لكن حال الزمالك اللى بقى غريب اوى انا كنت من مده لما الزمالك يتغلب اروح اغيظ الزمالكاويه اصحابى
لكن مع تعدد الهزيمه و الخروج من البطولات بقت حاجه سخيفه وبقو يصعبو على
انا شايف ان السبب الرئيسى فى مشاكل الزمالك ان اللعيبه نفسها مبقتش تحب الزمالك بقت من جواها مش حابه الجمهور ولا النادى
يمكن دا حصل من الاجواء اللى فى النادى ان اللعيبه مش مطمنه على فلوسها مش حاسه بالامان فى النادى
ويمكن لان روح الفانله البيضا طلعت خلاص واللعيبه مبقاش عندها دافع حقيقى للفوز وحتى لما بيفوزا مش بيصدقو نفسيهم شوفو مثلا جمال حمزة لما دخل جون التعادل فى الاهلى كان فرحان ازاى مع المفروض الفرق اللى فى ظروف الزمالك ومحتاجه الفوز مش التعادل بتاخد الكورة وترجع تانى للسنتر دليل انهم عايزين فوز مش بس تعادل وحتى لما دخلو الجون التانى المره دى اللى مكنش مصدق كان هولمان فخلى اللعيبه تدافع مع انهم كانو يقدرو يجيبو الجون التالت فى الوقت اللى الاهلى كان ضعف اوى
الزمالك طلع من البطوله من ساعه ما اتعادل مع اسيك فى القاهرة واسيك كان بيلعب 10 وواقفين كلهم على خط ال18
الزمالك خلاص طلع طب ايه الحل؟
اعتقد ان اللعيبه نفسهم لازم يجمعو بعض ويحددو هم عازيين ايه زى ما قال الاستاذ حسن المستكاوى امبارح فى الاهرام :
" الحل بداية جديدة محسوبة ومدروسة, وشكلوا فريقا من التلامذة, وخاطبوا جمهوركم كي يسانده, وعززوه بلاعبين يملكون قدرات ومهارات, وبإدارة تطبق العدل والمساواة, وتخاطب كل لاعب بالفريق برسالة واضحة وصارمة, يشرفك اللعب للزمالك أنه حلمك.. ومن لا يري الزمالك حلما ووطنا عليه الرحيل.. ودون ذلك, دون هذا الشرط تحديدا سيبقي الزمالك وطنا تسكنه الأزمات..! "
معلش اذا كنت طولت بس اذا كنا عيزين نروح كاس العالم بجد لازم يبقى فى مصر منافسه حقيقية ولاعيبه بتحب الكورة بجد