نجوم مصرية
منتديات نجوم مصرية منتدى الاستثمار فوركس Forex - تجارة العملات



تابع نجوم مصرية على أخبار جوجل




الفوركس من الالف للياء الجزء الثانى

 

الفوركس من الالف للياء الجزء الثانى

الهدف من المتاجرة فى سوق الفوريكس:
إن الهدف من أى عملية تتم فى سوق الفوريكس هو بيع عملة مقابل عملة أخرى وذلك لتوقعنا بإنخاض سعر العملة الأولى التى تم بيعها مقابل العملة الثانية التى تم شرائها وبالتالى جنى ربح عند إعادة شراء العملة الأولى بعد إنخفاضها.

فى سوق العملات لكل زوج من العملات هناك سعر تداول وهو سعر العملة الأساسية بما يقابلها بالعملة المقابلة. يعنى زوج العملات USD/CHF لو قلنا إن سعره 1.2340 فإن معنى ذلك أننا لو أردنا شراء واحد دولار علينا دفع ما قيمته 1.2340 مكن الفرنك السويسرى. والحقيقة أن أى زوج من العملات يوجد له سعرين مختلفين فى أى وقت أحدهما يسمى سعر العرض Bid والأخر يسمى سعر الطلب Ask ويوجد فارق طفيف بينهم يعنى مثلا الزوج EUR/USD ممكن يكون سعر العرض 1.6042 وسعر الطلب 1.6045 والسعر الأول (العرض) هو سعر الزوج لو قمت ببيعه الآن ... والسعر الثانى هو سعر الشراء لو قمت بشراء زوج العملات الآن. وبالطبع فأن هذه الأسعار تتغير لحظيا ويكون هناك إرتفاع وإنخفاض فيها على حسب حركة السوق.

ودائما يكون سعر الشراء أعلى من سعر البيع والفارق هذا يكون مكسب للبنك أو الوسيط الذى تتعامل مع السوق من خلاله. ويسمى هذا الفارق Spread وكلما قل هذا الفارق كلما كان ذلك ميزة للوسيط الذى تتعامل معه. وفى معظم أوقات السوق العادية يكون هذا الفارق شبه ثابت.

لكى تكسب فى أى عملية فى سوق الفوريكس عليك أن تحقق مكسب أعلى من قيمة Spread. يعنى مثلا لو إشتريت زوج العملات EUR/USD بالسعر المذكور سابقا وهو 1.6045 فستنتظر إلى أن يزداد سعر هذا الزوج من العملات وهناك إحتمالين بالطبع

1- إما أن يزداد السعر أو أن يقل السعر. فلو إزداد السعر ليصبح مثلا 1.6043 (للعرض) / 1.6046 (للشراء) ففى هذه الحالة لو قمت بالبيع ستكون خاسرا لأنك ستبيع الزوج بسعر العرض وهو 1.6043 وهو أقل من السعر الذى دفعته عند الشراء ... لو إنتظرت المزيد من الوقت وأصبح السعر 1.6045 (للعرض) / 1.6048 (للشراء) ففى هذا الوقت لو قمت بالبيع ستبيع بسعر العرض وهو 1.6045 وهو نفس السعر الذى إشتريت به وبالتالى فلن تكون لا كسبت ولا خسرت ... لو إنتظرت المزيد لكى يصبح السعر 1.6048 (للعرض) / 1.6051 (للطلب) فستبيع بسعر العرض وهو 1.6048 وهو سعر أعرى من السعر الذى إشتريت به هذا الزوج وبالتالى ستحقق مكسب. معنى ذلك أنك لن تستطيع تحقيق مكسب فى أى عملية فى الفوريكس ما لم يكون الفارق بين سعر فتح العملية وسعر إغلاقها أكبر من قيمة Spread (الفارق بين سعر العرض والطلب)
تابع نجوم مصرية على أخبار جوجل



2- الحالة الثانية هو أن يقل سعر الزوج وفى هذه الحالة أى كان السعر فستكون خاسرا لأنك دفعت قيمة معينة لشراءه وقد قل سعره وبالتالى سيدفع لك قيمة أقل عن بيعه مرة أخرى. فمثلا لو تغير سعر الزوج ليصبح 1.6040 (للعرض) / 1.6043 (للشراء) وأردت أن تبيع فستبيع الزوج بسعر 1.6040 وهو أقل من السعر الذى إشتريت به وبالتالى ستكون خاسرا.

ما هو البيب PIP:
حركة سوق العملات تكون طفيفة جدا ... يعنى مثلا لا تتوقع إنك تلاقى الدولار اليوم ب 1 يورو وغدا تلاقيه ب 2 ... ولا حتى اليوم ب 1.5 وغدا ب 1.6 ... دى كلها فروق كبيره قوى بالنسبة لسوق العملات ... الفروقات بتكون أقل كتير من كده وهى بتكون عادة بقيمة 0.0001 من العملة يعنى وحدة من 10000 من العملة فى الغالب. وده اللى بيسمى البيب PIP يعنى لو إشتريت زوج EUR/USD بسعر 1.6040 وبعدين بعته بسعر 1.6050 يبقى إنت بكده حققت مكسب 10 بيب وهو الفرق بين السعرين. ودائما أى مكسب أو خسارة فى السوق بيقاس بالبيب PIP وكمان قيمة Spread التى سبق تعريفها فى هذا الدرس تقاس بالبيب أيضا. يعنى نقدر نقول مثلا إن قيمة Spread لزوج العملات EUR/USD هى تقريبا 3 بيب PIP. وهى بالتالى تعتبر تكلفة أى عملية على هذا الزوج ... يعنى لو مش حتقدر تحقق مكسب أعلى من قيمة Spread دى اللى هى 3 بيب يبقى متفتحش العملية دى.

البيب PIP أيضا يعتبر أقل قيمة من العملة ممكن التعامل معها (بس فيه حاليا بعض الوسطاء ممكن يتعاملوا مع عشر البيب).

طريقة حساب قيمة البيب:
طبعا إحنا قولنا إن أقل حركة لسعر العملة أو السوق بتكون بكسر صغير جدا من العملة بنسميه البيب. وبالتالى أى إرتفاع فى سعر العملة بالبيب أو إنخفاض يقابله على طول مكسب وخسارة على أى عملية أنا فاتحها وده على حسب أى عمله بعتها وأى عمله إشتريتها.

وبالتالى مهم جدا إنى أعرف ما هى قيمة هذا المكسب أو الخسارة اللى ححصل عليه فى مقابل هذا البيب.

الحقيقة قيمة البيب بتختلف من زوج لأخر من العملات. سبق وقولنا إن سعر البيع والشراء اللى بيكون مصاحب لأى زوج من العملات بيكون الثمن اللى حدفعه من العملة الثانية علشان أشترى العملة الأولى أو الثمن اللى حاخده من العملة الثانية مقابل بيع العملة الأولى. وبالتالى فإن قيمة البيب تكون محسوبة بكسر من العملة الثانية. يعنى مثلا زوج العملات EUR/USD تكون البيب فيه محسوبة بالعملة الثانية وبالتالى فإن واحد بيب فى هذا الزوج تساوى 0.0001 من اليورو وفى زوج العملات USD/CHF تكون قيمة البيب 0.0001 من الفرنك السويسرى فى الزوج EUR/GBP تكون قيمة البيب 0.0001 من الجنيه الإسترلينى.



forex-fans.blogspot

طيب نيجى لنقطه تانيه مهمه جدا وهى عند شراء أو بيع زوج من العملات حشترى منه قد إيه أو أبيع قد ايه ؟؟ هل حشترى من زوج العملات EUR/GBP مثلا 4 ... ده معنا إن لما السوق يتحرك بحيث إن سعر الزوج ده يزيد بمقدار 20 بيب إنى كسبت 20 بيب مطروح منه قيمة Spread اللى ممكن فى هذا الزوج يكون فى حدود 5 بيب ... يعنى أنا كسبت 15 بيب ... طيب دول يطلعوا كام ؟؟؟ تعالوا نحسبها ... الزوج ده البيب فيه بتساوى 0.0001 من الجنيه الإسترلينى وده معناه إنى كسبت 4 * 15 * 0.0001 = 0.0060 من الجنيه الإسترلينى ودى طبعا قيمه صغيرة جدا جدا جدا ... ما تستاهلش تعبى أساسا. الحقيقة إن عمليات البيع والشراء بتتم بكميات أكبر كتي من 4 ... يعنى مثلا 100 ألف أو مليون من العملة. يعنى مثلا لو حققنا نفس الربح السابق وأنا كنت شارى 10 ألاف من نفس الزوج EUR/GBP والسوق تحرك بمقدار 15 بيب ... علشان نحسب كسبنا كام يبقى حنضرب 10000 * 15 * 0.0001 = 15 جنيه إسترلينى وطبعا ده يستاهل شويه ... طيب لو كنت شارى 100 ألف ... حيكون المكسب 150 جنيه إسترلينى ... لو كنت شارى مليون حيكون المكسب 1500 جنيه إسترلينى.

طبعا فيه نقطتين مهمين جدا هنا:

1- النقطه الأولى أكيد بتدور فى دماغكم كلكم دلوقتى ... وهى ازاى حشترى مليون يورو ... هل لازم يكون معايا ملايين الدولارات علشان أدخل سوق الفوريكس ؟؟ والإجابة لأ طبعا وده بيتحل عن طريق حاجه اسمها المتاجره بالهامش ... حنتكلم عليها بعد كده.

2- النقطه التانيه إنك زى ما ممكن تكسب 150 جنيه إسترلينى ... لو السعر تحرك 15 بيب فى الإتجاه التانى حتخسر برضه 150 جنيه إسترلينى. وبالتالى فكلما زاد حجم التعامل زاد المكسب أو زادت الخسارة ... وبالتالى فهى مخاطرة.









المقال "الفوركس من الالف للياء الجزء الثانى" نشر بواسطة: بتاريخ:
ah_algamal
!!!!!!!!!!!!!!!!!!!!!!!!!!
najoull19
shokrannnnnnnnnnnnnnnnnnnnnnnnnnnnnnnnnnnnnnn lak
ah_algamal
el shokr lk



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
من الالف للياء تاريخ
مجموعة فيديوهات : دوره كامله ممتازه لتعليم الفوركس من الالف للياء
كيفية البحث عن وظيفة والاستعداد لها من الالف للياء

Powered by vBulletin Version 3.8.8
Copyright ©2000 - 2024, Jelsoft Enterprises Ltd
جميع الحقوق محفوظة © fmisr.com منتديات نجوم مصرية