نجوم مصرية
منتديات نجوم مصرية منتدى المواهب منتدى موهوبين الادب والشعر منتدى القصص والروايات



حكايه اهل المطرب حكيم

 

بسم الله الرحمن الرحيم
اولا احب اعرفكم بنفسى انا اسمى محمد من مركز مغاغه تابع لمحافظه المنيا و القصه اللى هنشرها دى حصلت بهذا المركز و يا ريت تعجبكم بس ليا طلب اللى يحب ينقل الرساله لو سمحت يطلب منى انا شخصيا او من عبدو باشا مدير المنتدى اوكى
اشخاص القصه و المكان و الزماناحمد بن جاد المولى : 18 سنه خليل بن جاد المولى : 28 سنه و كان زوج اخت صالح باشا معوض بن جاد المولى : 38 سنه والد الحاجه فوزيه ام المطرب حكيم ساره : ام خليل و احمد و معوض صالح باشا لملوم : فى العقد الاربعين من عمره عبد الرحمن : اخو صالح باشا و شهرته ابو عوف احمدالكظه : ابن اخت صالح باشا المكان : مركز مغاغه و قريه البرقى تابعه لمركز الفشن بنى سويف الزمان : 1936 قبل الثوره موسم انتخابات مجلس الشعب
احداث القصه
نتعرف على الشخصيات صالح باشا ده كان مفترى هضرب مثل كان يمشى فى البلد و يمسك فلاح و يقوله ( قول يا رب ادينى بقره و الفلاح يدعى يقوم يرجع يسأله ربنا اعطاك بقره يرد الفلاح :لا . يقوله طيب قول يا صالح باشا ادينى بقره . الفلاح يقول وراه . فيرد صالح باشا على الفلاح. ادخل و خد بقره من الزريبه . يعنى كان كافر ) نبدأ احداث القصه سنه 36 و موسم الانتخابات و كان معوض بيه مترشح عن الحزب الدستورى و صالح باشا عن الوفد . المهم معوض بيه كان بيخطب فى البلد فعرف صالح باشا فدخل عليه و هو بيخطب و قاله : بزيداك كلام يا اللى ربتك ساره . معوض بيه حافظ الادب مرديش يرد عليه . قالو البشوات هكذا الادب مدام مش راضى ترد عليه من غاب اصله ترى فصله يرد عليه . معوض رجع البيت زعلان . سالته ساره : مالك يا بنى قال لها : صالح بيعيرنى . تقوم ساره تنادى على احمد و خليل و تقول : تعال يا احمد انت و خليل انا هضرب لكم قرعه على ولاد لملوم اتنين و انتو اتنين علشان صالح عينو قرعه . ضغطو عليكو من بعد ابوكو و نارو فى الحشه ترعى ( لانه جاد المولى كان ميت و كان صالح بيعيرهم علشان ربتهم مره و هى ساره ) . و تكمل ساره : على ايام ابوكو كان ابوكو يشبه البحر و صالح يشبه الترعه. خليل يقول : يا امى الانتخابات كان مالنا بيه ربنا نعم علينا بنعم كان من الواجب نراعيها . ساره ترد عليه : كلمه الخصم فى جسم الحر زى النار تراعيها. و تكمل ساره كلامها و تقول : كان نهار شؤم يوم ما دفعنا يا خليل بدنك يا واد هات الطربوش و خد الطرحه و انا اطلع و اروح بدلك علشان يقول البلد مفيهاش و لا راجل مره جايه فى الحروب بدلك . ساره تقول : يا واد يا خليل خليك مع اخوك راجل داه اخوك جدع عال ما يهموش و لا راجل يا تدينى الطربوش و خد الطرحه و انا اطلع فى كتف اخوك راجل علشان يقول العرب البلد خربيت مره جايه بدل راجل . ساره تقول : يا واد يا احمد غيرك انت مخلفناش . انا عايزه تطفو نار صالح و نتقابل على التربه و بعذنى مخلفناش . لو جيتو 2000 مبروك . و لو اتقتلتو مخلفناش . نتقابل على القبر و بعذننا غير معوض مخلفناش . ساره تقول يا واد يا احمد تعالى انا احضنك على ايدايه دا انا من عاشيه و انا بحشرلك رصاص على ايدايه ان جيت يا مرحبا . و ان موت يبقى يوم عيد يوم ما هخدك على الغسل بايدايه . يقول خليل : انا طالع يا امى و هاتيلى حسن ولدى قبل الممات يا امى انا اشوف حسن ولدى . ترد ساره : مع السلامه موت و اغلى من الولد ولد الولد يا ولدى. ساره تقول : يا واد يا احمد ما تخليش خليل قدام دا خليل خواف و لا يرعب عداى قدام امشو مع السلامه ان جيتو يا مرحبا و ان موتو يبقى اللقى قدام . احمد يقول : يا امى دا احنا ملوك بتدخل علينا ملوك عزايمنا بنفتح ديوانا لكل غريب عزايمنا كفايه بطلى كلام علشان كلامك و احنا طالعين للموت هيقل عزايمنا . احمد يقول لخليل : ليضغطو علينا ولاد لملوم لا نطول ابيض و لا اسود علشان انا عارف ولاد لملوم نهارهم من اوله اسود . احمد يكمل كلامه لخليل : تعال يا خليل اقعد هنا فى جارى . يرد عليه خليل :يا ما انا خايف النهارده يكون عزرائيل قاعد جارى . احمد يقول لخليل : اهى ساحه الرجال جايه ليالى الهنا راحت و ليالى التعب جايه . خليل يقول لساره : يا امى قبل الخروج اكل اصلى ركعتين لله و ازور الدنى و اكل انا قلبى حدث النهارده من ضرب الرصاص ناكل . احمد يقول لخليل : حط فى العربيه بنزين قيمت نوصل و ما رجعنشى. خليل يقول : اللى فيها يكفيها و بكلامك مارجعنشى. دا انا قلبى حدث النهارده على بيتنا مارجعنشى. و ركبو العربيه الاتنين و لا كان احد فيها (سوى السواق)








المقال "حكايه اهل المطرب حكيم" نشر بواسطة: بتاريخ:
هارى بوتر1988
ووصلم البرقى البلد اللى فيها الحادثه
...........................
احمد يقول لخليل حضر شهمتك اهى ساحه الرجال حايه و دى مصلحه انتخابات و اللى يموت ما لهوش فيها ديه(ثمن المقتول الديه ) ........ يرد خليل : يا ما انا خايف تكون ساعه عزرائيل جايه.........احمد يقول : يا واد يا خليل افتكر الكلام اللى قالته لينا امك يا ريتنى فتك فى البيت و خد بدالك امك هو انت ناسى يوم الانتخابات صالح شتم معوض و عايره يا جبان بأمك .............. ويكمل احمد كلامه : انا لو حسابى كده كنت سيبتك فى البيت و خد حرمه بدالك سدت معايا و انت قعد يا خايف فى البيت من بعد ابوك ما مات ولاد لملوم ممكن يدخلو علينا البيت يا خليل ما هو شقيقى انت انا طالع من البيت و متكل على رب العباد و انت ان كنت خايف ارجع على البيت و ان كنت راجل معايا اقف على طول بس لو انحنيت فى الضرب بايدى هضربك انت ............. هما لسه واصلين و قاعد صالح و اخوه عبد الرحمن فى البيت شافو النور بتاع العربيه ............. صالح يقول لاخوه عبد الرحمن : عربيه مين يا ابو عوف اللى من بعيد تضرب تلكسات فى نظرنا و الشمس بغروب و ليها هروب فى نظرنا حراج يا مركز مغاغه مفيكش راجل للاعتبار فى نظرنا.......... يرد عبد الرحمن : دى عربيه نسيبنا و لا فى داعى للكلام تانى ما تخدع نفسك يا اخوى دا الزمان لما يجور ما يهمه الاول و لا التانى و الله لتتبهدل اصلك مفترى و عايز تعمل ربنا تانى ..............ابو عوف يقول يا صالح دى عربيه نسيبنا ولاد جاد لمولى ....... يرد صالح : امشى هاتهم اشيلهم تراب الارض مع مونه من جاور الحداد يتحرق و من جاور البنا ضرورى هتلحقه المونه.........ابو عوف يقول لصالح : دا احنا معانا اموال من مغاغه للجيزه و معانا شباب طالبه الفرح و الجيزه (الجنائز) ..............صالح يقول : من بعد انا ما اموت ولاد ساره هياخدو منكو ربع المال و الجيزه .......صالح قال : انا عارف من يوم ابوك ما مات ما خلفش غير انا الكبير فيكو و المر كله بين الزمان حاطط على المليح فيكو من بعد انا ما اموت ولاد ساره يبيعو و يشترو فيكو .........و قامو ركبو العربيه الاتنين علشان يقابلو احمد و خليل ........... احمد صدر العربيه بالعرض و وقف ما تعرفش طول من عرض و يقول لخليل : امك قضيت زمانها و هى نظيفه عرض
.........
تقابلو مع بعض دخل احمد على صالح و خليل دخل على ابو عوف......... يقول صالح لاحمد : رايح فين يا احمد ...... قال احمد : انا رايح البلد اللى انت جاي منها....... قال صالح : من امتى يا احمد فلوس الحريم بيترشحو بيها .......... رد احمد : الحمد لله ده ورث امنا فيها و انا امى اسمها ساره و يوم العقاب انا هتندى بيها .......... صالح يقوله : مالكو كده يا واد زعمنين و الزعم ماليكو تتحشرو ليه فى التقيل و شيل الحمل مش ليكو رصاص تاخد الكبير قبل الصغير فيكو يا واد يا احمد من هنا امشى يا احسن احزن اهليكو...... قال خليل : ما تغلطش امتى يوم حضرنا الغدا عندك ابويا ما مات و احنا لينا واجب عندك بتقوحنى ليه يا باشا دى عندى و دى عندك ......... احمد يقول : عيب عليك يا صالح قل من الكلام و ابرد على راى الامثال قالوه الكبار لو كان عندك حديد فى قلبك عندنا المبرد ...... صالح يقول : طالع من البيت ليه و متبع كلام امك يا واد من هنا روح يا احسن احزن عليك امك .........احمد قال : يا باشا انا شايف كلامك رده عليا عادى ......ز صالح يرد : انا صالح لملوم و كل اللى يعاندنى يموت........احمد يقوله : من قبلك انت يا باشا يا ما ملوك ماتت و يا ما ملوك هتموت حتى القران قال كل نفس على الدنيا لازم تدوق الموت.......خليل يقول: من قبل ما نطلع لك يا باشا و مترشحين للموت......ويبص لابو عوف و يقول: يا عم ابو عوف فاكر يوم ما نزلت عندنا فى البلد سابق و كنت اغراب و نزلاء و ابويا صنع معاكو الجميل سابق و جاى معايا على البرقى يوم الضرب تتسابق ......... احمد يقول : يا صالح من متى اللى لى خصم يضرب فى على الفاضى دا احنا بشوات و انتو نزلتو البلد كنت اغراب على الفاضى مش فاكر نهار ابوك ما خد اوضه بالايجار فى عزبه على القاضى........احمد ضرب صالح طلقه من جنبه لضلعه ..............احمد يقول لخليل : فين الوصايه اللى امك قالتهالك انا طالع من البيت و متكل عليك انت انا ضربت الشقى و الهادى عليك انت.......خليل يقول لابوعوف : تعالى يا نسيبى لاجل ما نتعاتب انا و انت دا انت من حسن ضميرك وقعت من قرعتى انا ............احمد استكتر المعتبه ضرب ابو عوف و قال يا خليل بلاش انت ......الباقى بعد الردود
هارى بوتر1988
و لا رد انتو مش عايزين تعرفو بقيه الحكايه
abdobasha
القصى دي جامدة وحصرية
وبجد تستاهل عليها التقدير يا هاري بوتر
هارى بوتر1988
يا باشا الله يكرمك انا اكبر تقدير ليا انى اكون فرد من اسره المنتدى
عصفور المطر
يا هارى دى حكايه جميله..تشبه السيره الهلاليه..لكن ليا شويه اسئله كده..

1-هل دى فعلا قصه اهل المطرب حكيم؟
2-طب مين اللى كتبها؟؟هو ولا انتا ولا حد تانى؟؟
3-ايه اللى حصل بعد كده؟؟.....................................مشكور يا هارى..
هارى بوتر1988
يا هارى دى حكايه جميله..تشبه السيره الهلاليه..لكن ليا شويه اسئله كده..

1-هل دى فعلا قصه اهل المطرب حكيم؟
2-طب مين اللى كتبها؟؟هو ولا انتا ولا حد تانى؟؟
3-ايه اللى حصل بعد كده؟؟.....................................مشكور يا هارى..
اولا شكراااا للمرور العالى يا عصفور
1
_ القصه بتاعت اهل حكيم فعلا لان معوض بيه كان ابو الحاجه فوزيه ام حكيم و الدليل انها حصلت فى بلدى يعنى بلد حكيم مركز مغاغه
2_
انا اللى كتبت القصه دى و الدليل انها مش موجوده فى اى منتدى تانى و لكن انا عرفتها من شاعر ربابه كان بيغنيها و انا القصه شدتنى فبدات اسال على الحكايه دى و عرفت تفاصيل اكتر بكتير من اللى سمعتها من الشاعر
3_
و بالنسبه للى حصل بعد كده انا لسه بكمل كتابتها
.
هارى بوتر1988
.................................................. ......
هارى بوتر1988
طيب علشان مفيش ردود تم تأجيل الجزء الثانى لاجل غير معلوم
هارى بوتر1988
لو اتكتب ردود هنزله فى خلال 24 ساعه
عبقرينو2000
مشكورررررررررررررررررررررر الموضوع بجد جميل
عصفور المطر
لا زلت اجهل السبب الحقيقى من وراء روايه هذه القصه؟؟؟؟؟؟؟؟؟؟؟
هارى بوتر1988
مش فاهم قصدك ايه
عصفور المطر
اقصد هل هى لمجرد التسليه...ام التشهير بشخص المطرب حكيم...ام للاثاره فقط...انا شخصيا ضد الخوض فى السير الشخصيه...وخصوصا ان حكيم صعيدى ولا يقبل حتى ان يذكر اسم امه...تحياتى.
هارى بوتر1988
عفوا انت كده طلعت بره الموضوع القصه دى من 71 سنه ماشى و بالنسبه لحكايه حكيم انسى كانى مش ذاكره فى القصه انا كتبت اسمه للاثاره مش اكتر و لا اقل
عصفور المطر
شكرا عزيزى هارى للتوضيح.....ولا انكر ابدا ان اسلوبك القصصى جميل جدا...وتذكرنى بالملاحم الشعبيه القديمه مثل سعد اليتيم وياسين وبهيه....الخ...استمر فى هذا الطريق ...تمنياتى بالتوفيق..
هارى بوتر1988
ميرسى ليك عصفور المطر
عبقرينو
شكرررررررررررررررررررررررا
عبقرينو
والله القصة جميلة جدا
عبقرينو
انا على من الجيزة
abdobasha
على العموم اسلوبك رائع يا هاري
وانا مش شايف ان القصة فيها تشهيير
بل مميزة جدا
وهي زي قصة حلوة
ولو حتى لحكيم او لغيره
هارى بوتر1988
ميرسى ليك يا عبدو و على الواقفه الجامده دى
عصفور المطر
يا هارى..انا كمان واقف جنبك...دى كانت مجرد وجهة نظر او تساؤل...محدش يزعل..اكتب يا هارى..
هارى بوتر1988
يا عم انا كنت بهزر معاك وان ما كنتش انت يا صعيدى تقف معايا مين هيقف معايا انت اسوانى صح
هارى بوتر1988
متفهمنيش غلط انا صعيدى زيك
أسيرة الليل
قصة حلوة كمل يا هارى



go on
هارى بوتر1988
نورت التوبيك يا اسيره الليل و شكرااا لمرورك
هارى بوتر1988
نورت يا على انت و عبقرينو
Ahmed al saka
القصة غريبة
وجميلة فى طريقة عرضها فى المنتدى

وبجد ما احب ادخل فى جدال ونقاش فى موضوع القصة

شكرا على الموضوع
هارى بوتر1988
ميرسى ليك ماتريكس و شكرااا لمرورك و الكلام الحلو ده



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
شاهد المطرب 'حكيم' يدلي بصوته في الانتخابات الرئاسية ولن تصدق لمن أعطى صوته !!!
شاهد صوره زوجه المطرب الشعبي حكيم وصوره نادره له يوم زفافه
صور حكيم يشعل اجواء القرية العالمية في دبي ...جميلة جدااا شاهد بنفسك - صور حكيم في دبي
أولى حفلات المطرب الشعبى حكيم


Powered by vBulletin Version 3.8.8
Copyright ©2000 - 2018, Jelsoft Enterprises Ltd
جميع الحقوق محفوظة © nmisr.com نجوم مصرية