انا نفسي اخد رايكم في حكايتي. انا عندي 19 سنه عمري في حياتي ماحبيت لحد 18 سنه ولا حتي وانا صغيره وفجاه جالي الحب انسان كويس وبيحبني جدا بقلنا سنه مع بعض بس هو معاملته مش كويسه وعصبي جدا وغيرته عمياء بس انا استحملت وعادي مافيش مشاكل مادام بحبه وضحيت بكرامتي معاه لاني شايفه ان مافيش كرامه بين اتنين بيحبوا بعض.


اتكلمت مع بابا بخصوصه عشان اعرف رد فعله بابا رافضه تمااامااااا مع انه مستعد يعمل اي حاجه عشاني والدي قال لو جابلك حته من السماء برده لا والسبب اني من عيله كبيره شويه مش عشان الغني والفقر بالعكس والدي قال لو فقير اديله من معايا المشكله بيقول اصل عيلته مش كويس وحبيبي عايزني افضل معاه 5 سنين لحد مايقدر ييجي يتقدملي .وفي نفس الوقت انا مجروحه منه كتير اوي بسبب شكه فيا وعدم ثقته بس برده بضحي عشان حبي الاول.

انا قلتله احنا لازم نبعد لانه مالوش داعي اننا نفضل مع بعض 5 سنين وانا عارفه رد اهلي من دلوقتي وهو عايزني افضل معاه وخلاص. بس انا شايفه اني عملت الصح علشان لا اعلقه بيا ولا اتعلق بيه اكتر من كده واني لازم استحمل واقدر علي بعده. واني لو ليا نصيب فيه اكيد هيبقي ليا.

ا
نا عارفه اني طولت عليكم بس نفسي اسال سؤال لو حد شايف اني غلطانه في اي حاجه يقولي وينصحني لان كل اللي حوليا من النوع اللي بيفكر بقلبه وبس وعايزني اكمل معاه وبصراحه انا شايفه ان دي تسليه .ارجوكم ردوا عليا لاني بجد نفسي ارتاح.

اولا اهلا بيكى يا ندى فى المنتدى..

ثانيا..انصح دائما بالا نفتح قلوبنا هكذا دائما على مصراعيها لتتلقى اول ما يمر من امامها وقد يكون وهوكذلك فى الغالب...عدم ادراك وتسرع وفراغ عاطفى..ورغبه فى العيش فى قصة حب مثل باقى البنات....لقد ذكرت يا عزيزتى عدة صفات كفيلة بان تغلقى الباب فى وجهه..وهى العصبيه والمعامله الغير لائقة والغيرة...وانت مازلت على البر ..ما بالك ان اراد الله ان تتزوجى منه سوف تتحول حياتك الى جحيم...ويبقي السبب الاكبر لرفضك هذا الحب وهو عدم التكافؤ..وهوسبب مهم جدا لاقامه حياه زوجيه سويه..عزيزتى ...عين العقل ما فعلتيه...وتصبرى وسوف تعثرين باذن الله على الحب الحقيقى...مع خالص تحياتى..

بجد مرسي جدا جدا ردك ريحني كتير وده فعلا اللي انا عملته بس اللي مضايقني ان اصحابنا في صفه لمجرد انهم عايزني افضل معاه وخلاص . بس اتحديت الكل وصممت علي قراري.مرسي مره تانيه وان شاء الله اشارك معاكم كتير في المنتدي

اهلا بيكى معانا فى المنتدى
انا رائى انك تبعدى ومتفكريش بقلبك بس
لو كل واحد بيحب فكر بقلبه بس كان معظم الناس ندمت على حبها
وانتى مش غلطانه نهائى بالعكس انتى فكرتى التفكير الصح
الى المفروض انك تعمليه
اتمنالك حياه موفقه بأذن الله

انا رايي من رائي عصفور وسلمى

متفكريش بقلبك انتى كده صح

ومتسمعيش نهائي كلام صحابك الى بيقولولك كلميه

ولو هول عايزك فعلا هييجى بعد خمس سنين ويطلب ايدك

وحكايه ان مفيش كرامه بين اتنين بيحبو بعض ده غلط

كرامتك لازم تبقي محفوظه في اى وقت ومع اى حد

مرسي ياسلمي مرسي يا ننوش علي كلامكم الجميل وبجد انتم كده ريحتوني كتييييييييير وانا هنفذ كلامك علطول لاني اقتنعت بيه جدا. واتمنالكم انتم كمان حياه سعيده

الي انا اعرفه ان الحب الاول ده ليبقيحب بجد او حب لمجرد الحب والي انا شايفه انك عاوزه الحب لمجرد الحب يعني بمعني اصح انتي مكنتيش بتحبيه انتي كنتي عاوزه تجربي الحب

أنتي كده صح

مرحبـاً بك يا سمسمة :d

أولاً أنت قلت بنفسك انه أول حب لك، ومما رويته بنفسك أعتقد ان والدك علي حق..فلو انه من عيله سيئة السمعة بهذا الشكل، بالاضافة لمعاملتة السيئة لك ..فكيف تتمسكين به بعد كل هذا ؟

ثم انك مازلت صغيرة..وأمامك الكثير من الخبرات لتخوضيها ..

وعلي كل حال أتمني ان تتوصلي إلي القرار الأفضل لك، ولعائلتك...

تحياتي :d

بصى يا سمسمة مادام انتو بتحبو بعض بجد وانك هتقدرى تصبري 5 سنين وانك عارفة ان هو هيوفى بوعدة ليكى بعد 5 سنين اصبري بس لو هو بيحبك بجد ومخلص ليكى بس لو هو بيحبك بجد ومخلص ليكى بس لو هو بيحبك بجد ومخلص ليكى

وصدقينى الاهل بيعملو اى حاجة عشان تسعد ولادهم وربنا معاكى

فى مسائل الحب لازم الانسان يفكر بعقلة قبل ما يفكر بقلبه لماذا؟؟؟؟؟؟؟؟...........
العقل يعطيك تفكير لما سيحدث فى المستقبل
اما القلب فهو الاحساس الحالى لايعطيك ردا الا بعد العقل .
ومن الاخر القصة باينة من الاول ؟؟؟
انسى هذا الشخص وابدائى من جديد لكن بشرط المحافظة على دراستك وعلى نفسك أتمنى لك حظا موفقا .

فعلا انتى صح وفكرى بعقلك وربنا معاكى ويصبرك

انت كده عملتى الصح لان مش هينفع تكملى معاه واهلك رافضين وانه يطلب منك تفضلى معاه 5 سنين ده مش منطقى لانه يعتبر بيتسلى بيكى وممكن لو كنتى وافقتى ييجى بعد ال5 سنين يقول لكى مش هينفع نكمل مع بعض بس انت غلطانه فى حاجة. لان مفيش حاجة اسمها مفيش كرامة بين اثنين بيحبو بعض لا لانه لو بيحبك مكنش اصلا هيجرح كرامتك.

انتى عملتى الصح يا سمسمه وماكانش ينفع يتعمل غير كده وفى الاول وفى الاخر ده نصيب وربنا يوفقك يا رب وانتى لسه صغيره ولسه هتقابلى كتير ربنا يسعدك

بصى بجد اللى انتى عملتيه دا صح لانك هالك اهلك تهلك بصى اصبرى شويه ومتتسرعيش ومتحوليش تقطعى معاه العلاقه بطريقه كويسه فهميه انك خايفه عليه انك تكملى وفى الاخر متلاقيش فايده فهميه احساسك واستخيرى ربنا وربنا هو اللى هيختارلك الصح وان شاء الله لو في خير هتكملوا ولو في شر هتبعدوا بس عاوزه افهك حاجه الغيره مطلوبه في الحب بس صعب عدم الثقه من الانسان اللى بتحبيه ان شاء الله لو الانسان ده خير ان شاااااااااااااااء الله هتخديها لو شر ربنا هيبعده باى طريقه متقلقيش هترتاحى بس صلى الاستخاره

بجد الكلام والمشكلة والردود وافتعال الناس مع المشكلة برغم كل اللى انتوه قولتوه أحب

منعكننش على كل حاجة والله ياسمسمة انتى عشان تريحى ضميرك فى نفس الوقت

اه انا معاكى ومع كلام والدك بس لو بيحبك اديلوه مهلة شهر أو شهرين وقوليله

مش هقدر أشوفك لما تكون قادر على الخطوة ديه ولو مش قادر يبقا كل واحد راح لسبيله .

والله ياسمسمه ده الفكر والمنطق اللى بيديلوه الحق فى كده متكلمهوش انسيه

بس عشان انتى ريحتى ضميرك ومتحسيش انك فقدتى حب حقيقى ومتفكريش فيه

تانى اديله مهلة وشفيه هل هيقدر يعمل حاجة علشانك ولا مش هيقدر وبعديها

اعتبرى ان الموضوع انتها من فكرك بس لازم يكون فى كلامك خشونة وجدية الكلام

وحساسية الموقف عشان يحفزه على حاجة يكون حططها فى هدفه

ولو هو شاب ملتزم وصالح وامين وصادق مع نفسه ممكن ربنا يفرجها عليه

وينصلح حاله ويمكن غالباً انك فى المهلة ديه تكونى بدأية قصة نجاحه

ومفتاح الحياة بس لو مقدرش يعمل حاجة يبقا مكنتش بتمثلى فى قلبه حاجة

على فكرة الكلام ده مش نابع على انه كلام وخلاص بالعكس

الكلام طالع من رأى علماء نفسين

نصحوه لما يكون فى علاقة مودة بين شخصين واذا اراد احد الأشخاص

الأنسحاب من العلاقة ينسحب نسبياً وليس كلياً حتى لا يقوم بجرح الأشخاص الأخرين

ويارب تكونى أقتنعتى لو ببساطة ويوفقك وتجدى السعاده


ـــــــــــروسى

انتى على حق
ولسه العمر الطويل ليكى بكره حتلاقى الافضل منه
بلاش تسرع فى الحب
قلبك ده لابد وان يجد حب مخلص ولابد للعقل ان يؤكده لكى تكتمل
الحب بالقلب حب فاشل ودائما ما ينتهى بسرعة
اما حب العقل فدائما هو الذى يكتمل
ويبدأ ولا ينتهى

اولا المشكله يا سمسمه انك بنت واهم حاجه بالنسبه ليكى والدك ووالدتك يمكن لو كنتى ولد كنتى تقدرى تعتمدى على نفسك وفى حياتك وتستقلى بيها لكن المشكله انك بنت ... بس انا مش معاكو يا جماعه فى نقط معين ومصر على كلامى مفيييييش انسان كامل الصفات الى قالت عليها دى فى حبيبها ممكن تتحل مهيش حاجه صعبه ممكن انتى يا سمسمه تغيريه لكن النقطه الخطييره الى محدش اخد باله منها ان باباكى قال ان اصل عيلته مش كويس وباباكى قال برده حتى لو هوه فقير كان ممكن أديله واساعده لكن المشكله فى اصل عيلته هنا المشكله كلها يا جماعه .. هل بعد الارتباط يا سمسمه شايفه انك هتقدرى تندمجى مع العيله مع العلم ان باباكى مش ممانع انه يكون فقير يبقه اكيد فيه حاجه مش كويسه فى عيلته هيه الى مخلياه رافض.. وفى نفس الوقت مش عايز اظلم حبيبك ممكن ميكنش ليه ذنب فى ظروف عيلته وممكن تكون الظروف دى هيه الى مخلياه عنده الصفات دى الشك والغيره .. انتى أكتر واحده يا سمسمه قريبه منه وعارفاه وانتى اكتر واحده تقدرى تقررى اذا كان هوه كويس ولا لأ .. مش هقلك بقه تتحدى باباكى وماماتك والكلام الفاضى دا لا طبعا اهم حاجه وقبل كل شئ بابكى ومامتك والزمن كفيل انه يوريكى اذا كان شريكى ولا لأ واذا كانت شخصيته كويسه وتجبر والدك على احترامه... كل دا هيظهر مع الزمن يا سمسمه ودا رأيي

[email protected]

انتى صح كدة ياسمسمة ولو نصيبك هتخديه لو الدنيا كلها وقفت قصادك

بصى انصحك متستعجليش على الحب انتى لسه صغيرة واللى ربنا عاوزة هيكون

وربنا يوفقك

بجد ابعدى عنة لانك بجد هاتتعبى كتير وفى الاول والاخر رائى اهلنا بيبقى صح وصدقينى لوبيحبك هايعمل المستحيل عشان تكونى من نصيبةبس لازم تحفظى على نفسك وكرمتك وعلى اهلك ولسة الحياه طويلة امامك هاتقبلى الى احسن منة وانصبلك