بسم الله الرحمن الرحيم

اولا انا سبق و كتبت لكم و كان بخصوص انى فى مرحلة مشتتة فى حب بنت زميلة ليا

انا عايز اعرف من خبراتكم ازاى انساها فى خلال الفترة دى خصوصا انها فترة اجازة يعنى مش بشوفها
فعايز اعرف من جوة نفسى اعمل ايه و اتصرف ازاى و شكرا

اشغل نفسك فى اى شى
وان شاء الله تنسها

اشغل نفسك فى اى شى
وان شاء الله تنسها

طب شغلت نفسى دلوقتى و بعدين!!
هى معايا فى الكلية يعنى هشوفها كتير و لسة تلات سنينن ان شاء الله

يا سيدى بكرة تشوف وتقابل غيرها
وتتعرف على كتير وتلاقى الانسانة اللى تتمناها
انت بس فى الفترة دى حاول تنساها
ولما تقابلها تانى بعد الاجازة هتكون مشاعرك اتغيرت ناحيتها

بجد بجد شكرا للقسم الجامد ده
الموضوع و ما فيه انى باحب بنت زميلة ليا فى الكلية
فى البداية اصلا البنت دى انا كنت باعتبرها زميله عادية خالص خالص بس الفرق انها كانت دايما بتكلمنى و بتجرى ورايا و بتهتم بيا و جدعه معايا اوى اوى لانها كانت معتبرانى اخ ليها مش اكتر لكن انا كنت عادى يعنى لانى كنت باحب واحده تانية جدا جدا لكنها ما طلعتش تستاهلنى اصلا و لما كسرتنى ملقتش اودامى مساندنى غير البنت دى و من ساعتها بقى حبيتها هى
انا مش عارف ده حب مراهقة و لا حاله حتى ادنى من الحب المراهق ده و ده لاسباب:
انا هشرح لحضرتكوا بكل اختصار مشاعرى ناحيتها و حضرتكوا تحددوا لى ايه معنى الشعور اللى جوايا و ازاى ((اتخلص منه)) خلال الفترة دى
-انا مش شايفها جميــله و لا حاجة انا شايفها زى ما اى حد شايفها يعنى مش حلوة اوى عادى يعنى بمعنى اصح
بافرح لما تسال عليا بس باتضايق حبة صغيرة او كبيرة حبة بس مش كبيرة اوى يعنى تقدر تقول غيرة متوسطة لما مش تسأل او الاقيها مهتمة بغيرى
انما مش باحب انا اللى اسال ابدا و بحب ان هى اللى تجرى ورايا بمعنى اصح
-كمان انا مش عارف ليه بالاقى نفسى دايما مش باحب اتعامل معاها و مش بافتح حتى الميل عشان مش عايز الاقيها فاتحه و تكلمنى و كمان مش باوجه لها زى ما قلت اى كلام على النت حتى لو وجهت لى اى كومنت على الفيس بوك باطنش مع انى مش بابقى مرتاح اوى بكده و حتى لما باشوفها فى الكلية بابقى اكتر مش عايز اقربلها بجد مش عارف ليه مع ان ده مش بيريحنى اوى يعنى و اللى بيخلينى متضايق حتى لما مش اكلمها انى باخاف تزهق منى و كمان تبطل تجرى ورايا
-انا مش عارف ليه كده !! انا عايز استريح خالص اعمل ايه !!!
-انا مش عارف ده جنان و لا ايه !!!
و ازاى بقى اتخلص حتى من فكرة حب انها تسأل عليا و فرحتى لما تسأل عليا و كمان مش اتضايق لما تهتم باى حد غيرى
و شكــرا اتمنى الافادة و انى اكون وضحت

معنى كلامك انك مبتحبهاش لانك انجرحت من اللى قبلها
المسالة انك عايز حد يهتم بيك مش اكتر وده مش حب
المفروض انك متفكرش باى حب جديد الا بعد فترة
تحس فيها انك بتحب بجد ..

ركز بالدراسة وحتى لما تشوفها قول بينك وبين نفسك انها زى اختك وبس

تحياتى

حبيبتك الاولى كسرتك

وبيتهيالك انك بتحب زميلتك

والحقيقه انك بترضى غرورك

وبتحب تقول لنفسك انا البنات بتجرى ورايا

علشان تصبر على الكسر اللى جواك

حاول تقول لزميلتك انك مش بتحبها

علشان هى مش زمبها حاجه فى الجرح اللى جواك

وحرام عليك لو كنت ناوى تداوى جرحك بجرح زميلتك

ومش تزعل من صراحتى لانها فى مصلحتك

وياريت تعزر فضولى