اعلان هام

عوده جروب التراس اهلاوى من جديد الى المدرجات

بعد اجتماع عدد من كبار جروب التراس اهلاوى مع كبار مسئولى النادى الأهلى

وعلى رأسهم كابتن حسن حمدى رئيس النادى الأهلى و الكابتن محمود الخطيب

نائب رئيس النادى.

وبناء على ما حدث وشعور أعضاء الجروب بكم المساندة اللا محدود من قبل

مجلس ادارة الأهلى وانشغالهم بضرورة حل الأزمة وعودتهم الى المدرجات

بطريقة تحفظ لجمهور الأهلى الكبير كرامته

قرر جروب التراس اهلاوى العودة لمدرجات النادى الأهلى من جديد من اجل تشجيع هذا

الكيان العظيم والوقوف خلفه ليحقق البطولات التى تعد مصدر السعادة الأول لما يقارب من

60 مليون مواطن مصري اهلاوى

ميتينج ماتش المصرى

عودة الروح لتالتة شمال

يوم للتاريخ ...اه من غير مبالغة يوم للتاريخ
يوم عودة اكبر جروب فى افريقيا لمكانه الطبيعي تالته شمال....

تالته شمال اللى العالم كله حاول يبعدك عنها..... ولكن عشان انت قوى رجعت لا وايه

رجعت وانت كبير

قدرنا ان الاهلى كبير وجمهور كبير

التوبيك ده اكبر من مجرد لتوبيك تجمع لمباراة فى الدورى
مش هقدر اروح بخيالى واحاول اتوقع ايه هيكون المنظر بكرة فى المدرج
اكيد هيكون منظر مش عادى
منظر مش طبيعى
فرقة المصرى دى هتسلم الـ 3 نقط من قبل ما الماتش يبدأ لمجرد المنظر اللى هتشوفه فى المدرج
كله يجهز نفسه للعودة لمكاننا الطبيعى
لو هترجع اقل من ما كنت يبقى نصيحتى ليك متفكرش تنزل من بيتك اصلا
لانك هتكون استثناء من القاعدة
القاعدة اللى ناوية يكون اليوم غير عادى
إن شاء الله الماتش فى ستاد القاهرة الساعة 9.30
احنا هنتجمع عند الشبراوى الساعة 8
كله بالتى شيرت الاحمر
التى شيرت الاسود محدش ييجى بيه بكرة
تالتة كلها حمرا
والتأخير ممنوع

بالتوفيق للأهلى ان شاء الله

هي مش ناقصة لغبطة اصلا في موضوع تاني بيقول مش راجع ولما الاهلي 60 مليون واحد الزملكوية اقد اية ههههههههههه
ميرسي

انا زملكاوى على فكرة
انا ناقل الخبر من موقع النادى الاهلى

شكلك زمالكويه يا ايتن
بس خبر كويس
شكرا اخى الكريم

هههههههههههههه كنت فكراك اهلاوي خلاص يبقوا الزملكوية 20 مليون كدة كفاية

شكلك زمالكويه يا ايتن
بس خبر كويس
شكرا اخى الكريم

ههههههههههههههه لاء واللة اهلوية ومن زمان جدا

ههههههههههههههههه
اكيد مش من قبلى

ههههههههههههههههه
اكيد مش من قبلى

هههههههههههههههه انا بقالي 14 سنة اهلوية بس مش كتير ههههههههههههه

انا بقالى 25 سنه
برضه اكتر منك
ههههههههههههه

الخبر ده صحيح

و ده اللى بياكد كلام صاحب الموضوع من الموقع الرسمى للالتراس الاهلاوى

تجمع ماتش المصرى

بيان هام بشان عودة الجروب

و ان شاء الله المدرجات هترجع مولعه زى زمان