ارفضى النشر بس انا رايى انها ترجع لاحمد لانه اتغير خااالص علشان خاطرها وهو بجد بيحبه بس وائل انسان جمييل جداا بس لازم يا تكلم احمد يا وائل
|
يالا ياصابحتي انتي كملي وبالنسبة لموضوع النشـــــــــر لألألألألألألألألألألألألألألألألألألألألألألألألأ لألألألألألألألألأ ولـــو بإسمكـــ ... ساعتها بس نبقى نفكـــــــررررررررر منوره ياقمر ياصابحتى
بس صحيح هنشرها ازاى ده اناتحصلى بلاوى والمواضيع تتقفش خلينا مستورين احسن |
منوره ياقمر ياصابحتى بس صحيح هنشرها ازاى ده اناتحصلى بلاوى والمواضيع تتقفش خلينا مستورين احسن أحسن برده ... ابعدي عن الشر وغنيله... والباب اللي يجيلك منه الريح ,,,,,,,,,, سده واستريييح ههههههه |
يااه بجد واحشتنى القصه الجميله بس الحمد لله رجعت تانى خلاص ياريت الحلقه اللى بعد دى بسرعه
تابعها معانا بقى ومتتاخرش تانى احسن مش هدخلك تقراها هههههه |
بصراحه الموضوع الى انتى كتبها كويس بس انا عايز اعرف لنتى الى كتباها من تاليفك لو كنتى الى كتبها انشاء الله مستقبلك هيبقى جامد بس على العموم الموضوع جامد
|
ارفضى النشر بس انا رايى انها ترجع لاحمد لانه اتغير خااالص علشان خاطرها وهو بجد بيحبه بس وائل انسان جمييل جداا بس لازم يا تكلم احمد يا وائل
ثانيا احب اشكرك على تعقيبك ع القصه بس احب اقولك متستعجلش متحكمش بالمظاهر وهتشوف احمد الحلقه الجايه بيفكر ازاى |
بصراحه الموضوع الى انتى كتبها كويس بس انا عايز اعرف لنتى الى كتباها من تاليفك لو كنتى الى كتبها انشاء الله مستقبلك هيبقى جامد بس على العموم الموضوع جامد
ايوه انا صاحبه القصه ومن تأليفى كامله واشكرك على التشجيع وتابعها معانا |
جميلة يا ريرررررررررررررررررى
ومستنين الباقى |
ايه القصة التحفة دى
بجد تسلم ايدك والحلقات عماله تشدني اكتر وتحلو كمان يلا كمليها عشان انا قاعدة علي اعصابي ونفسي اعرف ايه اللي هيحصل thanks |
يخربيت دى قصة ياريرى
انا بصراحة منتش بقرائها فى الاول بس لما قراتها اتشديت بيها اوى بس انا لسة متاخرة عن كل الحلقات بجد تحسيها واقعية كانى شايفة الشخصيات قدامى او كانى معاهم مش حساهم من كوكب تانى لاننا بنشوف الشخصيات دى كتير فى حياتنا |
انا خلصتها كلها
عاوزة اعرف هيعمل فيها اية البت الحمارة دى بصراحة وائل خسارة فيها دى معندهاش مخ |
وحشتينى ياريرى انت فين وع العرض ارفضى مش تقبلى وياللا كملى الحلقات
|
اية القصه الجامدة دى ياريري
تحفه بجد والله انا بقالى اسبوع من اول ما شوفتها عمالة اقرائها ومشدودة ليها خالص يالة كملى الحلقات وياريت ماتكونش النهاية وحشة احسن هزعل اووى |
اوك يا عم انا مش هتاخر تانى بس انتى اتاخرتى فالحلقه دى ليه
|
معلشي ياجماعة على تأخير ريري
انا بتأسف بالنيابة عنها أصل نسخة الويندوز بتاعتها ضــــــربت فهى هتتأخر ... لحد لما تنزل نسخة جديدة . |
انا جيت يا جماعة
نورت المنتدى |
ممكن يا ريرررى القصة تخلص قبل يوم السبت
علشان الامتحانات بجد كليتى صعبة جداااا |
ايه القصة التحفة دى
بجد تسلم ايدك والحلقات عماله تشدني اكتر وتحلو كمان يلا كمليها عشان انا قاعدة علي اعصابي ونفسي اعرف ايه اللي هيحصل thanks منوره ياحنان وصورتك عسوله اوى
وحاضر هكمل |
يخربيت دى قصة ياريرى
انا بصراحة منتش بقرائها فى الاول بس لما قراتها اتشديت بيها اوى بس انا لسة متاخرة عن كل الحلقات بجد تحسيها واقعية كانى شايفة الشخصيات قدامى او كانى معاهم مش حساهم من كوكب تانى لاننا بنشوف الشخصيات دى كتير فى حياتنا هههههههههههههه ايه رأيك بقى ياهبه؟؟
شفتى الابداع ههههههههههههه ماهى قصه حقيقيه بقى |
انا خلصتها كلها
عاوزة اعرف هيعمل فيها اية البت الحمارة دى بصراحة وائل خسارة فيها دى معندهاش مخ ايه السرعه دى يابت
طب كويس انك خلصتى عشان اشوقك اكتر هههههههههههه عندك حق حماره ودزمه كمان |
وحشتينى ياريرى انت فين وع العرض ارفضى مش تقبلى وياللا كملى الحلقات
وانتى وحشانى اكتر ياسويتى
وهكمل حاضر |
اية القصه الجامدة دى ياريري
تحفه بجد والله انا بقالى اسبوع من اول ما شوفتها عمالة اقرائها ومشدودة ليها خالص يالة كملى الحلقات وياريت ماتكونش النهاية وحشة احسن هزعل اووى منورانى ياغاده ودى اول مره تشاركى معانا ويارب اكون عند حسن ظنك
وهكمل والمفروض متزعلوش حتى لو النهايه وحشه |
اوك يا عم انا مش هتاخر تانى بس انتى اتاخرتى فالحلقه دى ليه
عم ايه
صبح صبح ياعم الحاج معلش ع التاخير وذلك لان النسخه هيست وضربت |
معلشي ياجماعة على تأخير ريري انا بتأسف بالنيابة عنها أصل نسخة الويندوز بتاعتها ضــــــربت فهى هتتأخر ... لحد لما تنزل نسخة جديدة . حبيبتى وصابحتى وتوامى مووووووون
وحشتيييييييييييينى يابت انتى موت موت موت شكرا انك قلتيلهم هنا عشان محدش يزعل والواد اخويا سطبها امبارح بليل وفضل يزعقلى عشان والله ماعارفه بدخل على منتدى ايه بيضربلى النسخه |
ممكن يا ريرررى القصة تخلص قبل يوم السبت
علشان الامتحانات بجد كليتى صعبة جداااا ازيك ياتاتا انتى منوره من غير حاجه يابت
بقولك صعب جدا اخلصها قبل السبت بصى سيبك انتى من القصه عشان مش هتفيدك ولاهيسألوكى فيها ف الامتحان لماتخلصى ارجعيلنا تانى يعنى هى القصه هتطير |
وجاء
موعدنا مع الحلقه الجديده |
(الحلقه السابعه ) خرج احمد من بيته غاضبا , واشعل سيجارة في عصبية ونفثها في غضب, لقد تشاجر مع والده منذ قليل , لانه اخبره برغبته في خطبة مريم, وثار اباه بشدة, وعنفه لانه غير مستعد ان يخطب بعد لانه لازال في الكلية ,حتى لو نجح, مالذي يؤهله لخطبة فتاة مثل مريم, اغنى من عائلته كلها, ثم انه يجب ان يعتمد على نفسه قبل ان يفكر في الدخول في مشروع زواج, وهو غير قادر على تكاليفه.
أ* دانت ابوك دا خنيق خنقة ياراجل , انا مش عارف انت مستحمله ازاي انا مش ناقصك انت كمان يعني ايه مينفعش تخطب دلوقتي؟, انت مش بتشتغل وهو هيساعدك, واخيرا هتنجح وهتريحه, وهتسافر اهه, ماله بقى؟,ودي خطوبة بس يعني, وبعدين هو مش المفروض يساعدك؟, هو مش ابوك؟ سيبك منه, حتى لو مرضيش هخلي ماما تساعدني مامتك ماشي ممكن تساعدك في الخطوبة, باباك بقى هيوافق يروح يخطبها ازاي اصلا,هو مش قالك مش ههزأ نفسي مع صاحبي اهلي انا عارفهم, هقنعهم وهقعد ازن عليهم لغاية ما يعملولي الي انا عايزه, المشكلة دلوقتي حاجة تانية خالص , مريم نفسها , انا عايز اعرفها بقى, عشان تكون مظبطاهم في بيتها كمان انت متأكد من مريم اصلا؟ يعني ايه؟, انت مش قلتلي انها اكيد معجبة بيا, امال ايه الي يخليها تشوفلي سفرية؟ بس انتو عمركو ماتكلمتو في حاجة, انتو لازم تتكلمو اصلا على الموضوع مرة على الاقل يعني ايه؟, اكلمها؟, ودي هفاتحها ازاي اصلا؟ انت هتغلب يا ايمو , اتصل بيها او كلمها في الشغل, اتصرف اتصرف؟؟, اوفف , طيب هبقى اكلمها النهاردة في الشغل وربنا يستر بقى ******************* ركبت منى سيارة وائل في قلق, انها اول مرة تذهب معه في مكان دون علم اهلها انها ذاهبة معه, بعد ان طلب منها هو ذلك, حاولت ان تمزح معه عدة مرات منذ رأته, ولكن رد فعله كان باردا, وبدأ الشك يتسلل الى قلبها, ما الامر الكبير الذي يؤرقه بهذا الشكل؟. منى: احنا هنعد فين؟. رد باقتضاب. وائل: اي كافيه يا منى. منى: حبيبي انت فيك ايه؟, مالك؟. وائل: مفيش. صمتت بعد رده البارد, واخذت تدعو الله الا يكون الامر بسببها, وارتجفت حين تخيلت انه قد يكون علم بأمر احمد, حتى بعد جلوسهما في الكافيه, ظل وائل صامتا فترة. منى: انت هتفضل ساكت كده كتير؟, مش هتقولي مالك؟. نظر اليها وائل في برود, ثم قال في لهجة غاضبة متماسكة الي حد ماقال. وائل: انا عايز اكلمك بس مش عارف اكلمك ازاي ؟, وانتي قدامي كده وبتخدعيني , وبتقوليلي بحبك ويا حبيبي عادي كأن مفيش حاجة, اذا كنتي انتي مش حاسة انك عملتي حاجة, هحسسك انا بكدة ازاي؟. سقط قلب منى في قدميها, انه يعلم. منى:, حاجة ايه يا وائل؟, بخدعك ازاي يعني؟؟. بدأ غضبه يتصاعد. وائل: والغريب انك بترسمي على وشك تعبير البريئة عادي جدا, ومش حاسة بانك عاملة مصيبة, انا لو كنت اتخيل ان اي حد في الدنيا ممكن يكون خاين , عمري ما كنت اتخيل انك انتي ممكن تعملي كده وتمثلي عليا, يعني لما كنت فاكر اني اول واحد في حياتك, وبعدها اكتشفت ان كان ليكي قبلي تجربة وسامحتك, كانت غلطتي مثلا اني وثقت فيكي وافتكرت ان ممكن تصونيني وتحافظي عليا؟, بس انتي طلعتي مش اهل للثقة اصلا, انتي خنتي ثقتي فيكي, وخنتي نفسك واهلك وكل حاجة, يعني ايه لما اقلك اي حاجة ليها علاقة بالماضي تنسيها , وتقوليلي موافقة, ارجع الاقيكي بتكلمي احمد امام تاني؟, ومن ورايا بتكلميه بالساعات على التليفون وبقالك كتير بتضربيني في ضهري وانا نايم على وداني, هو انا مش راجل يا منى؟, ولا انا واحد ماشية معاه مثلا مش خطيبك؟. تدفقت الدموع من عيني منى من كلامه, وشعرت بالخوف والذعر يملآنها , وشعرت بالذنب الشديد. منى: ...لا... يا وائل ابد ا,...مفيش حاجة,..انت بس مش فاهم,..والله العظيم... وائل: اوعي تحلفي , انتي فاكرة اني ممكن اصدقك تاني؟, تبقي بتحلمي, انا اتعلمت الدرس خلاص, على كده بقى كنتي طول الوقت بتضحكي عليا, ولا كنتي بتحبيني ولا حاجة, بقالي سنة خاطب واحدة كدابة. انفجرت منى في البكاء. منى: لا يا وائل,متقلش كده, والله العظيم ابدا, انا بحبك بجد. قاطعها بغضب. وائل: اسكتي , بطلي كلام خالص, بتضحكي عليا بقالك اد ايه ؟, فاكراني مغفل ومش هعرف, انك لسه بتكلمي صاحبك القديم, انا غلطتي اني اديتك فرصة تانية, تقومي تستهوني بيا وبرجولتي, انتي بني ادمة خاينة وعمرك ما هتتغيري. منى: لا يا وائل , ...بالله عليك ماتقول كده. وائل: انتي كنتي عايزة مغفل بس تستعبطيه, واحد مالوش لزمة, تضحكي عليه وبس تقوليله بحبك , واهو كلام وخلاص, تقضية واجب, والصراحة والصدق والحاجات الهايفة دي معادلهاش مكان عندك, انا مش عارف انتي ازاي قدرتي تثبتيني انك بريئة بالشكل دا؟, دانتي خلتيني احبك فعلا. منى: والله انا بحبك انت بجد, داهو بس كان بيكلمني يقولي احنا اصحاب, ويحكيلي على البنت الي بيحبها, وبس والله العظيم ما فيه بينا حاجة. وائل: والكلام دا قالهولك في اول ولا تاني ولا عاشر مكالمة يا هانم؟, ولا بتتكلمو بالساعات في ايه اصلا, ولما هو بيحب بنت مبيكلمهاش هي ليه, بيكلم خطيبتي انا ليه؟, مالهاش راجل يحكمها؟. سالت الدموع من عيني منى ساخنة على وجنتيها , وكلامه يحرق قلبها. منى: والله اصحاب. وائل: وهو انا كنت واخدك باصحاب يا منى؟, انا خاطب واحدة مالهاش صحاب صبيان يكلموها نص الليل بالساعات,من ورايا ,ايه الي يخلي ولد كنتي ماشية معاه يا منى يكلمك بالليل وانتي مخطوبة, اصحاب ايه يا منى وزفت ايه؟, مش هو دا الي قالك احنا اصحاب في الاول وبعدها رجع قالك انا عمري ما عاملتك على اننا اصحاب. قالت بصوت متألم. منى: وائل. وائل: اسكتي خالص, اذا كنتي انتي بقى مبتتعلميش من غلطاتك , والي تعمليه تقعي فيه تاني, فانا بقى بتعلم, وان كنت سامحتك مرة وكنت قد كلامي وقتها, وقلتلك لو عرفت ان فيه حاجة لسه بتربطك بالماضي يا منى, هيكون تصرفي شكل تاني, فانا قد كلامي دلوقتي, وبقلك اهه يا بنت الناس, انا راجل وقد كلمتي, وانتي مصنتنيش ولا كنتي قد المسؤلية من دلوقتي, فانتي في حالك وانا في حالي. قاطعته منى بذعر. منى: لا, وائل, لا. وائل: اسكتي يا منى عشان انا في قمة غضبي عليكي, وانا مش هقدر استحمل اعيش مع واحدة خانتني, انا فكرت كتير قبل ما اقلك الكلام دا, مع ان الموضوع المفروض مش محتاج تفكير, واحد زائد واحد بيساوي اتنين, وانا عارف نفسي كويس لما كنت قادر اسامحك قلتلك هسامحك, وانا دلوقتي مش قادر اسامحك, ومفتكرش ان فيه حاجة ممكن تغفرلك الي عملتيه, وبالشكل دا عمرنا ما هنقدر نكمل مع بعض. صاحت تمنعه. منى: يا وائل ,لا. وائل: انتي في طريق يا منى وانا في طريق. منى: يا وائل انا بحبك. وائل: ورغم كده دا ممنعكيش تضحكي عليا, امال لو مكنتيش بتحبيني كنتي عملتي ايه؟, وبعدين انا بحبك يا منى ومانكرتش, بس انتي متنفعيش تكوني مراتي, ومفتكرش هقدر اامنلك تاني. منى: انت بتقول ايه؟. وائل: دانتي حتى معندكيش مبرر للي عملتيه, يعني لو كنتي جيتي تقوليلي اول مرة كلمك فيها , يعني كنتي تجربي, شوفي رد فعلي هيبقى ايه؟,صارحيني, لما هي حاجة عادية واصحاب زي مابتقولو, لكن انتي فضلتي انك تقرطسيني, بس غلطتي يامنى, مش انا الراجل الي ممكن تقرطسيه. منى: انت بتسيبني؟. وائل: انتي الي سبتيني وقت ما وافقتي تردي على احمد امام, وترجعي تكلميه تاني من ورايا,مش انا الي سبتك. منى: سامحني . وائل: مش قادر, صدقيني حاولت,بس انت جبتي اخري. وصمت ليسترد انفاسه التي تقطعت بعد ثورته السابقة, ومنى تبكي دون توقف, ثم قال بصوت اهدأ قليلا, وبنبره اخفض. وائل: تقدري تقولي عندك في البيت ان انتي الي سبتيني وانتي الي مش عايزاني, انا مش عايز اصدم اخوكي فيكي, قوليلهم اي حاجة, اخترعي, الفي, وانتي ماشاء الله شاطرة في الحوارات, وحاجتك عندك, انا مش عايز منها حاجة, بس انسيني بقى يا منى, وشوفيلك حد تاني, يمكن ربنا يهديكي على اديه, انا مش ندمان على الوقت الي ضاع معاكي ابدا لا, اديني بتعلم, واذا كنت لسه بحبك , فدا ربنا يعيني عليه ويشيله من قلبي, انا بس زعلان عليكي, عشان انا كنت فاكر انك مختلفة عن البنات, بس طلعتي اسوأ منهم كمان, الحمد لله على كل حال, على الله بس تكوني اتعلمتي حاجة من الي حصلك دا. واشار الى الجرسون ليدفع الحساب, بينما منى غارقة في دموعها في انهيار. وائل: يلا, روحي اغسلي وشك وتعالي, هوديكي بيت ميرنا ,بس اتمنى دي تكون اخر مرة اشوفك فيها يامنى, وربنا يسامحك. |
يه
فعلا الموضوع مؤلم اوي بس هي السبب في ده كله كانت لازم تفوق وتعرف اد ايه الغلطة اللي كانت عملاها ومش حاسة بيها اهي لا طالت احمد ولا وائل شكرا ليكي ياجميل |
يه
فعلا الموضوع مؤلم اوي بس هي السبب في ده كله كانت لازم تفوق وتعرف اد ايه الغلطة اللي كانت عملاها ومش حاسة بيها اهي لا طالت احمد ولا وائل شكرا ليكي ياجميل ميرسى ياحنان والعفو ياقمر
تابعيها معانابقى واتشرفت بمعرفتك |
وسلام مربع تلاتات تلاتات من هنا لحد الشلالات
لسويتى هانم ازيك يابت وحشتينى انارنيتلك اول ماضيفت الحلقه يلاشوفيها وقولى رأيك ومتنسيش الاغنيه |
مواضيع مشابهة: | ||||
› بالصور : في اعتذار مكتوب من جوزيه للصحفيين المحترمين المقصود بالـDirty People الكاتب محمود معروف | ||||
› بالصور: اخلاق جمهور الاهلى المحترمين جدا |