السلام عليكم ورحمة الله

كل سنة وانتم طيبين
رمضان كريم


انا دلوقتى جانى الشيك عادى

ومش عرف اصرفة لانى معنديش حساب فى اى بنك

دلوقتى انا نسيت اختار الدفع السريع من وستر نيون

انا كنت افتكر ان انا اخترت الدفع السريع وستر نيون

ولكن للاسف فوجئت ان انا لم اختار الدفع السريع

وجانى الشيك

فماذا اعمل لرجوع المبلغ دفع سريع اتمنى نصيحتكم والرد

المبلغ هو 152 دولار يوم 26 /7 صدور الدفع

فين يا اخوانى الردود ساعدون من فضلكم

بعنى محدش سال فينا ولا حد عاوز بساعدنا

ارجوكم حد يساعدنى ويقول لى هعمل اية

بص حضرتك
افتح حساب فى بنك الاهلى سوستية جينرال
هتدفع 52 جنية رس فتح الحساب
و 50 جنةي هتفضل فى الحساب يعنى 100 جنية
وتديهم الشيك وهيتصرف خلال شهر وهتخصم منو 11 دولار

ولازم تصرف الشيك مينفعش ترجعوا ويبعتلك ويسترن يونيون

وادخل دلوقتى على اكونت جوجل بتاعك غير طريقة الدفع علشان الدفعات الجاية

ولو عايز حاجة تانى انا تحت امرك

اه وفى طريقة تانية للصرف كمان

لو حد من اهلك او اصحابك عندو حساب فى البنك ممكن تنزلى الشيك على حسابو ولما يتصرف تبقى خدى منو الفلوس

انا قولت لهم فية حساب باسم والدتى مرضوش


وقالو لازم يكون باسمك

رحت كل البنوك الى عندنا

بنك الاسكندرية قال لى لازم يكون فى حسابك 1000 جنية وما يعادلة من الدولار

بنك مصر قال 50 دولار والشيك كلة هيروح مصاريف ويقعد ممكن من شهر الى 4 شهور



/بنك القاهرة قال 50 دولار والشيك كلة هيروح مصاريف ويقعد ممكن من شهر الى 4 شهور

/ البنك الاهلى المصرى / قال 100دولار والشيك كلة هيروح مصاريف ويقعد ممكن من شهر الى 4 شهور


هو لازم يتصرف شيك

هما بقولو فى منتدى المساعدة

اذا لم تصرف الشيخ خلال 6 اشهر فانة يرجع تانى لحسابك

انا غيرت الدفع وخليتة دفع سريع من وستر نيون وحسابى الان 85 دولار يعتى ان شاء الله حسابى قريب يصل لل 100 دولار

حضرتك لو اقل من 21 سنة
هتروحى بنك الاهلى سوتسية جينرال تفتحى حساب الشباب(دة المطلوب فية 100 جنية بس )

ولو اكتر من 21 والدتك عندها حساب فى اى بنك فى حاجة اسمها تظهير الشيك
هتظهرى الشيك لوالدتك وينزل فى حاسب والدتك عااادى والشيك انا سألت علية قبل كدة فى سيتى بنك قالى ان الشيك مفتوح وممكن يتظهر عادى لان في شيكات بتبقى مقفولة لكن شيكات جوجل مفتوحة

فى حاجه ممكن تعملها انا للاسف حسابى شركة مش فردى ومعنديش فى اخحتيارات الدفع ويسترن يونيون طبعا بيجلى بشيك والشيك التالت ليا فى الطريق على فكره انا فتحت حساب بالدولا ر من بنك القاهره واخدوا حوالى 50 دولار عشان الجساب يتفتح يعنى ممكن اسحبهم والشيك بيقعد حوالى شهرين او شهرين ونص ممكن تفتح حساب تصرف الشيك وبعد كده تقفله تانى فى بنك القاهره افضل حل

تحياتي..

اطلبي اعادة اصدار الشيك من خلال الرابط :

https://www.google.com/adsense/suppo...equest_reissue

بعد فتره بتم سحب رصيد الشيك واعادت المبلغ الى حسابك واضافته الى الشهر

وارساله في الدقعه القادمه.

وبما انك اخترتي ويسترن معناها راج يوصلك مبلغ الشيك اللي تم اعادته زائد مبغ الدفعه القادمه

عبر الويسترن يونيون.

شكرا جزيلا يا اخوة انا هطلب اعادة اصدار الشيك


وهيرجع مع دفعات الشهر القادم دفع سريع

انا بجد بشكركم

على المساعدة