حلم واتنين وتلاتة ويمكن اكتر من مليون حلم
وانا زي اي حد عندي حلم يمكن تقولوا عليه مجنون
او مستحيل ,,أو اي حاجة,,
بس انا بالنسبالي حلم جميل نفسي يتحقق,,
نفسي أروح فــ مكان أبيض بعيـــــد اوي عن كل الناس
مكان زي الاحلام ..
فيه بحر واسع اوي وصـــــافي وكأنه محدش شافه او
جه ليه قبل كده غيري..
مكان يمكن مش موجود ع الارض,,
يمكن يكون بالنسبالي حلم جميل ومستحيل يتحقق,,
في المكان ده ,,
لوحدي اقعد قدام البحر اتخيل واسرح وافكر وافتكر
ايام جميلة كتير عدت عليا ,,
يمكن ملحقتهاش او معشتهاش,,
يمكن تكون حتى الايام دي خيال,,
وقت الشروق ,,
تبدأ يوم جديد في حياتك بابتسامة وفرحة وتقول
اليوم ده ان شاء الله اكيد هيبقى احلى من اللي قبله,,
وقت الغروب,,
بالنسبالي دي اجمل لحظة ممكن عينك تشوفها,,
والمكان هـــــــادي وانت لوحدك ومغمض عينيك
وسامع بس صوت البحر وبتحكيله وبتتكلم معاه,,
وبالليل تشوف النجوم في السما هي دليلك
هي اللي بتنورلك طريقك,,
والقمـــر,,
اجمل ما خلق ربنا,,
حلم بسيط يمكن,,
بس بالنسبالي كبير اوي بتمنى يتحقق,,
