نجوم مصرية
منتديات نجوم مصرية منتديات شباب وبنات منتدى طلبة جامعات مصر منتدى طلبة كلية علوم



تابع نجوم مصرية على أخبار جوجل




اعرف نفسك !

 

فين الاسئله؟؟؟؟؟






المقال "اعرف نفسك !" نشر بواسطة: بتاريخ:
القلب الطيب
ميرسي يا احلي قمر
qween of love
مش عارفه اقولك ايه والله يامحمد شكرا
انت كرمك الزايد ده مع كل الناس كده؟؟؟؟؟ هو ده السؤال
qween of love
هو السؤال ده كمان مش هتجاوب عليه لانه ما ينفعش يتسال ولا ايه؟؟؟
qween of love
ايه يا محمد انت مش بترد ليه؟؟؟؟
القلب الطيب
مساء الخير يا ساره

اخبارك ايه

واحب اجاوب علي سؤالك انت كرمك الزايد ده مع كل الناس كده؟؟؟؟؟

الحمد لله كل الناس بتتحترمني وبتحبني وبالنسبة لكرمي ده مع كل الناس

والناس اللي بعزهم وبحبهم

ميرسي لسؤالك يا ساره
qween of love
السؤال\ انت مع الصداقه بين البنت والولد فى الكليه وكده ولالا
قصدى يعنى لو اختك قالتلك فى يوم انا بكلم ولد زميلى عادى بالنسبالك ولا ايه
وياريت السبب
lionking121
انا بقى ادخل كده فجأة واحشر مناخيرى
واقول انى مش مع صداقة الولد والبنت
لأنى مش عارف ايه السبب منها
ولو بالحجة المشهورة طبعا حجة الدراسة
اظن ان لو بنت محتاجة حاجة اكيد هتلاقيها مع زمايلها البنات فى الكلية ومش هتقف على الصبيان يعنى
ولو وقفت يبقى فى حدود مادة كذة ومادة كذة بس
وننسى الهرج بقى وضحك الولاد مع البنات والحياة تبقى لذيذة كده
بس ده اكيد كلام خيالى لان قليل اوى اللى بيعترف بان مصاحبة الولد والبنت غلط
واكيد انا لو اختى قالتلى انا عاوزة حاجات من زميل ليه فى الكلية
اكيد طبعا هافضل ان هيه تاخدها من اى بنت زميلتها احسن ماتروح للكابتن
qween of love
شكرا على المرور يا اخ lion king بس يا ريت تعرفنا بنفسك
وواضح انك اخ كويس جدا وحمش
lionking121
انا اسمى محمد
كلية علوم شبين
سنة اولى
ويلا كملى الاسئلة
qween of love
ياااااااااه واضح انك متحمس جدا
رايك ايه فى كليتك؟............................ وبصراحه
lionking121
والله انا اول ماعرفت انى داخل علوم اتصدمت ومكنتش اتوقع انى عمرى ادخل الكلية دى
بس دلوقتى حبيتها جامد برغم ان هيه رخمة
وحبيت قسمى برغم انه قسم رخم (فيزيا وحاسب)
lionking121
عرفينى عليكى بقى وسط الزحمة كده
qween of love
كان نفسك تدخل ايه؟
طالما انت حبيت الكليه لو رجه بيك الزمن لورا وجاتلك الفرصه هتختار علوم ولا كليه تانيه
وافتكر انك لازم تحب ما تعمل حتى تعمل ما تحب
lionking121
اه طبعا انتى بتقولى كلام زى الفل

بس برده كنت هاختار حاسبات ومعلومات

بلا علوم بلا فيزيا
qween of love
ما تقلقش انشاء الله ربنا هيعوض صبرك فى الثانويه خير اكيد ربنا شايلك الاحسن
انا ساره 18 سنه وكليه صيدله
بس سورى يعنى ما تاخدش كلامى بزعل او تفكر انى بتفزلك بس انت ضد كلام البنات والولاد او الصداقه بين بنت وولد طب ازاى عايز تتعرف ولا ده شئ وده شئ انا طبعا عايزة افهم مش اكتر
بدون زعللللللللللللللللللللللللللللللللللللللل
lionking121
انتى بتقولى كلام صح زى الفل برده
لا طبعا ده مش حاجة وده مش حاجة
الاتنين امر واحد سواء بتكلم مع بنت فى الكلية او على النت هوه هوه الموقف
لكن زى مابيقولوا قدر اخف من قدر
ومش معنى كده انى مش بكلم بنات فى الكلية
ممكن عادى اكلمهم
هوه فعلا بقى عرف ان الموضوع ده عادى لكن هوه اساسه خطأ

انا بقى احب اسالك برده نفس السؤال انتى ايه رايك فى علاقة الولد بالبنت
qween of love
بصراحه انا نفسى مش عارفه انا بتكلم بصراحه متناهيه والله بس انا يوم اقول لنفسى ان الصداقه دى شئ مهم ومفيهاش حاجه لما اكلم ولد هو مش هياكلنى وبعدين انما الاعمال بالنيات وعلى حسب اللى احنا بنتكلم فيه وطالما البنت محترمه هتجبر اللى امامها انه يبقى محترم وكمان طالما الولد نظرته للبنت انها محترمه وممكن تكون ام او اخت او زوجه او قريبه فى يوم من الايام عمره ما هيضايقها ولا انت مش معايا
ويوم تانى اقول لا ده حرام وما ينفعش ومهما كان الدنيا مش هتقف على الكلمه اللى متكلمها مع الولد ولو هموت من غيرها ابقى اقولها لبنت واكيد ربنا هيعوضنى بشريك حياتى يكون كويس وطيب ومتدين
انا عارفه ان اجابتى طويله بس هو ده والله اللى فى دماغى من ناحيه الموضوع ده ومش عارفه اتخذ قرار ولغايه دلوقتى انا فى كليتى ما كلمتش اى ولد بس ماحدش عارف الزمن يا ما بيغير هههههههههه.
lionking121
هههههههههههههههههههههههههههههه

كلامك جامد فعلا

يلا اسالى
qween of love
طب ايه رايك فى معاكسات الاولاد للبنات فى الشوارع والتطاول عليهم بالفاظ جارحه ؟؟؟؟؟ويا ريت تقول بجد وبصراحه انت عمرك ما عاكست واحده فى الشارع؟؟؟؟؟؟
ولو شوفت موقف زى ده فى الشارع هتتدخل ولا لا؟؟
qween of love
ومن رايك ان الغلط على البنت ولا الولد يعنى منظر البنت هو اللى بيضطر الولد انه يتكلم ولا ايه
بس خلى بالك ساعات البنت بتبقى محترمه جدا فى لبسها ومشيها بس الولد بيبقى عايز يعاكس لمجرد المعاكسه مش اكتر
رخامه يعنى وغلاسه
lionking121
اصلا اى ولد بيعاكس بنت كده فى الشارع ويقولها اى كلمة بيبقى تعبان فى نفوخة
وانا وزميلى اللى فى الكلية مهما تكون البنت عاملة فى نفسها ايه ملناش دعوة بيها
لان اصلا متتصوريش انا اكرة اى واد يعاكس بنت اصلا وبيسقط من نظرى على طول
ولو صاحبى ماشى معاه فى الشارع وعملها ممشيش معاه تانى احسن يشبهنى كده

وفكرة انى ادخل دى فانا بدايق وخلاص لانه بيقولها كلمة وبيمشى
لكن لو حصلت ورخم جامد وحصل موقف بينهم والبنت وقفتلة وكده ممكن ادخل
وعلى الله بقى ميكونش واد حيطة كده او بيحب الافترى يبقى انا روحت فى خبر كان
lionking121
الموضوع والله متقسم فيفتى فيفتى
50 % على الولد انه لازم يحترم نفسة ويعتبر كل البنات اخواته مهما كانت ولو حته كانت مبالغة فى لبسها جامد يخليه فى حالة وميتحشرش
وال50 % التانيين على الحاجة ان هيه المفروض برده يعنى متسيبهاش كده وتمشى وتقول يا ارض اتهدى ما عليكى قدى كده هيه بتحط نفسها فى موقف وحش ان الولاد يتكلموا عليها او يدايقوها
qween of love
ههههههههههههههههه والله ضحكتنى وانا كنت واخداها جد
طيب نسال فى ايه تانى يا بت ياساره نسال فى ايه تانى....................................
اه السؤال\انت بتشترى سيبشيهات وبسكوتات من انتاج شركه شيبسى وبيبسى وكده رغم انها من المنتجات الاسرائيليه ولالا
طبعا مفيهاش حاجه لو ماكنتش تعرف بس تخيل كم الحسنات اللى هتلمها لو مجرد انك بعدت عن المنتجات دى ويا سلام سلم بقى لو قولت لبقيه اصحابك فى الكليه دا انت تبقى راجل زى الفل
واللى يخليك تترك الحاجات دى اكتر كل ما تضغف وتشتريها افتكر انك كده بتقتل بكل قطمه منها طفل فلسطينى او عراقى اللى ممكن يكون ابنك او اخوك
هه موافق تفكك من المنتجات دى فرحنى وقول رايك باستفاضه.................
lionking121
ست سارة دى بتقول كلام زى الفل برده

هوه بصراحة انا ممكن اكون مبهتمش بالموضوع ده وطول النهار اترع فى بيبسى وشيبسى والحياة طناش

لكن انتى ممكن تقوليلى على اشهر الحاجات والبدايل وانا اعملها

بس اقتنع بالبديل الاول

وممكن تعميلة توبيك جديد والناس كلها تشارك فيه ونشوف مدى استجابة الناس

وانا معاكى اهوة يا كابتن
qween of love
والله انت كده كبرت الفكره فى دماغى خلاص بكره ان شاء الله هعمل الموضوع ده
بس انت قصدك بدايل ايه انا ممكن اقولك على المنتجات اليهوديه الاساسيه زى كل منتجات السيبشى او المياه الغازيه اللى تابعه للشركتين بيبسى وشيبسى وكوكاكولا وشوكولاته جالاكسى ولبان شكلس وكنتاكى وبيتزا هت وشيتوس وهوهوز وتوينكز
انا عارفه انك هتقول امال ناكل ايه هم فعلا ماخلولناش حاجه ناكلها او نبيعها بس عندك شويبس وروتيتو والشمعدانات وغيره وحاول وانوى وربنا هيقدرك
انا فى الاول كنت فى كافيتيريه الكليه بقف بالربع ساعه على ما اشترى حاجه مش يهوديه بس الموضوع بقى سهل وبقصر وافطر فى البيت هههههههههههه
lionking121
ههههههههههههههه

احم احم اعتقد ان متبقاش حاجة اصلا تتاكل على رايك

بس شاكلى كده هاعمل زيك واضرب السندوتشات فى جيبى وانا رايح الكلية
qween of love
طب انا شايفه انى طولت اوى اسال انت بقى وانا انشاء الله هبقى ارد بكره عشان الوقت اتاخر ومحتاجه اشد شويه نوم يلا سلاااااااااااااااااااااام
lionking121
سلاااااااااااااام
بسمة basma
ازيك يا سارة انتى وليون كنج واللة كلامكم جميل وشدنى انى اقرائة كلة

بس اية كمية الفل اللى فى الكلام دية اوعوا ااااااااااااااااا حد فيكم يزعل

انا بهزر معاكم ههههههههههههههههههههههههه



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
موقع ثقف نفسك وصفحة ثقف نفسك على الفيس بوك
تعرف على شخصيتك من خلال شكل العيون اعرف نفسك
مجلة اعرف نفسك ومن حولك
اعرف نفسك من انت عند الغضب؟

Powered by vBulletin Version 3.8.8
Copyright ©2000 - 2024, Jelsoft Enterprises Ltd
جميع الحقوق محفوظة © fmisr.com منتديات نجوم مصرية