السلام عليكم ورحمه الله وبركاته

اعزائى المشاهدين اهلا وسهلا بكم فى حلقه جديده من برنامجنا ونحب نفكركم الفائز بسوال الحلقه الماضيه sasa اما عن موضعنا اليوم فهو مثير للغايه بعنوان ( الشعب والحكومه ) ولكن اذا مسكنا الوضع فى الحكومه المصريه فهو مختلف تماما اى مشكله بتحصل لاى مواطن يقعد يلعن فى الحكومه ويقول هى السبب والحكومه مش عارف اقول ايه ترى نفسها دائما الملاك والشعب هو المخطا دائما على راى عادل امام الروساء تتمنى تصبح الصبح متلقيش حد يحكموه وفعلا ده شى موسف ودائما الحكومه تحول تزين المساوه ودائما بنتحرك لما المصيبه بتحصل وللاسف اصبحت الالقاب تنهال علينا بسبب الاهمال ومن اشهر الالقاب اذا حدثت اى مصيبه يقلك يبقى انت اكيد فى مصر يا خبر ابيض مصر مهد الحضارات اصبحت بؤره الفساد حسبى الله ونعم الوكيل ولكن السوال الان من المسئول عن هذه البلد ؟ الاجابه الحكومه والشعب اذن ان الحكومه ليست الوحيده الذى جعلت البلد متاخره وللشعب دور فى ذلك ولكن لابد ان نعرف الان ما هى اخطاء الشعب والحكومه ؟

من ناحيه الحكومه واخطائها
1- عدم الوعى الكامل بتطوير هذه البلد
2- بعض اعضاء الحكومه يهمهم المكسب الذاتى وتولع البلد
3- اهمال من الحكومه بمتابعه احوال الشعب
ويوجد اخطاء اخرى ولكن ايضا يوجد مميزات مثل الحفاظ على البلد من الارهاب وانشاء بعض الكبارى والمصانع للبلد والدبلوماسيه مع البلاد الاخرى

اما عن اخطاء الشعب

1- التعود على الاسطوانه المشروخه الحكومه هى السبب فى كله

2- نسى الفرد انه يستطيع ان ينجح بدون مساعده الحكومه له

3- عدم العذر للحكومه فى بعض الاشياء واخطاء اخرى

ولكن اخيرا وليس اخرا سوف نتعرف اكثر عن هذه القضيه مع نجمنا اليوم ولكن بعد الفاصل

فاصل ونعود

عدنا

اهلا بكم مشاهدينا بعد الفاصل والان من نجمنا الجميل الكابتن الذى نال اعجاب الكثيرون فى المنتدى والان نرحب بنجمنا ونقله عرفنا بنفسك ؟

السلام وعليكم ورحمه الله وبركاته اولا انا بشكر احمد على مجهوداته الرائعه ووجوده المتميز دائما وبشكره على الترحيب الجامد ده وبشكر كل اللى كان مستنينى ورحب بيا فالاعلان

انا يا سيدى اسمى سعيد يوسف محمود ماشى ف 23 سنه خريج تجاره انجليش شغال فمطار شرم الشيخ ظابط مراقبه جويه ساكن فمصر الجديده شغلى بيبقى 15 يوم واجازه 15 يوم

اتمنى انى اكون جاوبت صح على سؤالك ولو ناقص حاجه اتمنى انك تسألنى واوعدكم كلكم انى هجاوب بكل صراحه

لا يالعكس شى جميل جدا مشرفينا وحلو اوى نصف شهر شغال ونصف راحه والان نجمنا ما هو سر اختيارك لمنتدى نجوم عن غيره ؟

والله اختيارى كان بالصدفه الباحته انا كنت زهقان من النت ومش لاقى حاجه اعملها قولت بدل ما اشغل الراديو اسمع نجوم اف ام اونلاين على النت
المهم دخلت على جوجل وعملت سيرش وجانى الموقع الجامد اوى ده المهم قولت اشوف اخباره ايه وبعد كده اسمع الأذاعه
بصراحه دخلت قولت والله مانا خارج حد يلاقى الصحبه الجميله دى والروح الحلوه والناس اللى زى العسل دى ويخرج اللمهم روحت مسجل ودخلت وقولت اشوف ايه النظام ولو لاقيته رخم هخرج لاقيت ترحيب مش ممكن كأنهم يعرفونى من زمان والحمد لله انا ارتحت للكل والكل ارتاحلى الحمد لله وبقيت واحد من اعز اخوات ليا وكل المنتدى بقى اهلى واخواتى واصحابى

بجد الله عليك شعور جميل جدا وبما انك فى صحوه الحب دى عرفنا اعز 5 اصدقاء فى المنتدى عندك ؟

انت كده بتحرجنى جدا وبتخلينى فى مأزق لا احسد عليه
بص انا هقولك مين اعز اصحابى كلهم لانى بعزهم كلهم عشان محدش يزعل منى وفنفس الوقت الكل معزتهم كبيره عندى اوى
{روميو \ احمد عوض \ احمد شطا \ وانت طبعا \ ووانتد \ لوست انجل \ اسو \ همسات مسموعه \ ياسمين فرجينيا \ زينا \ سلمى \ القلب الطيب**
بجد فى ناس كتير اوى ويارب اللى نسيتو ميزعلش ويتأكد انى بحبه جدا جدا جدا جدا وبعزه كمان وياريت تقدرو انه احمد عاصرنى بوابل من الاسئله
على فكره فى حد انا مقلتوش ومتعمد كده

ههههههههههههه حلوه منك يا نجمنا ولكن احنا قلنا 5 بس ولكن احنا يعتبر عرفنا الاجابه ولكن يوجد موضوع حدث فى جروب الاصدقاء بتاع راغب انت وميسره عرفنا القصه بكل صراحه ؟

انا اسف لو مكنتش متابع بسبب شغلى وسفرى لكن انا هستأذنك تسالنى وانا اجاوب كان عن موضوع السؤال بتاع راغب لميسره صح مش كده

يا نجمنا مش هقلك احكى لنا القصه دى السوال بطريقه اخرى ما هى علاقتك بميسره بكل صراحه؟

تماااااااااااام انا بحب الصراحه وعشان كده انا هرد عليك بكل صراحه
ويارب كلامى ميزعلهاش مع انى زعلان جدا انها مش موجوده معانا
انا يا سيدى لما دخلت المندتى معرفش اتشديد كده مره واحده ليه وكنا بنسأل على بعض عادى عجبنى اسلوبها وتفكيرها وشخصيتها وعندها
المهم فكرت فموضوع الارتباط وكلمتها هى الاول كانت مش مقتنعه ومكنتش تعرفنى
بس الحمد لله فضلت وراها ومسكتش والحمد لله بنحب بعض جدا ويارب اكون عند حسن حظها وزى ما كنت تتمنى انها تلاقينى

اهدى بقى شويه عشان شكلك مش هتعدى الليله دى يا احمد

بصراحه يا نجمنا ده خبر رائع ونعلنها فى برنامجنا صريحا وبدون اشاعات من الاخرين مشروع ارتباط بين الكابتن سعيد وميسره وبجد ده خبر سعيد جدا وميسره انا اقول دائما عنها انها انسانه محترمه وممتازه مع انها مجهوله للبعض وانت انسان ممتاز يا كابتن والان مع سوال اخر فى السوال قبل السابق قلت فى حد انا مش هقول اسمه من هو هذا الشخص؟

هو كان ميسره لانها مش من اصحابى ومن اصدقائى لانها حبيبتى
بس وانا تعمد انى اقول كده عشان محدش يفتكر انى نسيتها لانى مقدرش انساها

والله يا نجمنا كنت متاكد انه ميسره ولكن كنت اخشى ان لا تكون مشاعر حب وفاء ولكن الحمد لله والان سوال من احد الاعضاء بما انك تعمل فى هذا المجال هل يوجد مضيفات محجبات ؟

فبعض الخطوط الجويه الخليجيه لكن مش فى مصر

للاسف لماذا مصر لا تقبل المحجبات هذه مشكله سوف نطرحها والان سوالى لك ما هى مواصفات شريكه حياتك ؟ وهل وجدتها فى ميسره ؟

الحمد لله مواصفاتى كلها موجوده فميسره وده فضل من عند ربنا لكن هى عنيده حبتين وده على قلبى زى العسل عشان بحبها
اما عن مواصفات فتاه احلامى فهى انها تكون بتحبنى ورومانسيه وبتفهمنى من عنيه مؤدبه واخلاقها عاليه ولازم تكون مهتمه بيا وتكون رومانسيه زياده عن اللزوم لانى انشاء الله ناوى اعمل امبراطوريه رومانسيه لانى بحب الجو ده وتعيش معايا على الحلوه والمره وانشاء الله مش هتكون فيه مره
والجمد لله ربنا كرمنى بميو ومش هدور على حاجه لانى متأكد انها تملك كل هذه الصفات

والله شى جميل واتمنى ان يسمع هذا الكلام كل من يشكك فى مفيش حاجه اسمها حب لا والله فيه حب وده دليل من كلام الكابتن ولكن هل ميسره هى اول فتاه حبيتها ؟

بصراحه لا
كان فى حد قبل كده بس الحمد لله انه محصلش نصيب والحمد لله
ربنا عوضنى بميسو حبيبه قلبى
وخلى بالك انت كده دخلت المنطقه الحمرااااا

لا ولا منطقه حمراء ولا حاجه نجمنا والان سوال هام اعطينا نبذه عن عملك ؟

اممممممممم
طيب يا سيدى عنيا اللى اتنين
انا يا سيدى مسؤل عن حركه طيران الطيارات اول ما تدخل المجال الجوى اللى انا فيه وبحافظ على المسافات بينهم عن طريق الرادار ومسؤول عن الخطوط الجويه اللى بيمشوا فيه وانا المسؤل عن البيانات اللى بياخدوها من ارتفاعات وارصاد يعنى المناخ وحاله جو ودرجه الحراره وسرعه الرياح وكده يعنى لغايه لما تهبط فارض المطار فالمهبط يعنى
وبعد كده مسؤل عن اقلاعها برضه والبيانات اللى بتاخدها كلها لغايه لما احطهم على الطريق اللى هم رايحينوا لغايه لما اسلمهم لبرج المنطقه الجويه اللى هما رايحينها زى مانا استلمتها بالظبط وهى جايالى بس كده
يعنى لو لاقدر الله حصلت حادثه او كارثه هتبقى بسببى او بسبب عضل فالطياره وانت عارف دى ارواح ناس
يعنى

طبعا نجمنا دى مسئوايه خطيره جدا ربنا معاك والان سوال عرفنا بعائلتك هل عندك اخوات ام لا

اه يا احمد عندى اخوات وكلهم الحمد لله متجوزين هما ولدين بس مش اكتر

الحمد لله عقبالك بميسره والان سوال هام ما هى الاحلام التى تود ان تحققها فى المستقبل ؟

ميرسى كتير ليك الاحلام اللى ناوى اعملها انشاء الله
اول شئ اطلع والدى ووالدتى وانا وميسره نحج مع بعض انشاء الله عزوجل تانى شئ اجتهد فى عملى واكون انسان ناجح جدا فى مستقبلى تالت حاجه انى اتجوز ميسره انشاء الله

بجد احلام جميله ويارب تحقق لانك تستحق كل خير نجمنا والان ما هو اصعب موقف فى حياتك واجمل موقف ؟

ربنا يخليك يا حبيبى
مممممممم
اجمل موقف هو شغلى لانى اشتغلت بصدفه غريبه جدا والحمد لله انا كنت لسه جايب النتيجه بتاعه سنه رابعه ورايح الشغل لاخويا عشان افرحه واقوله انى خلاص خلصت (اخويا شغال فنفس الشركه المقر الرئيسى للمطارات )
المهم رحت سلمت عليه ومش عارف ايه المدير بتاعه عرف انى موجود بره ونجحت طلبنى عشان يباركلى المهم دخلت سلمت عليه وقالى الف مبروك على النتيجه وانه عايزنى كمان ساعه قولتله ماشى ومعرفش هو عايزنى ليه المهم طلبنى بعد نص ساعه وقالى ادخل اعمل الانتر فيو ده عشان هتشتغل معانا انا مصدقتش نفسى من المفجأه والسرعه المهم دخلت الحمد لله نجحت واشتغلت بعد نتيجه الانتر فيو
ده كان احلى موقف


اصعب موقف بقى هو انى كنت لابس ومتشيك ورايح عيد ميلاد ناس صحابى من المطار هما طيارين مش شغالين فالمطار المهم انسات وشباب واللى اعرفه واللى معرفوش وكنا فشيراتون المطار المهم طلبت عصير كوكتيل وجه الويتر وشايل طلبات الترابيزه كلها وفجأه وقف واحد صاحبى ووقعت الطلبات كلها عليا ولك ان تتخيل بقيت عامل ازاى وهدومى بقت عامله ازاى طبعا القاعده كلها اتقلبت ضحك وروحت ماشى مروح وانا فنص هدومى ربنا ما يكتبها على حد ابدا

والله شى ممتاز والمدير عنده نظر انه اختار نجمنا والان سوال هام فى احد مواضيعك وهو اول حرف من اسمك يعبر عن رومنسيتك انا اسئلك بصراحه هل انت توافق على هذه الكلام ام تعتبره خرافات

كله بتاع ربنا بس منكرش انى بهتم بالكلام ده وبحب اقراه بس مش اكتر لكن ممشيش وراه ومش بقتنع بيه

وجهه نظر نجمنا والان سوال هام هل لديك خصومات مع احد فى المنتدى او لايعجبك اسوبه من الاخرين