ان المصريين اصلهم مش فراعنه ولا حاجه وطبعا نفسى اشوف واحد من الناس ديه عشان اعصروه
ومرسى ليكم مره تانيه

هههههههههههههههههههههه
ياااااااااااااااااااااا ده احنا قدام اوووووووى
قشطه يا مان ميرسى على الموضوع

ههههههه من ايام زمان ههههههه بس يا سلام لو عايز اطرد واحد اقولو تاتا من هنا ههههههههههههههههه

ههههههههههههه شكرا لك على الموضوع اخويا هو كثير رائع ومضحك وانا بتمنى لك التوفيق

احلى شي امبوه بمعنى اشرب
حشيش اصلي